Քաղաքագետ․ Հայաստանի խնդիրները Փաշինյանի ծրագրից ավելի մասշտաբային են

Արմինֆո. Այսօր Հայաստանում առկա խնդիրներն իրենց մասշտաբներով էապես գերազանցում են վարչապետ Նիկոլ Փաշինյանի ՝ երկիրը ներկայիս վիճակից դուրս բերելու ծրագրերը։ ԱրմԻնֆո-ին այդպիսի կարծիք է հայտնել Կովկասի ինստիտուտի տնօրեն Ալեքսանդր Իսկանդարյանը ։

<Վարչապետի պայմանական <ճանապարհային քարտեզը>, մեծ հաշվով, երկու տարբեր տարրերի կոմպիլյացիա է, որոնք ենթակա են իրագործման ։ Խոսքն այն մասին է, որ առկա սոցիալական խնդիրներին ավելացել են հետպատերազմյան խնդիրները, որոնք պետք է լուծել, ընդ որում ՝ անմիջապես, երկիրը նորմալ կյանքին վերադարձնելու համար>, - ընդգծել է նա ։ Նոյեմբերի 18-ին ՀՀ վարչապետ Նիկոլ Փաշինյանը հայտարարեց երկրում լայնածավալ բարեփոխումներ իրականացնելու մտադրության մասին: Իրեն համարելով ստեղծված իրավիճակի գլխավոր պատասխանատուն՝ նա ընդգծել է, որ դրա հաղթահարման եւ Հայաստանում կայունության ու անվտանգության հաստատման պատասխանատվությունը եւս իր վրա է:

Կառավարության առաջիկա խնդիրներից է՝ ԵԱՀԿ Մինսկի խմբի համանախագահների ձևաչափով խաղաղ գործընթացի վերսկսումը ՝ շեշտադրելով Արցախի կարգավիճակը և արցախցիների ՝ իրենց բնակավայրեր վերադառնալու առաջնահերթությունը ։ Արցախում բնականոն կյանքի, բնակելի և հասարակական շենքերի և ենթակառուցվածքների վերականգնումը: Սահմանափակ կարողություններով զինծառայողների սոցիալական երաշխիքները, գերեվարված զինծառայողների եւ խաղաղ բնակիչների անհապաղ վերադարձը, նրանց սոցիալական երաշխիքների ապահովումը: Ինչպես նաև բանակային բարեփոխումները, կորոնավիրուսի հաղթահարումն ու հետևանքների վերացումը, ժողովրդագրական խնդիրները ։

Փաշինյանը հնչեցրել է Ընտրական օրենսգրքում և <Կուսակցությունների մասին> օրենքում փոփոխությունների, մասնագիտացված դատավորների ինստիտուտի ստեղծման, ապօրինի գույքի բռնագրավման մասին օրենքի կիրառման անհրաժեշտությունը:

Քաղաքագետի գնահատմամբ ՝ Փաշինյանի առաջարկների սոցիալական մասը դեռ Փաշինյանի <Իմ քայլը> դաշինքի նախընտրական ծրագրի մի մասն էր ։ Մինչդեռ, Իսկանդարյանի կարծիքով, սոցիալական բնույթի խնդիրների լուծմամբ վերջին 2.5 տարում պետք է զբաղվեին տեղական իշխանություններն ու պետական գերատեսչությունները ։ Այս լույսի ներքո Իսկանդարյանը մեծ տարբերություն է տեսնում Փաշինյանի հնչեցրած և անհապաղ լուծման ենթակա խնդիրների միջև ։ Նրա գնահատմամբ ՝ այսօր ավելի կարեւոր եւ առաջնահերթ է քաղաքական համաձայնության հասնելը։ Քաղաքագետը Հայաստանի իրավիճակը բնութագրում է՝ որպես հասարակության պառակտմամբ ուղեկցվող քաղաքական ճգնաժամ ։ Եվ, ըստ նրա կանխատեսումների, իրավիճակը միայն խորանալու է ։

<Հիմա զինվորականները վերադառնում են ռազմաճակատից, արցախցիների տները քանդված են, մարդիկ գնալու տեղ չունեն, քանի որ նրանց տները մնացել են Ադրբեջանի կողմից գրավված տարածքում ։ Այս ամենը խորանում է տնտեսական ճգնաժամով ։ Այս լույսի ներքո, անշուշտ, անհրաժեշտ է ձեռնամուխ լինել վարչապետի կողմից նշված խնդիրների լուծմանը ։ Սակայն, միայն համախմբելով, ընդ որում ՝ քաղաքականապես, հայ հասարակությանը ։ Երկրում սուր քաղաքական ճգնաժամի կարգավորումը, իմ կարծիքով, ամեն դեպքում առաջնահերթություն է>, - ամփոփել է Իսկանդարյանը։