Արմինֆո.Այս պահին մեր տարածաշրջանի բոլոր պետությունները, մեր տարածաշրջանին առնչվող պետությունները նախապատրաստվում են նոր պատերազմների։ Բոլորը՝ բացի Հայաստանից։ ԱրմԻնֆո-ին այդպիսի կարծիք է հայտնել անվտանգության խնդիրների փորձագետ, քաղաքագիտության դոկտոր Հրաչյա Արզումանյանը։
Նախօրեին հայկական ԶԼՄ-ները, հղում անելով Սյունիքի անանուն աղբյուրների, տեղեկատվություն էին տարածել Ադրբեջանի եւ Թուրքիայի կողմից Հայաստանի դեմ հերթական ագրեսիայի նախապատրաստման մասին: Ըստ տեղեկատվության, սեպտեմբերի 16-17-ը (ՌԴ-ում խորհրդարանական ընտրությունների անցկացման և արդյունքների ամփոփման օրերին) Սև լճի մոտ կուտակված ադրբեջանական ուժերը մտադիր են ճեղքում իրականացնել Հայաստանի տարածքի խորքը' դեպի Թուրքիա միջանցք ստանալու նպատակով: Հայկական կողմից նույնպես դիտվում է զինուժի կուտակումներ և կենտրոնացում այս հատվածում։
"Ընթանում է ակտիվ նախապատրաստություն մարտական գործողություններին, քանի որ բոլորն էլ հասկանում են, որ աշխարհաքաղաքականությունը Հարավային Կովկասում և նրա շուրջ որոշվում է պատերազմի տրամաբանությամբ։ Նման պայմաններում դատողություններ անել, խոսել խաղաղության մասին, ինչպես դա անում են մեր իշխանությունները, համարում եմ սխալ եւ ոչ արդյունավետ։ Անհրաժեշտ է օգտագործել ճիշտ բառեր, չի կարելի խաբել սեփական հասարակությանը և մանիպուլյացիայի ենթարկել հասարակական կարծիքը։ Ես սա ասում եմ, նկատի ունենալով ոչ միայն քաղաքական գործիչներին, այլեւ մեր հասարակական գործիչներին, փորձագետներին, լրագրողներին", - ընդգծել է նա։
Արզումանյանի կանխատեսմամբ՝ տեսանելի ապագայում Ադրբեջանի հետ պատերազմի ավարտ ակնկալելու հարկ չկա։ Վերլուծաբանն Արցախի շուրջ ստեղծված իրավիճակի պարագայում անհեթեթ է համարում "պատերազմի ավարտ" արտահայտության օգտագործումն իսկ, քանի որ, սկսած 1989 թվականից, պատերազմը երբեք չի ավարտվել և շարունակվում է այսօր։ Եղել են, ընդամենը, այդ պատերազմի տարբեր փուլեր՝ հրադադարներ և էսկալացիաներ։ Այս լույսի ներքո՝ նա հիշեցրել է, որ 1994 թվականին տեղի է ունեցել միայն հետագայյում մի քանի անգամ խախտված հրադադար, որին հաջորդել է հերթական հրադադարը, բայց, կրկին, ոչ խաղաղություն:
Ընթացիկ հրադադարի պայմաններում, ըստ Արզումանյանի, Հայաստանի սահմաններին ռազմական գործողությունները փոխարինվում են հիբրիդային պատերազմի տեսքով գործողություններով։ Հենց այսպես է վերլուծաբանը բնութագրում Ադրբեջանի զինված ուժերի միջոցով Հայաստանի սահմաններին իրականացվող Թուրքիայի և Ռուսաստանի վերջին գործողությունները։ Իսկ շարունակվող հիբրիդային պատերազմի ֆոնին ինչ-որ այլ գործընթացների, առավել ևս, խաղաղության մասին խոսակցությունները նա համարում է միանգամայն իմաստազուրկ։
Վերլուծաբանի գնահատմամբ՝ այսօրվա գործընթացները կարելի է բնութագրել որպես Հայաստանին բացառապես հերթական պատերազմի հարկադրում։ Եվ տարածաշրջանի խաղացողներից ոչ մեկը պատրաստ չէ և չի պատրաստվում առաջ մղել խաղաղ օրակարգ։ Այս լույսի ներքո՝ Արզումանյանը համոզված է, որ անհրաժեշտ է Հայաստանի պատրաստությունն ու մարտունակությունը, նույնիսկ, ոչ թե սպասվելիք, այլ շարունակվող պատերազմին։
"Խոսել խաղաղության մասին տարածաշրջանում, որում գտնվում է Հայաստանը, անիմաստ է, անհեթեթ և իրականությունից կտրված։ Եվ եթե մենք շարունակենք անել այն, ինչ անում ենք այսօր, ապա շատ շուտով կստանանք հերթական լայնածավալ մարտական գործողությունները։ Այս անգամ՝ հիբրիդային պատերազմներում կիրառվող մոտեցումների շրջանակներում: Եվ, որպես հետեւանք, պարտություն, որը կարող է ավարտվել, նույնիսկ, Հայաստանի կորստով։ Խաղաղություն չկա, կա սողացող ագրեսիա, հիբրիդային պատերազմ, ինչ ասես, բայց միայն՝ ոչ խաղաղություն: Եվ դա պետք է հասկանալ, համապատասխան հետևություններ անել և գործել", - ամփոփել է Արզումանյանը։
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
"Խաղաղության խաչմերուկը" Անկարայի և Բաքվի կողմից Երևանին պարտադրված պանթյուրքական նախագիծ է. Արթուր Խաչատրյան
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
Դաշնակիցներ, ուղեկիցներ և դաշինքների պատրանքներ. Մարկեդովնովը՝ Հայաստանի արտաքին քաղաքականության մասին՝ նոր իրողություններում
Քաղաքական գործիչ. ՌԴ-ի և ՀԱՊԿ-ի հետ դաշինքի խզումը և Երևանի կողմնորոշումը դեպի Արևմուտք կարող է կործանարար լինել Հայաստանի համար
Քաղաքական գործիչ. հայ ժողովուրդը պետք է ընտրություն կատարի պատերազմի և ՀՀ վարչապետի հրաժարականի միջև
