Ուրբաթ, 29 Հունվարի 2021 13:38

Արմինֆո. Հաշվի առնելով Ռոբերտի Քոչարյանի գործողությունների եղանակները նախկինում՝ արտահերթ ընտրությունների գնալու նրա պատրաստակամությունը լուրջ կասկածներ է հարուցում։ ԱրմԻնֆո-ին այդպիսի կարծիք է հայտնել Միջազգային հարաբերությունների և անվտանգության հարցերի հայկական ինստիտուտի ղեկավար Ստեփան Սաֆարյանը։

 

Հունվարի 27-ին Հայաստանի նախկին նախագահ Ռոբերտ Քոչարյանն իր հետ փոխկապակցված լրատվամիջոցներին հարցազրույցում պատրաստակամություն է հայտնել իր թիմի հետ մասնակցել արտահերթ խորհրդարանական ընտրություններին։ Ավելին, համոզմունք է հայտնել այդ ընտրություններում իր առաջիկա հաղթանակի վերաբերյալ։

 

"Իմ կարծիքով, Քոչարյանն, ընդամենը, փորձում է նման սցենարին իր համաձայնության տեսանելիություն ստեղծել։ Իրականում նա աջակցում և խրախուսում է իշխանության գալու այլ դիսկուրսի, որն իր կողմնակիցները զարգացնում են տարբեր ակցիաներում։ Քոչարյանին ակնհայտորեն դուր չեն գալիս Նիկոլ Փաշինյանի դեմ 17 ընդդիմադիր կուսակցությունների պայքարի մեթոդները, ինչը ևս մեկ հակասություն է Փաշինյանի վերահսկողության տակ արտահերթ ընտրությունների համակերպվելու նրա պատրաստակամության հետ", - կարծում է Սաֆարյանը։ Նախկին նախագահի հայտարարությունների և գործերի նման հակասականության պատճառը Սաֆարյանը պայմանավորում է իր որոշ իրական գործողություններ քողարկելու Քոչարյանի ձգտումամբ։

 

Այս տեսանկյունից վերլուծաբանը համոզված է Քոչարյանի և 17 ընդդիմադիր ուժերի միջև լուրջ տարաձայնությունների առկայության հարցում, որոնց հետևում կանգնած է Սերժ Սարգսյանը, և, առաջին հերթին, իշխանափոխության եղանակների մասով։ Նրա խոսքով, եթե ընդդիմադիր 17-ի դաշինքը բարձրաձայնում է բացառապես սահմանադրական ճանապարհով իշխանափոխության պատրաստակամության մասին, ապա Քոչարյանն ավելի հակված է այդ փոփոխությունն իրականացնել ուժային գործողություններով:

 

Այդ տարաձայնությունները, ըստ Սաֆարյանի, ակնհայտորեն դրսևորվում են Քոչարյանի կողմնակիցների նախաձեռնած հանրահավաքներում, իսկ տարաձայնությունները, ի թիվս այլ բաների, պայմանավորված են տեխնիկական վարչապետի միասնական թեկնածուի՝ Վազգեն Մանուկյանի վերջին տապալմամբ։ Ձախողում, որի պատճառը Մանուկյանի՝ հանրության կողմից ոչ միանշանակ ընկալված հայտարարություններն էին, 17-ի կողմից նրա վրա դրված բեռը կրելու անկարողությունը։

 

"Ամեն դեպքում մենք՝ որպես հասարակություն, պետք է բացառենք հանրային կյանքում որեւէ բռնության լեգիտիմացումը: Պետք է բացառենք ուժային ճնշման միջոցով քաղաքական խնդիրներ լուծելու նախահեղափոխական շրջան վերադարձը։ Եվ հակաժողովրդավարական հռետորաբանությունը մարգինալացնել կարող է հենց ժողովրդավարական գործընթացների ուժեղացումը մեր երկրում", - նշել է նա։

"Պետք է հասկանալ, որ Փաշինյանի և Քոչարյանի միջև այլընտրանքի բացակայության դեպքում վերջինս արտահերթ ընտրություններում հաղթելու շանս չի ունենա։ Եվ Քոչարյանն այս ամենը շատ լավ հասկանում է։ Նա հասկանում է, որ հանրային մեծամասնությունն իրեն մերժում է և չի ցանկանում իր վերադարձը։ Դա հասկանում են նաև Փաշինյանի հակառակորդները, ինչը կամա թե ակամա նրանց դարձնում է Քոչարյանից գործող իշխանության պաշտպան", - ամփոփել է Սաֆարյանը։