Արմինֆո. Իրանի արտաքին գործերի նախարար Հոսեյն Ամիր Աբդոլահիանը պատրաստ է այցելել Ադրբեջանի և Հայաստանի մայրաքաղաքներ՝ որպես բարիդրացիության ժեստ։ Այդ մասին նա հայտարարել է "Ռոսիա-24" հեռուստաալիքով հեռարձակված հարցազրույցում։
Աբդոլահիանի խոսքով ՝ հարեւան երկրների հետ կապերի զարգացումը Իրանի նոր կառավարության գլխավոր առաջնահերթություններից է: "Ադրբեջանն ու Հայաստանը մեր լավ հարևաններն են, և մենք չենք կարող համագործակցել նրանցից մեկի հետ և գործել մյուսի դեմ։ Մեր արտաքին քաղաքականությունը հավասարակշռված է։ Երկու օր առաջ Թեհրան այցելեց իմ գործընկերը՝ Հայաստանի արտգործնախարարը։ Լավ կլիներ, որ մեր ադրբեջանցի գործընկերն էլ Իրան այցելելու հնարավորություն ունենար", - ասել է Աբդոլահիանը, հավելելով, որ ինքը կայցելի Երեւան եւ Բաքու՝ որպես բարիդրացիության ժեստ, երբ նման հնարավորություն լինի:
Նա նաեւ նշել է, որ ՄԱԿ գլխավոր ասամբլեայի հարթակներում հանդիպում է ունեցել ադրբեջանցի գործընկերոջ հետ: "Ի՞նչն է մեզ անհանգստացնում Հարավային Կովկասում։ Առաջինը ՝ որոշ օտարերկրյա ուժեր փորձում են ազդել այդ տարածաշրջանի վրա, որպեսզի փոխեն նրա սահմանները, փակեն սահմանային անցումները կամ փոխեն դրանք։ Միաժամանակ, մենք նշում ենք ահաբեկիչների ներկայությունը, որոնք հայտնվել են այնտեղ Լեռնային Ղարաբաղում պատերազմի ժամանակ։ Մենք դա ասում ենք ՝ ոչ մի դեպքում կասկածի տակ չդնելով մեր հարեւանների տարածքային ամբողջականությունը", - ասել է Իրանի ԱԳ նախարարը։
Դրա հետ մեկտեղ, նա արձանագրել է, որ ադրբեջանական կողմն Իրանի հետ բանակցություններում խոստացել է տարածաշրջանը մաքրել ահաբեկիչներից: Իրանական դիվանագիտության ղեկավարը մատնանշել է նաև Ադրբեջանի տարածքից սիոնիստական ռեժիմի տեղաշարժը: "Մենք դա անթույլատրելի ենք համարում։ Բարեկամության և բարիդրացիության հիման վրա մենք այս ամենը պետք է կարգավորենք ։ Մեզ Ադրբեջանի հետ կապում է պատմամշակութային հարաբերությունների հսկայական շերտ, եւ չի կարելի թույլ տալ, որ ԶԼՄ-ների հաղորդագրությունները ստվեր գցեն դրանց վրա", - ասել է Աբդոլահիանը։
Անդրադառնալով "3 + 3" համագործակցության ձևաչափին՝ իրանցի նախարարը հիշեցրել է, որ գոյություն ունեն փոխգործակցության տարբեր ձևաչափեր, վերը նշվածը հայտնվել է ղարաբաղյան հակամարտության սկզբում, կա նաև Ադրբեջան-Իրան-Ռուսաստան հարթակը: "Դրանք բոլորը ծառայում են երկխոսության համմար: Մենք կարծում ենք, որ նոր անհամաչափ պահանջները միայն բարդացնում են իրավիճակը Հարավային Կովկասի տարածաշրջանում", - ասել Է Իրանի ԱԳ նախարարը։
Անդրադառնալով Ադրբեջանի և Իրանի հարաբերություններում առկա լարվածությանը՝ Աբդոլահիանը համոզմունք է հայտնել, որ կողմերը պետք է ջանքեր գործադրեն իրավիճակը լիցքաթափելու համար, քանի որ տարածաշրջանն առանց այդ էլ վերջին շրջանում այնքան բացասական բան է տեսել: "Որոշ կոշտ հայտարարություններ մենք համարում ենք ոչ կառուցողական, և կարծում ենք, որ եթե իրավիճակին մոտենանք խեելամտոորեն և իմաստնությամբ, մենք կարող ենք Ադրբեջանի և Հայաստանի հետ մշակել բոլոր խնդիրների լուծման լավ ճանապարհ՝ միջազգային իրավունքի հիման վրա։ Գլխավորն օտարերկրյա ուժերի չմիջամտելն է տարածաշրջանում, Իսրայելի եւ ահաբեկիչների ներկայությունը", - ամփոփել է նա ։