Արմինֆո.Ռուսաստանն ի զորու չէ ավելացնել Հայաստանի նկատմամբ չափազանց մեծ ճնշումը՝ վերջին ամիսներին Եվրամիության կողմից այլընտրանքային առաջարկի ձեւավորման պատճառով։ ԱրմԻնֆո-ին այդպիսի կարծիք է հայտնել Միջազգային հարաբերությունների և անվտանգության հարցերի հայկական ինստիտուտի ղեկավար Ստեփան Սաֆարյանը։
"ԽոսքըՀայաստանին ԵՄ առաջարկների փաթեթի և մեր երկրում նրա 2,6 մլրդ եվրոյի ներդրումների մասին է։ Շատ հնարավոր է, որ այդ գումարների միջոցով մեր երկրի բոլոր խնդիրները հնարավրո չէ լուծել, սակայն, այն, որ այդ ներդրումները մեզ համար փրկօղակ են, պարաշյուտ, փաստ է։ Եվ ես բացարձակապես չեմ կարծում, որ նման գումար ներդնելով Հայաստանում, մասնավորապես, Սյունիքում, Եվրոպան լուռ կհետևի Պուտինի, Էրդողանի և Ալիևի միջանցքային խաղերին հենց այդ նույն Սյունիքում։ Ակնհայտ է, որ նման ծավալի ներդրումները ռազմավարական բնույթ են կրում։ Պուտինն, իր հերթին, շատ լավ հասկանում է, որ որքան շատ ճնշում գործադրի Հայաստանի նկատմամբ, այնքան Հայաստանում կմեծանա Եվրամիության ներկայությունը", - ընդգծել է նա։
Հենց նման իրավիճակն էլ, Սաֆարյանի գնահատմամբ, պատճառ դարձավ, որ Մոսկվա ժամանելով Երասխի գնդակոծության նվագակցությամբ, Իլհամ Ալիևն այնտեղից մեկնեց, ըստ էության, ձեռնունայն: Մինչդեռ, թեժացնելով Երասխը, նա հույս ուներ հասկացնել Պուտինին, որ ի պատասխան Նախիջևան-Երևան-Թբիլիսի-Բաքու-Դերբենտ հաղորդակցության գծի գործարկմանն ի պատասխան ինքն ակնկալում է իր պահանջների կատարում։ Եվ, բացի Հայաստանի նկատմամբ ճնշում գործադրելու ցանկության բացակայությունից՝ այնտեղ ԵՄ-ի հայտնվելու հետեւանքով, նման իրավիճակը պայմանավորված է այն հանգամանքով, որ հենց Մոսկվայի շահերին համապատասխանում են Բաքվի բնավ ոչ բոլոր առաջարկները։
Մոսկվայում, ըստ վերլուծաբանի, նաեւ տեսնում են Հայաստանում իրենց նկատմամբ դժգոհության սարսափազդու աճը՝ հետևելով ՀԱՊԿ անդամակցության շրջանակում Հայաստանի անվտանգության ապահովման մասին իրենց ստեղծած բազմամյա առասպելի փլուզմանը: Այս համատեքստում, նրա գնահատմամբ, ակնհայտ է դառնում Ռուսաստանի կողմից ռազմավարական հավասարակշռության պահպանման խնդիրը լուծելու անկարողությունը։ Միեւնույն ժամանակ, միայն Երասխի թեժացմամբ հնարավոր չէ հասնել երկաթուղիների շահագործման, ինչը հանգեցնում է ճաքերի ի հայտ գալուն 2020թ. նոյեմբերի 9-ին եւ 2021թ. հունվարի 11-ին մեկնարկած գործընթացներում:
"Վերն ասվածի հետևանքով Ռուսաստանը հայտնվել է բավականին բարդ իրավիճակում։ Իրավիճակը, որում Ալիևի ախորժակի բավարարումը շարունակելը Մոսկվայի համար կնշանակի եթե ոչ Հայաստանի վերջնական կորուստ, ապա, առնվազն, Հայաստանում հավաքական Արևմուտքի ուժեղացման շարունակություն։ Այս ամենը շատ լավ հասկանալով՝ Պուտինն այսօր ձգտում է կարճ վզափոկով պահել թե Հայաստանին, թե Ադրբեջանին։ Եվ հենց վերջին ամիսներին ստեղծված այս ռազմավարական հաշվեկշիռը նրան թույլ չի տալիս խախտել արդեն նոր ստատուս - քվոն, որը ձևավորվել է նախորդի խախտման հետևանքով ։ Մոսկվայում հասկանում են, որ հավասարակշռության եւս մեկ խախտումը սպառնալիքի տակ կդնի նրա ձեռքբերումները, որոնք արտացոլված են նոյեմբերի 9-ի հայտարարության մեջ: Որպես հետեւանք՝ առկա իրավիճակը բնութագրվում է անորոշությանմբ: Իսկ Ռուսաստանի կողմից դրա միակողմանի հաղթահարումը նրա համար կնշանակի Հարավային Կովկասում սեփական ռազմավարության ոչնչացում՝ սեփական ձեռքերով", - ամփոփել է Սաֆարյանը։
Վերլուծաբան․ Հայաստանի խորհրդարանի նոր խոսնակի ելույթի հիմնարար խնդիրը քաղաքական ճգնաժամի պատճառների միակողմանի մեկնաբանությունն է
Փորձագետ. Գագիկ Ծառուկյանը մարմնավորում է խոշոր բիզնեսի և կառավարության միջև հարաբերությունների հետխորհրդային մոդելը, և այս մոդելը կիրառվում է շատ այլ հետխորհրդային երկրներում
Փորձագետ. Ադրբեջանը պետական մակարդակով առաջ է մղում Հայաստանի դեմ ագրեսիվ ծրագրերը
Իրանագետ. Բաքվի՝ իր հզորության մասին քարոզչությունը թաքցնում է երկրի անկարողությունը սեփական բնակչությանը ջրով ապահովելու հարցում
ԱԺ փոխնախագահի պաշտոնի թեկնածուն կարծում է, որ իր տիկնոջ աշխատավարձը "Հայփոստի" տնօրենի պաշտոնում ամենացածրն է տվյալ ընկերության պատմության մեջ
Ռուսաստանի մշտական ներկայացուցիչ. ՀԱՊԿ-ի և Հայաստանի միջև որևէ հակամարտություն չկա
Մոսկվա․ ՆԱՏՕ-ն ձգտում է Հայաստանը "պոկել" ՀԱՊԿ դաշնակիցներից 
Քաղաքագետ․ Ռուսաստանը հանրաքվեի միջոցով մտադիր է իմանալ, թե որ "ճամբարն" է ընտրելու Հայաստանը 
Նարեկ Կարապետյանը կհրաժարվի իր պատգամավորի աշխատավարձից՝ հօգուտ բարեգործական վճարների
Հայաստանն ու Ֆրանսիան քննարկել են ռազմավարական գործընկերության հետագա զարգացումը և ԵՄ հետ համագործակցությունը
Քաղաքագետ. Երկրի առջև ծառացած ռիսկերը հաղթահարելու համար Հայաստանը պետք է նվազեցնի ներքին լարվածության մակարդակը
Զատուլին․ Փաշինյանը շատ էր շտապում Ռուսաստան, քանի որ, իրականում, պարտվել է ընտրություններում
Իրավապաշտպան Ռուբեն Մելիքյանը հեռացվել է ԵՊՀ-ից
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Փաշինյան․ Հայաստանն ու Ադրբեջանը պետք է հանգիստ թողնեն միմյանց
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
