Արմինֆո.Հայաստանի վարչապետ Նիկոլ Փաշինյանը շատ դանդաղ, մեծ վերապահումներով, հիմնականում, վարում է ռուսական ազդեցության ոլորտից Հայաստանի դուրս բերմանն ուղղված քաղաքական գիծ։ ԱրմԻնֆո-ին այդպիսի կարծիք է հայտնել Հայաստանի եվրոպական կուսակցության առաջնորդ Տիգրան Խզմալյանը։
"Ես շատ լավ հասկանում եմ, որ մեր հասարակության մի զգալի մաս կասկածում է ոչ միայն Հայաստանը ազատ աշխարհի ուղղությամբ տանելու Փաշինյանի ունակությանը, այլև նրա նման մտադրությունների առկայությանն իսկ։ Շատերը կարծում են, թե Փաշինյանն անվերապահորեն նվիրված է Ռուսաստանին և վարում է ռուսամետ քաղաքականություն։ Այդուհանդերձ, ես կարծում եմ, որ մենք կարող ենք և պետք է օգնենք մեր կառավարությանը Ռուսաստանի և Արևմուտքի միջև ծանր, վտանգավոր, բայց անհրաժեշտ քաղաքակրթական ընտրություն կատարելու հարցում", - նշել է նա։
Խզմալյանի գնահատմամբ, իրականում, Փաշինյանը շատ դանդաղ, հաճախ պատշաճ հետևողականություն չցուցաբերելով, շատ զգուշորեն, բայց Հայաստանը տանում է դեպի Արևմուտք, ՀԱՊԿ-ից և ԵԱՏՄ-ից դեպի ՆԱՏՕ և ԵՄ: Եվ նրա կուսակցության համար այս գործընթացում կառավարությանը մղելը սկզբունքային նպատակ է։ Նշելով, որ քաղաքականությունը, նախևառաջ, գործողություններ են, քաղաքական գործիչն ընդգծել է, որ արդեն 9 ամիս է, ինչ Մոսկվային չի հաջողվում Հայաստանից ստորագրություն կորզել ոչ միայն Արցախում, այլև Հայաստանի Սյունիքի մարզում Ռուսաստանի և Թուրքիայի հիմնական նպատակները լեգիտիմացնելու համաձայնությամբ:
Այս լույսի ներքո՝ նա նաեւ նշել է Արեւմուտքի՝ ԱՄՆ-ի ու ԵՄ-ի վիթխարի քաղաքական, դիվանագիտական, այժմ արդեն ֆինանսական աջակցությունը Հայաստանին։ Այս համատեքստում քաղաքական գործիչն առանձնացրել ԱՄՆ դեսպանի պարբերական այցերը Սյունիք, Ֆրանսիայի նախագահի աննախադեպ ակտիվությունն ու ԵՄ աննախադեպ ֆինանսական աջակցությունը Հայաստանին: Խզմալյանի կարծիքով ՝ պետք է հասկանալ, որ այս ողջ աջակցությունը Հայաստանին, առաջին հերթին, պայմանավորված է հենց Արևմուտքի շահերով, որի համար Հայաստանը բաց դուռ է դեպի Իրան։
"Այս ամենում մեզ համար կարևոր է Հայաստանի շահերի լիակատար համընկնումը հավաքական Արևմուտքի շահերի հետ։ Եվ Հայաստանի կողմից մեր պետականության դեմ մարտահրավերներին հակազդելուն ուղղված զուսպ, վստահ, զգուշավոր քաղաքականություն վարելու պարագայում մենք, անշուշտ, հաջողության կհասնենք։ Բառերը մնում են միայն բառեր, կարևորն այն է, որ նախկինի պես չլինեն ողբերգական, Հայաստանի համար անդառնալի գործողություններ։ Կարծում եմ, որ դա է նաև Արևմուտքի ջանքերի արդյունք է: Ռուսաստանի ազդեցության ուղեծրից Հայաստանի դուրս գալն անխուսափելի է։ Եվ դա առաջին անգամ չէ, որ տեղի կունենա։ Եվ դա տեղի կունենա, նույնիսկ, ոչ թե մեր պահանջով, այլ հենց Ռուսաստանի ցանկությամբ՝ նրա սեփական խնդիրների բեռի տակ", - ամփոփել է Խզմալյանը։
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
Լուկաշենկո. "Մենք չենք ցանկանում, որ Հայաստանը դուրս գա ԵԱՏՄ-ից, բայց չենք կարող դեմ գնալ հայ ժողովրդի կամքին"
Պեսկովը հասկանալի և թափանցիկ է համարել Հայաստանի շարժումը դեպի ԵՄ
Արցախից և բանակից հետո Սյունիքը կդառնա իշխանությունների թիրախը. Ռոբերտ Քոչարյան
Միրզոյանը հավաստիացնում է․ գերիների և Բաքվում պահվող անձանց հարցը մշտապես Հայաստանի իշխանությունների քննարկումների մաս է
Վոլոդին․ Մենք չենք կարող այլևս լռության մատնել այն գործընթացները, որոնք տեղի են ունենում Հայաստանում
Բունդեսթագի պատգամավորները նախատեսում են այցելել Հայաստան
