Քաղաքագետ. Հայաստանն ու Ադրբեջանն, ընդամենը,  գործիքներ են Սյունիքի տարածքով միջանցքի համար աշխարհաքաղաքական պայքարում

Արմինֆո.Միջազգային հարաբերությունների եւ քաղաքականության վերջին աշխարհաքաղաքական եւ գլոբալ միտումների լույսի ներքո անհրաժեշտություն է առաջանում դիտարկել Հայաստանի տարածքով անցնող հաղորդակցությունների վերահսկողության հարցը՝ ոչ միայն տնտեսական լույսի ներքո, այլեւ ռազմական տեսանկյունից: ԱրմԻնֆո-ին այդպիսի կարծիք է հայտնել քաղաքագետ Ստեփան Դանիելյանը։

"Հենց սա է այսօր Ադրբեջանի և, գլխավորը,  Թուրքիայի համար Հայաստանի Սյունիքի մարզով այդքան բաղձալի միջանցքի հիմնական նշանակությունն ու նպատակը։ Այսօր ԱՄՆ թուլացման և, համապատասխանաբար, նահանջի ֆոնին՝ նոր բազմաբևեռ աշխարհի հիմնական խաղացողներից մեկը ձգտում է դառնալ Թուրքիան։ Անկարային նման հնարավորություն է ընձեռում հենց Վաշինգտոնի նահանջը", - նշել է նա։

Քաղաքագետի գնահատմամբ՝ նման պայմաններում էապես աճում է բավականին մեծ մասշտաբների ռազմական բախման վտանգը։ Պատմական զուգահեռներ անցկացնելով անցյալի հետ՝ Դանիելյանը նկատել է, որ նման բան արդեն տեղի է ունեցել նախորդ դարում և ավարտվել Առաջին և Երկրորդ համաշխարհային պատերազմներով։ Հենց այդ տարիներին գլխավոր գերտերության բացակայությունը, նրա կարծիքով, հանգեցրեց այդ կարգավիճակի հիմնական հավակնորդների միջեւ առաջնորդության համար պայքարին։ Ինչից հետո այդ պայքարում մի կողմի պարտությունը հանգեցրեց Պոտսդամին, որտեղ ուրվագծվեցին խաղի նոր կանոնները։

Այսօր առաջատարության, ավելին, գոյության համար համար հերթական պայքարն, Ըստ Դանիելյանի, ծավալվում Է Մեծ Միջին Ասիայում և Մեծ Մերձավոր Արևելքում։ Եվ, ինչպես Առաջին եւ Երկրորդ համաշխարհային պատերազմների ընթացքում, դրա կարեւոր բաղադրիչը, նրա կարծիքով, հաղորդակցությունների համար պայքարն է: Առաջին հերթին՝ հաղորդակցությունների, որոնց միջոցով իրականացվելու են մարտական գործողությունների վարման համար կարեւոր ռազմական բեռների եւ զորքերի տեղաշարժեր:

"Հասկանալի է, որ Սյունիքի մարզով միջանցքի համար պայքարն ամենևին էլ Հայաստանի և Ադրբեջանի միջև չէ։ Մեր երկրների դերն այդ պայքարում հանգեցվում է,  ընդամենը, գործիքների։ Արդեն այսօր եկել է առաջիկա պայքարի հիմնական մասնակիցների դիրքավորման ժամանակը։ Ինչի լույսի ներքո՝ մեզ համար անհրաժեշտ է եւ շատ կարեւոր է հասկանալ այդ խաղի հիմնական մասնակիցների հիմնական խնդիրների բովանդակությունը: Ինչպես նաեւ փորձել հաշվարկել նրանց ռազմական ռազմավարությունները ապագա բախման ընթացքում", - ամփոփել է Դանիելյանը։