Արմինֆո.Այն տեղը, որը, դատելով Հարավային Կովկասում բոլոր վերջին աշխարհաքաղաքական միտումներից, Ռուսաստանի կողմից այդքան հետևողականորեն նախապատրաստվում է Թուրքիայի համար, պետք է զբաղեցնի և վաղ թե ուշ կզբաղեցնի Ֆրանսիան։ ԱրմԻնֆո-ին այդպիսի կարծիք է հայտնել "Ազգային-ժողովրդավարական բևեռի" ներկայացուցիչ Ժիրայր Սեֆիլյանը։
"Պուտինյան Ռուսաստանի շուրջ օղակի հետևողականորեն սեղմվելը, այդ ռեժիմի դաշնակիցների բացակայությունը նման սցենարի օգտին միտումների մի մասն են միայն: Մեր տարածաշրջանից Ռուսաստանի հեռանալու օգտին միտումներն այսօր բավականաչափ են։ Չէ որ, վերստին, հենց նույն Թուրքիան վերջին հարյուր տարվա մեջ առաջին անգամ Հարավային Կովկասում հայտնվեց բացառապես Մոսկվայի համաձայնությամբ", - ընդգծել է նա։
Նրա կանխատեսմամբ՝ Ռուսաստանը վաղ թե ուշ հեռանալու է Հարավային Կովկասից։ Ինչն, առաջին հերթին, արդեն այսօր պետք է մտահոգի Հայաստանին։ Թեկուզ՝ այն պատճառով, որ Ռուսաստանի հեռանալը կուղեկցվի Թուրքիայի անխուսափելի մուտքով։ Հենց այդ պատճառով էլ արդեն այսօր Հայաստանին, քաղաքական գործչի կարծիքով, անհրաժեշտ են իրական դաշնակիցներ՝ ինչպես երբեք։ Սեֆիլյանը համոզված է, որ եթե Հայաստանը պատրաստ չլինի Ռուսաստանի հեռանալուն արդեն այսօր, ապա նրա հեռանալուց հետո առաջացած վակուումն անխուսափելիորեն կլցնի Թուրքիան։
"Ազգային-ժողովրդավարական բևեռի" ներկայացուցիչը վերջին աշխարհաքաղաքական գործընթացներում մի շարք նախադրյալներ է տեսնում Ռուսաստանի հետ գլոբալ դիմակայության ևս մեկ թատերաբեմում՝ Ուկրաինայում հավաքական Արևմուտքի հաստատման համար։ Եվ, նրա կանխատեսմամբ, ուկրաինական հարցի լուծումից հետո անխուսափելիորեն գալու է Հարավային Կովկասի հերթը։
Մեկնաբանելով Հայաստանի վարչապետի պաշտոնակատար Նիկոլ Փաշինյանի վերջին եվրոպական շրջագայությունը՝ ընդդիմադիր գործիչը նշել է, որ Հայաստանի եվրոպական օրակարգում, ավելի ճիշտ, դրա բացակայության մեջ Փաշինյանից, առավել եւս, նրա այցից որեւէ փոփոխություն ակնկալել պետք չէ: Սակայն, այդ այցին նախորդած և դրա արդյունքում Փարիզից արված հայտարարությունները, նրա կարծիքով, թույլ են տալիս կանխատեսել մոտ ապագայում ֆրանսիական բավական լուրջ ներկայություն Հայաստանում։ Ընդ որում՝ ոչ միայն տնտեսական, այլև ռազմական։
Ըստ Սեֆիլյանի գնահատականների՝ Հայաստանի իշխանությունները պարբերաբար մերժում են Արեւմուտքի բոլոր նախաձեռնությունները՝ երկրում նրա ներկայության ավելացման ուղղությամբ։ Բայց հայ հասարակության շրջանում, թեկուզև ոչ ցանկալի մասշտաբով, բայց, այնուամենայնիվ, կա իրավիճակի ըմբռնում։ Եվ արևմտյան միջամտություն սահմաններում նույն ընթացիկ, անթույլատրելի իրավիճակին՝ նույնպես հնարավոր է՝ այդ օգնության համար Հայաստանի դիմելու դեպքում, սկզբում ՝ գոնե հասարակական մակարդակով։ Քաղաքական գործչի գնահատմամբ՝ դա դառնում է անհրաժեշտություն:
"Հասկանալի է, որ քանի դեռ փաշինյաններն իշխանության ղեկին են՝ պաշտոնական դիմում չի լինելու։ Հետևաբար, այս դիմումի ձևավորման գրավականը փաշինյաններից ձերբազատվելն է։ Իսկ Փաշինյանի այցը Փարիզ եւ Բրյուսել ես դիտարկում եմ նախընտրական քարոզարշավի համատեքստում։ Ակնհայտ է, որ այդպիսով նա ցանկանում է ընտրողներին ցույց տալ այն, ինչ այսօր, պարզապես, չկա՝ եվրոպական վեկտորի առկայությունը սեփական քաղաքականության մեջ։ Իրականում՝ Փաշինյանը մեկնել էր Եվրոպա՝ թույլ չտալու խոչընդոտել ռուս-թուրքական հակահայկական ծրագրի իրագործմանը։ Եվ շատ շուտով վերջնականապես պարզ կդառնա, թե ինչի մասին է այստեղ խոսքը", - ամփոփել է Սեֆիլյանը։
ՀՀ վարչապետի պաշտոնակատար Նիկոլ Փաշինյանը հունիսի 1-ին Փարիզում հանդիպել է Ֆրանսիայի նախագահ Էմանուել Մակրոնի, Ֆրանսիայի Ազգային ժողովի նախագահ Ռիչարդ Ֆեռանի, Սենատի նախագահ Ժերար Լարշեի, Փարիզի քաղաքապետ Անն Իդալգոյի հետ: Նիկոլ Փաշինյանը հունիսի 2-ին մեկնել է Բրյուսել, որտեղ հանդիպել է Բելգիայի վարչապետ Ալեքսանդր դե Կրոյի հետ:
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
Իսկանդարյան. Աբխազիայի քաղաքականությանը Թուրքիայի միջամտությունը միֆ է և նախընտրական PR-ի արդյունք
Հայ փորձագետը կանխատեսում է USAID-ի գործունեության մոտալուտ վերսկսում
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
Հայաստանի նախկին ԱԳ նախարար. Փաշինյանի խաղաղությունը կապիտուլյացիայի վարպետության դաս է
Բաքվի բանտում գտնվող Ռուբեն Վարդանյանը դադարեցնում է հացադուլը
Հայաստանում հարցման մասնակիցները Եվրաինտեգրմանը նախընտրում են Ռուսաստանի հետ մերձեցումը
Դաշնակցական. Մեր գլխավոր նպատակը մնում է Նիկոլ Փաշինյանին իշխանությունից հեռացնելը
«Դօկ» կուսակցության հայտարարություն. Վարդան Ղուկասյանի ձերբակալության մասին լուրերն իրականությանը չեն համապատասխանում
Փաշինյանը քաղաքացիներին հրավիրում է Իրական Հայաստանի գաղափարախոսության նախագծի քննարկման
Փորձագետ. ԵՄ-ում Հայաստանին ոչ ոք չի սպասում
