Հանրապետական Դեւին Նունյեսը Թրամփի վարչակազմին կոչ է արել արգելափակել ամերիկյան զենքի վաճառքը Թուրքիային

Արմինֆո.ԱՄՆ Կոնգրեսի ներկայացուցիչների պալատի հետախուզության կոմիտեի ղեկավար, հանրապետական Դեւին Նունյեսը Թրամփի վարչակազմին կոչ է արել արգելափակել ամերիկյան զենքի ողջ վաճառքը Թուրքիային եւ դադարեցնել ռազմական օգնությունն Ադրբեջանին: Այդ մասին ԱրմԻնֆոյին հաղորդել են Ամերիկայի հայ դատի հանձնախմբից (ANCA)։

ԱՄՆ պետքարտուղարի օգնական Քլարկ Քուփերին ուղղված նամակում, որը զբաղվում է այնպիսի հարցերի համակարգմամբ, ինչպիսիք են ռազմական օգնությունը, զենքի վաճառքը եւ զենքի արտահանման վերահսկողությունը, կոնգրեսական Նունյեսը խնդրել է հայտարարել, որ ԱՄՆ կառավարությունը "արգելափակում է ռազմական կամ երկակի նշանակության տեխնոլոգիաների կամ սարքավորումների վաճառքի կամ փոխանցման վերաբերյալ ցանկացած նոր, սպասվող կամ մշակվող պայմանագիր Թուրքիայի կամ որեւէ այլ երկրի հետ, որը կարող է երրորդ կողմերի կողմից դրանք փոխանցել Ադրբեջանի կառավարությանը":

ANCA-ի նախագահ Րաֆֆի Համբարյանը հայտարարել է կոնգրեսական Նունյեսի հետ համագործակցելու մտադրության մասին' համոզվելու համար, որ Պետդեպարտամենտն առանց հապաղելու կձեռնարկի համապատասխան միջոցներ' կապված Թուրքիային եւ Ադրբեջանին ամերիկյան ռազմական սարքավորումների, այդ թվում ' դրոնների համար բարդ մասերի վաճառքի հետ:

ANCA-ն, բացի կոնգրեսական Նունյեսի կոչերին աջակցելուց, վարչակազմին հորդորում է անհապաղ հետ կանչել իր հրաժարումը Ազատության աջակցության մասին օրենքի 907-րդ բաժնի կատարումից, իսկ Կոնգրեսինը' չեղարկել այդ օրենքի ամբողջական կիրառումը դադարեցնելու համար Սպիտակ տանը տրված լիազորություններն:

ANCA-ն նաեւ կոչ է անում վարչակազմին գլոբալ պատժամիջոցներ կիրառել Թուրքիայում Էրդողանի կառավարության եւ Ադրբեջանում Ալիեւի կառավարության բարձրագույն ղեկավարների նկատմամբ' ելնելով Արցախի դեմ Ադրբեջանի ագրեսիայի ժամանակ մարդու իրավունքների լուրջ խախտումների համար նրանց պատասխանատվությունից:

ANCA-ում նաեւ հիշեցրել են, որ իրենց ջանքերի շնորհիվ ամերիկյան մի շարք ընկերություններ դադարեցրել կամ կասեցրել են բաղադրամասերի մատակարարումը Թուրքիա: Այդ ֆիրմաների թվում են Garmin, Xilinx, Trimble, Beringer եւ ViaSat:

907 ուղղումն ընդունվել Է Կոնգրեսի կողմից 1992 թվականին եւ արգելում էր ԱՄՆ վարչակազմի կողմից կառավարության գծով օգնության ցուցաբերումը Բաքվին՝ Ադրբեջանին եւ Հայաստանի միջեւ հակամարտության կապակցությամբ: Երկար տարիներ ադրբեջանական դիվանագիտությունը ձգտում էր հասնել 907-րդ ուղղման չեղարկմանը։

Ինչպես ավելի վաղ հաղորդել է ԱրմԻնֆոն, դեռևս 2018 թվականին Երևան կատարած այցի ժամանակ ԱՄՆ նախագահի ազգային անվտանգության հարցերով այն ժամանակվա խորհրդական Ջոն

Բոլթոնը չէր բացառել նախագահ Դոնալդ Թրամփի կողմից 907 ուղղման չեղարկումը եւ Ադրբեջանին զենքի վաճառքը: "Կասեցման մասին որոշումը  դեռ ընդունված չէ, և ես չեմ կարող կանխատեսել, թե ինչպիսին կլինի այն սպառազինության վաճառքի ավելացման մասով։ Բայց իրավիճակն այնպիսին է, որ Հայաստանն իր սպառազինության մեծ մասը ձեռք է բերում Ռուսաստանից, Ադրբեջանը ևս 80 տոկոսից ավելին գնում է ՌԴ-ից ։ Այդ հանգամանքը, անշուշտ, չի նպաստում Լեռնային Ղարաբաղի հակամարտության կարգավորմանը", - նշել էր Բոլթոնն այն ժամանակ։ Իսկ արդեն 2019 թվականին Թրամփի վարչակազմը դադարեցրել է այդ ուղղման կատարումը։ Այս տարի դրա չկատարումը երկարաձգվել է ևս մեկ տարով։