Էրդողանը սկսել է առաջ տանել Հարավային Կովկասում <Վեցի պլատֆորմ> թուրքական նախաձեռնությունը

Արմինֆո. <Ղարաբաղի հաղթանակը նոր էջ բացեց Կովկասի պատմության մեջ ։ Վստահ եմ, որ տարածաշրջանի պատմությունն այսուհետ զարգանալու է բոլորովին այլ հունով>։  Այս մասին ասել է Թուրքիայի նախագահ Ռեջեփ Թայիփ Էրդողանը լրագրողների հետ զրույցում ։

<Մենք Ադրբեջանին մենակ չթողեցինք մարտահրավերների հետ ։ ԱԳՆ-ի, ՊՆ-ի եւ հետախուզության ներկայացուցիչները սերտ շփում են ունեցել ադրբեջանցի գործընկերների հետ ։ Բացի այդ, մեր ներկայացուցիչները մշտապես այցելել են Ադրբեջան>, - ասել Է Էրդողանը ՝ անդրադառնալով Լեռնային Ղարաբաղի դեմ սանձազերծված պատերազմին ։

Թուրքիայի առաջնորդը ուշադրությունը հրավիրել է նախօրեին Բաքվում հնչեցրած <Վեցի պլատֆորմի> (Ադրբեջան, Թուրքիա, Ռուսաստան, Իրան, Վրաստան եւ ցանկության դեպքում՝ Հայաստան) ստեղծման նախաձեռնությանը Հարավային Կովկասում: <Եթե Հայաստանը որոշի մասնակցել այդ գործընթացին եւ դրական քայլեր ձեռնարկի, ապա Թուրքիայի եւ Հայաստանի հարաբերություններում կարող է նոր էջ բացվե>, - ասել Է Էրդողանը:

Թուրքիայի նախագահի խոսքով ՝ <Վեցի պլատֆորմը>, որի շուրջ աշխատում է Թուրքիան, կդառնա փոխշահավետ համագործակցության հարթակ։

Թուրքիայի նախագահն անդրադարձել է նաև ԱՄՆ-ի հետ ապագա հարաբերություններին։

Էրդողանի խոսքով ՝ <Պատժամիջոցների միջոցով Ամերիկայի հակառակորդներին հակազդելու մասին> օրենքի (Countering America ' s Adversaries Through Sanctions Act, CAATSA) շրջանակներում Թուրքիային ներառելու ԱՄՆ - ի փորձը անհարգալից վերաբերմունք է ՆԱՏՕ-ում շատ կարեւոր դաշնակցի նկատմամբ: Ընդ որում, նա նշել է, որ ԱՄՆ-ի քաղաքականությունը, ամենայն հավանականությամբ, կհստակեցվի Սպիտակ տան նոր վարչակազմին իշխանության փոխանցումից հետո: <Հետեւաբար, մենք պետք է համբերենք։

Ժամանակը ցույց կտա>, - ասել Է Էրդողանը ։

Հարկ է նաև նշել, որ Երևանում արդեն արձագանքել են Էրդողանի նախաձեռնությանը ։

Այսպես՝ ԱԺ տնտեսական հարցերի մշտական հանձնաժողովի նախագահ, իշխող <Իմ քայլը> դաշինքի պատգամավոր Բաբկեն Թունյանը, պատասխանելով Թուրքիայի նախագահի նախաձեռնությանը մասնակցելու հնարավորության մասին հարցին, մասնավորապես, ասել է. <Գլոբալ տեսանկյունից Հայաստանը պետք է առաջնորդվի սեփական շահերով, եւ եթե այդ շահերից բխում է, որ նա պետք է մասնակցի որեւէ հարթակի, ապա պետք է մասնակցի, իսկ եթե ոչ ՝ ոչ>: