Արմինֆո. Շուշիում Ադրբեջանի նախագահ Իլհամ Ալիեւը ԵԱՀԿ Մինսկի խմբի համանախագահ երկրներից բավականին ծանր ապտակ ստացավ: ԱրմԻնֆո-ին այդպիսի կարծիք է հայտնել Միջազգային հարաբերությունների և անվտանգության հարցերի հայկական ինստիտուտի ղեկավար Ստեփան Սաֆարյանը։
"Դատելով ըստ ամենայնի՝ ԱՄՆ-ի, Ռուսաստանի և Ֆրանսիայի դեսպանների հրաժարումը Ադրբեջանի կողմից օկուպացված Շուշիում կազմակերպված խայտառակ միջոցառում այցելելուց հստակ և ոչ երկիմաստ ուղերձ էր Ալիևին։ Նրան ակնհայտորեն հասկացրել են, որ Արցախի շուրջ հակամարտության արյունոտ լուծումը, թերևս, նրա ընկալմամբ լուծում է։ Եվ նրան թույլ չեն տալու այդպես հեշտությամբ մարսել կատարվածը", - նշել է նա։
Հուլիսի 10-ին Իլհամ Ալիեւի անձնական հանձնարարությամբ կազմակերպվել էր Ադրբեջանում հավատարմագրված 46 պետությունների դիվանագիտական կորպուսի ներկայացուցիչների այցը ադրբեջանական բանակի կողմից օկուպացված Շուշի: Սակայն ԱՄՆ-ի, Ֆրանսիայի և Ռուսաստանի դեսպանները, մերժելով Բաքվի հրավերը, հրաժարվել էին մեկնել օկուպացված քաղաք։
Կատարվածը հատկապես արդիական է, վերլուծաբանի կարծիքով, հաշվի առնելով ալիևյան Ադրբեջանի շարունակական ագրեսիան այժմ արդեն Հայաստանի ինքնիշխան տարածքի նկատմամբ ։ Ադրբեջանական բանակի ներխուժումը Հայաստանի Գեղարքունիքի եւ Սյունիքի մարզերի տարածք, սահմանին տիրող լարվածությունը Սաֆարյանը համարում է ագրեսիվ քաղաքականության եւ անցյալ տարի Բաքվի կողմից Արցախի դեմ սանձազերծված պատերազմի ուղղակի շարունակություն:
Այդուհանդերձ, ելնելով վերջին շրջանում Մոսկվայից հնչող պաշտոնական անձանց հայտարարություններին, որոնց համաձայն, " սահմանին տիրող իրավիճակը ղարաբաղյան հակամարտության հետ կապ չունի", վերլուծաբանի մոտ տպավորություն է ստեղծվում, որ հայ-ադրբեջանական սահմանին իրավիճակի նկատմամբ Ռուսաստանի դիրքորոշման մեջ որոշակի փոփոխություններ են տեղի ունենում։ Խորը մտահոգություն է հարուցում Մոսկվայում այն բանի գիտակցման բացակայությունը, որ Ադրբեջանի հետ սահմանին առկա իրավիճակն ուղղակի հետևանք է Արցախի Քարվաճառի և Քաշաթաղի շրջանների՝ նոյեմբերի 9-ին իր իսկ կողմից երաշխավորված Ադրբեջանին հանձնման։
"Հատկանշական է, որ ի սկզբանե Ադրբեջանի կողմից մեր սահմանի խախտման վերաբերյալ Երևանի տեսակետը համընկնում էր, առնվազն, ռուսական ռազմական ղեկավարության կարծիքի հետ։ Սակայն այն սկսել է փոխվել մայիսի 12-ին ադրբեջանցի զինվորականների գործողություններից հետո։ Եվ ահա այստեղ տպավորություն է ստեղծվում, որ նման փոփոխությունները Բաքվի որոշակի խոստումների հետևանք են։ Մոսկվայի կարծիքի նման փոփոխությունները որևէ այլ բանով բացատրել անհնար է թվում։ Ինչը ոչ մի կերպ չի վերացնում իրավիճակի համար Ռուսաստանի պատասխանատվությունը՝ որպես նոյեմբերի 9-ին սկսված գործընթացի կատարման երաշխավոր։ Մասնավորապես, խորհրդային տեղագրական և այլ քարտեզների հիման վրա Հայաստանի և Ադրբեջանի միջև սահմանների որոշման գործընթացը", - ամփոփել է Սաֆարյանը։