Պրոֆեսոր. Գոյություն ունեցող պայմաններում Հարավային Կովկասում համագործակցության մասին խոսակցություններն անհիմն են  

Արմինֆո. Միայն ժամանակը կարող է հաղթահարել հետպատերազմյան տրամադրությունները Հայաստանում և Ադրբեջանում, հաղթահարել, բթացնել պարտության զգացումն ու հաղթական էյֆորիան: ԱրմԻնֆո-ին այդպիսի կարծիք է հայտնել "Քաղաքակրթությունների երկխոսություն" ինստիտուտի գիտական հետազոտությունների ղեկավար, պրոֆեսոր Ալեքսեյ Մալաշենկոն։

"Պատմության նման էջերը, որպես կանոն, շատ դժվար են շրջվում։ Հատկապես, ըստ էության, ՝ չլուծված հակամարտության պայմաններում, քննարկման և լուծման ենթակա բազմաթիվ հարցերի առկայության պայմաններում, ինչին կողմերից մեկը պատրաստ չէ և նախկինի պես խոսում է ուժի դիրքերից։ Այո, հակամարտության կողմերից մեկն, ընդհանրապես, կարծում է, որ ԵԱՀԿ Մինսկի խումբն այլևս չկա", - նշել է նա։

Մալաշենկոյի գնահատմամբ՝ տարածաշրջանում փոխվել են սահմանները, բայց՝ ոչ գործընթացների բովանդակությունն ու տրամաբանությունը։ Այս բոլոր հետպատերազմյան իրողությունները պրոֆեսորը գնահատում է որպես խոչընդոտներ կառուցողական երկխոսության զարգացման, հակամարտող կողմերի միջև արժանապատիվ համագործակցության ճանապարհին։ Այս լույսի ներքո՝ նա ակնհայտ է համարում ինչպես երկխոսության, այնպես էլ համագործակցության անհնարինությունը, առնվազն, այս փուլում։

Պրոֆեսորը համոզված է, որ տարածաշրջանի երկրների միջեւ վեց, կամ ինչ-որ այլ ձեւաչափով համագործակցության մասին բոլոր խոսակցությունների անհիմն են: Նրա գնահատմամբ՝ այս փուլում նման ծրագրերի իրականացումն իրատեսական չէ։ Նրա կարծիքով, մինչեւ հակամարտող կողմերի միջեւ հարցերի եւ խնդիրների ամբողջ համալիրի լուծումը ոչ խաղաղություն, ոչ էլ, առավել եւս, համագործակցություն պետք չէ սպասել տարածաշրջանում:

Թուրքիայի նախագահն ակտիվորեն բարձրաձայնում է տարածաշրջանում նոր աշխարհաքաղաքական ստատուս քվոյի ստեղծման մասին, իհարկե, թուրքական պրոտեկտորատի տակ։ Եվ դա անում է "եղբայր Ալիևի" կողմից Հայաստանին ուղղված հերթական սպառնալիքներին զուգահեռ։

Դեկտեմբերի 10-ին Բաքվում կայացած զորահանդեսի ժամանակ Էրդողանը հնչեցրել է Հարավային Կովկասում  Ադրբեջանի, Թուրքիայի, Ռուսաստանի, Իրանի, Վրաստանի եւ, ցանկության դեպքում, Հայաստանի մասնակցությամբ "վեցի պլատֆորմի" ստեղծման հնարավորությունը՝ տարածաշրջանի պետությունների միջեւ համագործակցության զարգացման համար: Արդեն դեկտեմբերի 11-ին, վերադառնալով Բաքվից, Էրդողանն ինքնաթիռում իր լրագրողներին հայտարարել Է ՌԴ նախագահ Վլադիմիր Պուտինի կողմից այդ նախագծին աջակցելու մասին:

"Իր հերթին՝ հայկական դիվանագիտության առջև դրված են լուծման ենթակա մի շարք խնդիրներ։ Հատկապես՝ հետպատերազմյան շրջանում։ Այսօր Երևանին անհրաժեշտ է դիմակայել դիվանագիտական հարվածներին՝ հարաբերությունների կառուցման միջոցով, այդ թվում այն երկրների հետ, որոնց հետ նախկինում այդ հարաբերությունները չեն կառուցվել։ Ճկունությունը և պրոֆեսիոնալիզմը հիմնական հատկանիշներն են սեփական շահերը պաշտպանելու համար։ Իսկ դա, իր հերթին, լուրջ վերլուծական աշխատանք է պահանջում ՝ միջազգային հարթակներում աշխատելու համար բազա կառուցելու նպատակով", - ամփոփել է Մալաշենկոն ։