Պատգամավոր․ Այսօր փորձ է արվում Հայաստանի Հանրապետությունը ջնջել աշխարհի քաղաքական քարտեզից

Արմինֆո. Այսօր փորձ է արվում Հայաստանի Հանրապետությունը ջնջել աշխարհի քաղաքական քարտեզից ։ Այս մասին դեկտեմբերի 28-ին ՀՀ Ազգային ժողովի ամբիոնից հայտարարել է ԱԺ <Բարգավաճ Հայաստան> խմբակցության պատգամավոր Միքայել Մելքումյանը։

Նրա խոսքով ՝ 2020 թվականն ավարտվում է հազարավոր մեր հայրենակիցների համար հայրենազրկման գործընթացով, Արցախի 30 հազար բնակիչներ ապրում են ավտոտնակներում եւ նկուղային շինություններում: Պետությունն էլ, ինչպես շարունակել է պատգամավորը, նրանց խնդիրները լուծելու ուժ չունի։ Մարտական գործողությունների ավարտից անցել է 47 օր, քաղաքական մեծամասնությունը և իշխանությունը դեռևս չի կարողանում չափելի գնահատականներ տալ, թե ինչ ենք մենք կորցրել։ Մինչդեռ, ինչպես կարծում է Միքայել Մելքումյանը, բացի այն, որ կան հազարավոր զոհեր, անհետ կորածներ, վիրավորներ, այսօր Հայաստանի Հանրապետությունը ջնջել աշխարհի քաղաքական քարտեզից

փորձ է արվում։ <Կմնան միայն Երեւանն ու Արարատյան դաշտավայրը, եւ պետք է դա թույլ չտալ>, - հայտարարել է պատգամավորը:

Նա նաեւ նշել է, որ ստեղծված իրավիճակի հետեւանքները կզգացվեն արդեն ամենամոտ ժամանակներս, երբ հնարավորություն չի լինի վճարել թոշակներն ու աշխատավարձերը: Երկրին ու Արցախին էներգետիկ ճգնաժամ է սպասվում։ 2021 թվականի փետրվարի 1-ից 3 դրամով կբարձրանան էլեկտրաէներգիայի սակագները ։ Արցախն արտադրում էր 600 մլն կՎտ ժ էլեկտրաէներգիա, այժմ այդ ցուցանիշը նվազել է մինչեւ 330 մլն կՎտ/ժ: <Ինչ-որ մեկը մտածե՞լ է դրա մասին, թե՞  ստով ու դատարկաբանությամբ եք մտադիր լուծել այս բոլոր խնդիրները>, - հայտարարել է Միքայել Մելքումյանը: