Արմինֆո.Այն պնդումները, թե հայկական բանակ չկա, նրա ողնաշարը կոտրվել է, որ մենք ինքնուրույն չենք կարող պաշտպանել մեր սահմանները, բացարձակ սուտ են։ Մեր զինվորականները բոլորովին չեն կոտրվել 44-օրյա պատերազմի արդյունքում, ինչում ես՝ անձամբ, հնարավորություն ունեցա համոզվելու այցելելով, այդ թվում, Երասխում մեր դիրքեր։ ԱրմԻնֆո-ին այդպիսի կարծիք է հայտնել "Հանրապետություն" կուսակցության առաջնորդ, Հայաստանի նախկին վարչապետ Արամ Սարգսյանը։
Հուլիսի 14-ից ադրբեջանական բանակը Նախիջևանի կողմից հրաձգային զենքից և ականանետերից գնդակոծում է Արարատի մարզի Երասխ գյուղը: Գնդակոծությունների զոհ է դարձել հայ զինծառայող, իսկ հուլիսի 19-ին վիրավորվել է Երասխ համայնքի ղեկավարը:
"Երասխում մենք գործ ունենք բացառապես հերթական սահմանային միջադեպի հետ։ Եվ ես՝ անձամբ, հակված չեմ այդ փոխհրաձգություններում տեսնել աշխարհաքաղաքական ենթատեքստ։ Եվ այս ամենում լայնածավալ մարտական գործողությունների վերաճելու ոչ մի հեռանկար չկա։ Բանակը ամուր կանգնած է դիրքերում, նրա ոգին նախկինի պես ամուր է, իսկ մեր թիվ մեկ խնդիրը նրա տեխնիկական վերազինումն է։ Դա մեր կառավարության համար կարևորագույն խնդիր է, քանի որ հենց այդ բանակը, եւ ոչ մեկ ուրիշը, պետք է պաշտպանի մեր սահմանները", - ընդգծել է նա։
Այն մասին, որ Երասխը Երեւանի վրա ճնշում գործադրելու միջոց է՝ Հայաստանի ղեկավարության կողմից, իբր, 44-օրյա պատերազմի արդյունքում ձեռք բերված բանավոր պայմանավորվածությունների եւ, նույնիսկ, ստորագրված համաձայնագրերի չկատարման լույսի ներքո, Սարգսյանի խոսքով, պնդում են հենց ադրբեջանցիները: Նա նաեւ նշել է, որ, ցավոք, Հայաստանում կան ԶԼՄ-ներ եւ քաղաքական ուժեր, որոնք ակտիվորեն տարածում են Բաքվի շահերից բխող այդ ապատեղեկատվությունը:
Իրականում, ըստ քաղաքական գործչի գնահատականների, կա միայն մեկ փաստաթուղթ, որը վերջ դրեց եւ կարգավորում է 44-օրյա, պայմանագրային պատերազմի հետեւանքները՝ նոյեմբերի 9-ի եռակողմ հայտարարությունը իր ինը կետերով: Պայմանագրային, քանի որ Հայաստանն ու Արցախը հնարավորություն չունեին ոչ միայն հաղթելու Ադրբեջանի ու Թուրքիայի դեմ պատերազմում, այլև, նույնիսկ, կանգնեցնելու այնտեղ, որտեղ այն կանգնեցվեց՝ Ստեփանակերտի պատերի մոտ։
"Հասկանալի է, որ այդ հայտարարության 9-րդ կետը՝ "տարածաշրջանում բոլոր տնտեսական և տրանսպորտային կապերի ապաշրջափակումը", ինձ խոր մտահոգություն է ներշնչում։ Այն, ընդհանրապես, որևէ կապ չունի արցախյան խնդրի հետ։ Եվ Հայաստանի համար այդ ծուղակից դուրս գալու միակ հնարավորությունը հայտարարության մեջ հիշատակված բոլոր կետերի տեղափոխումն է ՄԱԿ-ի Անվտանգության խորհրդի քննարկմանը։ Ամեն դեպքում, այս բոլոր հարցերի քննարկումն ու կարգավորումը ոչ մի կերպ չպետք է տեղի ունենա եռակողմ ձևաչափով։ Դա պետք է տեղի ունենա ԵԱՀԿ ՄԽ բոլոր երեք համանախագահ երկրների, այլ ոչ թե միայն Ռուսաստանի մասնակցությամբ ։ Եվ այս ամենի հետ ոչ մի կապ չպետք է ունենա Թուրքիան", - ընդգծել Է Սարգսյանը։
Ըստ քաղաքական գործչի՝ Հայաստանի և Ադրբեջանի միջև սահմանազատումն ու սահմանագծումը հրատապ անհրաժեշտություն է։ Քանի որ, հակառակ դեպքում, սահմանին կրակոցները շարունակվելու են անվերջ։ Ամբողջ հարցն այն է, թե ինչպես է որոշվելու այդ սահմանը, և արդյոք չեն ոտնահարվի Հայաստանի շահերը և, իհարկե, Արցախի կարգավիճակը որոշելու անհրաժեշտության հարցի հետ որևէ կապի բացակայության պայմանով։