Արմինֆո.2018-ին իշխանափոխությանը հաջորդած քաղաքական գործընթացների արդյունքում Հայաստանի քաղաքական դաշտը ենթարկվել է վերջնական կաթվածահարության։ ԱրմԻնֆո-ին այդպիսի կարծիք է հայտնել քաղաքական գործիչ Սուրեն Սահակյանը։
"2018 թվականին նախորդած իրադարձությունների հետ մեկտեղ երկրի Սահմանադրության ընթացիկ կարգավորումները հիմնված են առանձին անձանց շահերի վրա, այլ ոչ թե՝ հասարակության եւ պետության շահերի վրա։ Երկրում քաղաքական կուսակցությունների զարգացմանը չի նպաստում նաեւ մեր հասարակության ներկայիս քաղաքական մտածողությունը, տարանջատումը, մասնատվածությունը։ Եվ վերջին խորհրդարանական ընտրություններից հետո, ընթացիկ կարգավորումների պայմաններում, մենք կստանանք քաղաքական կուսակցություններ օլիգարխների իմիջ ունեցող առաջնորդներով։ Եվ դա՝ լավագույն դեպքում", - կանխատեսում է նա։
Այս համատեքստում մեկնաբանելով սպասվող սահմանադրական բարեփոխումները՝ Սահակյանը նշել է այդ ճանապարհի նկատմամբ այլընտրանքի բացակայությունը։ Նրա կարծիքով՝ երկրում դրական տեղաշարժերը, հասարակության ներսում հարաբերությունների փոփոխությունները պահանջում են հիմնական օրենքի փոփոխություն։ Գործող Սահմանադրությունը, ըստ քաղաքական գործչի գնահատականների, գրվել է բոլորովին այլ տիպի հասարակական կառուցվածքի համար և ուղղված է եղել բոլորովին այլ տիպի քաղաքական համակարգի հարաբերությունների կարգավորմանը։
ՀՀ վարչապետ Նիկոլ Փաշինյանն օգոստոսի 18-ին հնչեցրել է երկրում սահմանադրական բարեփոխումների լայն քննարկումներ անցկացնելու կառավարության մտադրությունը: Այս համատեքստում վարչապետն առանձնացրել է 44-օրյա պատերազմը ՝ որպես այդ քննարկումների նոր խթան, գործող խորհրդարանական կառավարման համակարգի արդյունավետությանն ու համարժեքությանը վերաբերող բազմաթիվ հարցերի առաջացման լույսի ներքո ։ Հիշեցնենք, որ դեռ մարտի 1-ին Փաշինյանը հայտարարել էր, որ մտադիր է հոկտեմբերին անցկացնել սահմանադրության բարեփոխում՝ նախկին կիսանախագահական համակարգին վերադառնալու նպատակով։
Մասնավորապես, Սահակյանը տեսնում է գործող Սահմանադրությամբ հակակշիռների եւ զսպումների մեխանիզմի խախտում։ Արդյունքում ՝ նախորդ ընտրությունների արդյունքում քվեարկած քաղաքացիների կեսից պակաս աջակցությունն ստացած քաղաքական ուժը սկսեց տնօրինել հանրային իշխանության բոլոր երեք թեւերը՝ գործադիր, օրենսդիր և դատական։ Մինչդեռ, նման իրավիճակը, նրա կարծիքով, հանգեցնում է ներքաղաքական հաշվեկշռի խախտման՝ բոլոր ածանցյալ հետեւանքներով:
Այս լույսի ներքո՝ քաղաքական գործիչն էական նշանակություն չի տալիս սահմանադրության բարեփոխումից հետո երկրի կառավարման համակարգի փոփոխություններին։ Նրա կարծիքով, կարևոր է ոչ այնքան խորհրդարանական համակարգը կիսանախագահական կամ նախագահական համակարգով փոխարինելը, որքան զսպումների և հակակշիռների մեխանիզմների վերականգնումը։ Նշելով, որ դրան ավելի հեշտ է հասնել կիսանախագահական մոդելի պայմաններում, Սահակյանը, միաժամանակ, ընդգծել է, որ այդ նույն նպատակին կարելի է հասնել եւ պահպանել գործող մոդելը:
"Գործող հիմնական օրենքի պայմաններում մենք կամ կգնանք նախորդ համակարգի վերականգնման ճանապարհով, որը կավարտվի նույնքան անփառունակ, կամ էլ պետք է այն ավելի ժողովրդավար դարձնենք։ Հասարակական հարաբերությունները գործող սահմանադրության շրջանակներում հնարավորություն են տալիս քաղաքական ուժերին մակաբուծել հասարակության հաշվին։ Ավելին, իշխող ուժին՝ "Քաղաքացիական պայմանագիր" կուսակցությանը, պարզապես, ստիպում են փոխակերպվեել բռնապետական համակարգի։ Դեհ՝ ինչ, ընտրությունը կառավարող կուսակցությանն է, ավելի ճիշտ, մեկ մարդու՝ Նիկոլ Փաշինյանինը", - ամփոփել է Սահակյանը։