Չորեքշաբթի, 21 Հոկտեմբերի 2020 17:24

Արմինֆո.  Ղարաբաղի հարցը, գոնե, այս փուլում  դիվանագիտական լուծում չունի՝ ըստ էության։ Այդ մասին հոկտեմբերի 21-ին Facebook-յան իր  տեսաուղերձում հայտարարել է ՀՀ վարչապետ Նիկոլ Փաշինյանը:

 

Նրա խոսքով ՝ դիվանագիտական լուծում գտնելու բոլոր հույսերն ու առաջարկները, մտածումները,  հատկապես այս իրավիճակում, կարելի է համարել ավարտված։ Հայաստանը, ինչպես նշել է կառավարության ղեկավարը, բազմիցս հայտարարել է խնդիրը փոխզիջումային հիմքով լուծելու իր պատրաստակամության մասին:  "Ինչ է փոխզիջումը: Դա նշանակում է, որ մենք պատրաստ էինք նվազեցնել մեր պահանջները սահմանված նշաձողից՝ հանուն լուծման, պայմանով, որ դիմացի կողմը ևս կգնա իր պահանջների նվազեցման", - ասել է վարչապետը։ Սակայն, ինչպես շարունակել է կառավարության ղեկավարը, պրակտիկան ցույց է տվել, եւ դա արդեն իրականություն է, որ այն, ինչ ընդունելի է հայկական կողմի համար, այլեւս անընդունելի է Ադրբեջանի համար, այսինքն, նրանց ողջ դիվանագիտական ռազմավարությունն ու մարտավարությունը եղել է եւ շարունակում է մնալ դա: "Անհրաժեշտ է այս պահը շատ հստակ արձանագրել։ Այն, ինչի հետ համաձայն է Հայաստանը, դրան արդեն Ադրբեջանը համաձայն չէ", - արձանագրել է Հայաստանի կառավարության ղեկավարը։ Դրանով իսկ, շարունակել է նա, անօգուտ է այս փուլում խոսել խնդրի դիվանագիտական լուծման մասին։

 

Նիկոլ Փաշինյանն անդրադարձել է նաև Ռուսաստանի հետ հարաբերություններին։ Նա նկատել է, որ

այսօր, և ռազմական գործողությունների ողջ ընթացքում, հայկական կողմերը զգացել են Մոսկվայի աջակցությունը ՝ որպես Հայաստանի եւ հայ ժողովրդի ռազմավարական դաշնակցի:

 

"Ես շատ բարձր եմ գնահատում Հայաստանի եւ Ռուսաստանի համագործակցությունը եւ փոխգործակցությունը", - ընդգծել է Նիկոլ Փաշինյանը, հավելելով, որ Հայաստանն ամենաբարձր մակարդակով փոխգործակցել եւ համագործակցում է ՌԴ-ի հետ այս իրավիճակից ելք գտնելու հարցի շուրջ: Նա հիշեցրել է, որ Ռուսաստանի Դաշնությունը ԵԱՀԿ Մինսկի խմբի համանախագահներից մեկն է ՝ միաժամանակ հանդես գալով որպես Երեւանի ռազմավարական գործընկեր: Մինչև վերջին պահը Մոսկվան առավելագույն ջանք է գործադրել, և վստահություն կա, որ հետագայում ևս ձգտելու է հարցի առավելագույն լուծմանը ։ "Ես դրանում չեմ կասկածում", - հավելել է Հայաստանի կառավարության ղեկավարը:

 

Բոլոր այս գործոնները, ինչպես նշել է Նիկոլ Փաշինյանը,  լավ օրինակ են հետագա գործողությունների համար: Վարչապետի համոզմամբ, "մեր անելիքը պայքարելն է մինչև վերջ, եւ անմնացորդ, անսասան' մեր ժողովրդի իրավունքների համար"։  "Անկախ այն բանից, թե ինչ տեղի կունենա, անհրաժեշտ է պայքարել մեր ժողովրդի իրավունքների համար։ Իրավունքների համար պայքարելը նշանակում է, առաջին հերթին, զենք վերցնել և նվիրվել հայրենիքի իրավունքի պաշտպանության գործին։ Այս պրոցեսը արդյունավետ կազմակերպելու պարագայում է, որ մենք, ի վերջո, կկարողանանք հասնել ընդունելի դիվանագիտական լուծման, քանի որ Ադրբեջանն այլ բան չի ընկալում, քան Ղարաբաղի կապիտուլյացիան", - ընդգծել է վարչապետը, հավելելով, որ բոլորն էլ հասկանում են, թե ինչ է դա նշանակում։ Առանց Արցախի չկա նաև Հայաստան, հետևաբար, ինչպես նշել է Նիկոլ Փաշինյանը, պաշտպանել Արցախի ժողովրդի իրավունքները, նշանակում է պաշտպանել հայ ժողովրդի իրավունքները։ Իսկ դա, առաջին հերթին, նշանակում է կռվել հանուն այդ իրավունքի, կռվել այնքան, քանի դեռ չի հայտնվել դիվանագիտական եղանակով  լուծման ընդունելի տարբերակի հասնելու հնարավորություն։ Ընդ որում, ինչպես նշել է վարչապետը, խոսքը հարցի լուծման վերջնական տարբերակի մասին է։

 

Այս հարցը կարելի է լուծել նաև քաղաքական լիդերության միջոցով։ Այս կոչը վարչապետը հասցեագրում է բոլոր քաղաքապետերին ՝ առանց բացառության, գյուղապետերին, պետական  և տեղական ինքնակառավարման մարմինների ղեկավարներին՝ լիդերություն ստանձնել, ձևավորել կամավորական ջոկատներ, որոնք կիրականացնեն հայ ժողովրդի իրավունքի պաշտպանության գործը ։ Այդ կամավորական ջոկատները պետք է գործեն գլխավոր շտաբի պետի հրամանատարության ներքո։ Վարչապետը հիշեցրել է, որ Հայոց ցեղասպանությունը տեղի է ունեցել այն պայմաններում եւ այն պատճառով,  երբ կար տրամաբանություն, որ ինչ-որ մեկը կկանգնի իրենց իրավունքների պաշտպանության համար։ Նման մարդիկ այսօր էլ են հանդիպում։

 

Վարչապետը նշել է, որ Ադրբեջանը չի ցանկանում նույնիսկ հավաքել իր զինվորների դիակները՝ երկու պատճառով ' կենդանի ուժի եւ տեխնիկայի մոտ 1,5 մլրդ դոլար հսկայական կորուստների առկայությունը: Ընդ որում, հայկական կողմը սովորել է խոցել թուրքական Bayraktar անօդաչու թռչող սարքերը: Երկրորդ պատճառը վարձկանների եւ թուրք զինվորականների դիակների հայտնաբերումն է։

 

Նիկոլ Փաշինյանը հատուկ նշել է, որ այս հակամարտությունը պետք է դառնա վերջինը։ "Հայ ժողովրդի ապագան կախված է մեկ մարդուց, եւ այդ մարդը դու ես, եւ դու պետք է գործես, որովհետեւ եկել է գործելու ժամանակը", - հայտարարել է կառավարության ղեկավարը: "Մենք չենք նահանջի և չենք կոտրվի, և մեզ հնարավոր չէ հաղթել։ Եվ մենք կհաղթենք", - ընդգծել է Նիկոլ Փաշինյանը։