Նիկոլայ Պլատոշկին. Հայաստանի վարչապետ Փաշինյանը, ըստ երեւույթին,  այնքան էլ գլուխ չի հանում ռազմական հարցերից  

Արմինֆո.  Հայաստանի վարչապետ Փաշինյանը, հավանաբար, այնքան էլ չի հասկանում ռազմական հարցերից։ Երբ նա խոսել է ռուսական "Իսկանդեր" հրթիռների ցածր արդյունավետության մասին, նա, հավանաբար, դրանք շփոթել է խորհրդային "Էլբրուս" հրթիռների հետ: Այս մասին հայտարարել է ռուսաստանցի պատմաբան եւ քաղաքագետ, դիվանագետ, Մոսկվայի հումանիտար համալսարանի միջազգային հարաբերությունների եւ դիվանագիտության ամբիոնի վարիչ Նիկոլայ Պլատոշկինը։

Նրա ասելով,՝ հենց այդ հրթիռներով, որոնք սպառազինության են ընդունվել դեռեւս 60-ական թվականներին, Ղարաբաղի բանակը գնդակոծել է ադրբեջանական Գյանջա քաղաքը: "Էլբրուսներն" ու " Իսկանդերները" միայն մեկ ընդհանրություն ունեն. երկու համալիրներն էլ օպերատիվ - մարտավարական են , այսինքն ՝ մինչեւ 500 կմ հեռահարությամբ։ "Սակայն, ինչ էլ ասի ժողովրդի կողմից ընտրված քաղաքացիական վարչապետը,  գեներալների գործը չէ նրան հրապարակավ քննադատելը,  առավել ևս՝ պահանջել նրա հրաժարականը։ Դուք միայն մի պահ պատկերացրեք, որ ինչ-որ ռուս գեներալ հրապարակավ քննադատեր Պուտինին և նրանից պահանջել հեռանալ Կրեմլից։ Պատկերացրեցի՞ք։ Փաշինյանը ոչ մի անձնական պատասխանատվություն չի կրում պատերազմում կրած պարտության համար։ Նրա որդին էր ճակատում: Այդ Քոչարյան-Սարգսյան նախկին կոռումպացված ռեժիմն է (երկուսն էլ, ի դեպ, ղարաբաղցի են) 20 տարի շարունակ իշխանության ղեկին եղել եւ անտեսել ադրբեջանական բանակի զանգվածային վերազինումը։ Ընդ որում, առավել հզոր անօդաչու թռչող սարքերը Բաքուն ստացել է նույնիսկ ոչ թե Թուրքիայից, այլ ՝ Իսրայելից: Եվ դա հայտնի է եղել: Իսկ Մոսկվան՝ Հայաստանի դաշնակիցը, չէր կարող որևէ հարվածային անօդաչու սարք տալ Երևանին։ Քանի որ Ռուսաստանն ուղղակի չունի դրանք։ Եվ Փաշինյանը խայտառակ խաղաղության գնաց հենց իր զինվորականների խնդրանքով, որպեսզի խուսափի շրջափակումից ու ամբողջ հայկական բանակի ջախջախումից։ Այժմ, այսպես կոչված, հայկական" ընդդիմությունը " ռևանշ է ուզում ։ Իսկ իրականում ՝ պարզապես իշխանության վերադարձնել Քոչարյան - Սարգսյան տանդեմը։

Իսկ ովքեր են այդ ընդդիմության նոմինալ առաջնորդները, որոնք, ցավոք, վայելում են Կրեմլի ոչ հրապարակային աջակցությունը։ Դրանք արևմտամետ քաղաքական գործիչ Վազգեն Մանուկյանն ու օլիգարխ Գագիկ Ծառուկյանն են (1979թ.խմբակային բռնաբարության համար ԽՍՀՄ-ում դատված)։ Վերջինս աջակցում էր նաև նախկին ռեժիմին ու Փաշինյանին ու անցել ընդդիմություն, միայն այն ժամանակ, երբ 2020 - ի ամռանը Հայաստանի դատախազությունը հետաքրքրվեց նրա բիզնես կայսրության հարկային գործերով ։

Փաշինյանի դժբախտությունն այն է, որ նա, ինչպես և Ռուսաստանում նավալնու կողմնակիցները, կարծում էր, թե հնարավոր է լավ, ազնիվ և չկոռումպացված կապիտալիզմ ։ Եվ որտե՞ղ է դա Հայաստանում։ Որտե՞ղ: Դեհ,  կա ազատություն, եւ դա հիանալի է: Բայց արդյո՞ք դա ազդել է հայերի առօրյա կյանքի վրա։ Հազիվ թե:

Ներկայիս ճգնաժամից ելքը կարող է լինել միայն մեկը՝ արտահերթ խորհրդարանական ընտրությունները։ Դրանք անհրաժեշտ են ցանկացած պարտված պատերազմից հետո։ Իսկ Չերչիլը 1945-ին պարտվեց ընտրություններում նույնիսկ իր փայլուն հաղթանակած պատերազմից հետո ։ Չվախեցավ իր ճակատագիրը ժողովրդին վստահել։

Թող Հայաստանում էլ իշխանության ճակատագիրը որոշի ժողովուրդը ։ Բայց քանի դեռ Հայաստանում չի լինի հզոր ժողովրդական ձախ կուսակցություն, քանի դեռ ընդդիմությունը ներկայացված լինի անսկզբունքային օլիգարխներով կամ նախագահ Սարգսյանով, որը 1991-ից հետո կյանքի հիմնական մասն անցկացրել Է Լոնդոնում, լավ բան ակնկալելու հարկ չկա։

Չի լինում իրական ազատություն՝ առանց սոցիալական արդարության ։ Եվ քանի դեռ Փաշինյանը, ինքնըստինքյան մարդն, անշուշտ, ազնիվ է, և մյուս հայ քաղաքական գործիչները դա չեն հասկանա, եղբայրական Հայաստանին, պարզապես, միօրինակ վարչապետների ու նախագահների մռայլ շարասյուն է սպասում՝ առանց հասարակ ժողովրդի համար որևէ հեռանկարի։ Դա ճիշտ է Հայաստանի համար, դա ճիշտ է Ռուսաստանի համար։ Դա, պարզապես, ճիշտ է’’:

Նշենք, որ "Հանուն նոր սոցիալիզմի" շարժման առաջնորդ Նիկոլայ Պլատոշկինը տնային կալանքի տակ է։  Քննչական կոմիտեն քրեական գործ է հարուցել ՌԴ ՔՕ 212-րդ հոդվածի 1.1-րդ մասով ("անձի կողմից զանգվածային անկարգություններ կատարելու հակում") և 207.1 հոդվածով ("քաղաքացիների կյանքին և անվտանգությանը սպառնացող հանգամանքների մասին ակնհայտ կեղծ տեղեկատվության հրապարակային տարածում") նախատեսված հանցագործությունների հատկանիշներով: Գերատեսչությունում կարծում են, որ նա կորոնավիրուսային վարակի մասին ոչ հավաստի տեղեկատվություն է տարածել: Նա իր մեղքը չի ընդունում: