Արմինֆո. Հիդրոօդերևութաբանության և մոնիտորինգի կենտրոնի պետի տեղակալ Գագիկ Սուրենյանը ֆեյսբուքյան իր էջում հրապարակել է լուսանկար, որտեղ պատկերված են ծաղկած ծիրանենիներ Սյունիքի մարզի Նռնաձոր համայնքում:
<Ես արդեն 20 տարի է աշխատում եմ այս բնագավառում, և չեմ հիշում մի դեպք, որ փետրվարի կեսերին հանրապետության որևէ կետում ծիրանենին ծաղկեր>,- գրել է նա։
Սակայն, առաջիկա 5 օրերի եղանակի կանխատեսումը, ըստ ԱԻՆ-ի, այնքան էլ մխիթարիչ չէ ։ Հանրապետության տարածքում փետրվարի 16-ին, 20-ի ցերեկն առանձին շրջաններում, 17-19-ը, 20-ի գիշերը շրջանների զգալի մասում սպասվում են տեղումներ, 18-20-ը լեռնային և նախալեռնային գոտիներում՝ ձյան տեսքով: Քամին՝ հարավ-արևմտյան՝ 5-10 մ/վ, 16-17-ն առանձին վայրերում սպասվում է քամու ուժգնացում, 16-ին` 20-25 մ/վ, իսկ 17-ին` 25-30 մ/վ:
Օդի ջերմաստիճանը փետրվարի 18-20-ն աստիճանաբար կնվազի 10-13 աստիճանով։
Երևան քաղաքում փետրվարի 20-ի ցերեկը, 16-ի գիշերը սպասվում է առանց տեղումների եղանակ: Փետրվարի 16-ի ցերեկը սպասվում է անձրև, 17-ին սպասվում է անձրև և ամպրոպ, 18-19-ը, 20-ի գիշերը՝ թաց ձյուն: