Վրաստանի կառավարությունը քննարկում է ցամաքային սահմանի բացման հնարավորությունը  

Արմինֆո. Վրաստանի կառավարությունը քննարկում է ցամաքային սահմանի բացման հնարավորությունը, լրագրողների հետ զրույցում հայտարարել է Էկոնոմիկայի եւ կայուն զարգացման նախարար Նատիա Տուրնավան:

Հիշեցնենք, որ 2021 թվականի փետրվարի 1-ից Վրաստանը չեղարկել է կանոնավոր ավիահաղորդակցության բոլոր սահմանափակումները։ Օտարերկրացիները կարող են ինքնաթիռով ժամանել Վրաստան, եթե կորոնավիրուսի ՊՇՌ-թեստի բացասական պատասխան ներկայացնեն։ Մինչդեռ, Վրաստանի ցամաքային սահմանները գրեթե փակ են մնում. բաց են թողնում Վրաստանի քաղաքացիներին եւ այն օտարերկրացիներին, որոնք պատվաստման ամբողջական կուրսի մասին փաստաթուղթ ներկայացնեն: "Կարևորը, որ կարող է ապահովագրել լարիի փոխարժեքի տատանումը, տնտեսության արագ վերականգնումն է ։ Դուք գիտեք, որ մենք արդեն գրեթե հանել ենք զբոսաշրջության վերականգնման հիմնական սահմանափակումները։ Ընթանում է պատվաստում,  որը կկանխարգելի երրորդ ալիքը: Զբոսաշրջությունը երկիր կբերի լրացուցիչ արժույթ։ Այժմ մենք արդեն քննարկում ենք, թե ինչ պայմաններով կկարողանանք բացել ցամաքային սահմանները, եւ դա կդառնա մեր ֆինանսական շուկայի լավ համալրում", - հայտարարել է Տուրնավան, հաղորդել է "Գրուզիա-օնլայնը"։ Զբոսաշրջության ոլորտն առավել տուժել է Վրաստանում կորոնավիրուսի համավարակից ։ 2019 թվականին զբոսաշրջությունը Վրաստանում ռեկորդ է սահմանել ՝ միջազգային ճանապարհորդների թիվը գերազանցել է 9,3 միլիոնը, իսկ ճյուղից ստացված եկամուտները կազմել են 3,3 միլիարդ դոլար: Սակայն 2020 թվականին համավարակի, լոկդաունի և փակ սահմանների պատճառով տուրիստական արդյունաբերությունը գրեթե ամբողջությամբ դադարեցրել է իր աշխատանքը ։ 2020 թվականին զբոսաշրջությունից ստացված եկամուտները նվազել են մինչեւ 427,7 հազար դոլար ՝ միջազգային ճանապարհորդների 1,7 միլիոն թվի դեպքում:

Նշենք, որ հայերը Վրաստան այցելուների թվով երրորդ տեղն են զբաղեցրել 2019 թվականի արդյունքներով ՝ 1 365 048 քաղաքացի: Վիճակագրության մեջ առաջ են անցել միայն Ադրբեջանը (1 526 619) և Ռուսաստանը (1 471 558)։

Օրեր առաջ Հայաստանի ԱԳ նախարար Արա Այվազյանը հաղորդել էր, որ ցամաքային սահմանների բացման հարցը գտնվում է Երեւանի եւ Թբիլիսիի միջեւ բանակցությունների ուշադրության կենտրոնում: Նա վստահեցրել էր, որ մշակվում են երկու երկրների միջեւ ցամաքային սահմանների շուտափույթ բացման տարբերակներ։