Արմինֆո. Հայաստանում <թեժ> աշունների խոստումները վաղուց ֆոլկլորային ու նույնիսկ անեկդոտային բնույթ են ստացել։ ԱրմԻնֆո-ին այդպիսի կարծիք է հայտնել Հայաստանի խորհրդարանի պատգամավոր, <Հանուն հանրապետության> նախաձեռնության անդամ Արման Բաբաջանյանը։
<Այդ կաղապարներով մեր քաղաքական դաշտը շարժվել է նախկինում, նույն իներցիան շարունակվում է նաև այսօր։ Իրականում քաղաքական կյանքը թեժ է առանց որևէ մեկի թեժացման խոստման կամ սպառնալիքի։ Երկրում առկա են տասնյակ, հարյուրավոր լուծման կարիք ունեցող խնդիրներ, համակարգային պրոբլեմներ, որոնք այսպես թե այնպես թեժացնում են քաղաքական կյանքը։ Թեժացում ասելով առավելապես նկատի են առնվում այն պսևդոսպառնալիքները, որ հնչում են հիմնականում նախկին իշխանությունների, Ռոբերտ Քոչարյանի, Սերժ Սարգսյանի, նրանց սատելիտների ու մերձավոր շրջանակների կողմից։ Այսպիսով՝ <թեժ> աշնան հավանականությունը նվազագույն է, բայց համակարգային խնդիրներ լուծելն անհրաժեշտ է>, - ընդգծել է նա ։
Ըստ Բաբաջանյանի, Հայաստանի առաջիկա ներքաղաքական գործընթացների հիմնական օրակարգի կարևորագույն հարցը Սահմանադրական դատարանի ձեւավորման գործընթացն է ։ Համապատասխան մարմիններն արդեն առաջադրել են ՍԴ դատավորի իրենց թեկնածուներին ։ Եվ հիմա խորհրդարանը պետք է նրանց լսի ու քվեարկի նրանց թեկնածությունների համար ։ Պատգամավորը այս փուլը գնահատում է՝ որպես սահմանադրական ճգնաժամի հաղթահարման գործընթացի կարևորագույն փուլերից մեկը ։ Ընդ որում, իրավական և օրենսդրական հարթություններում դրա հաղթահարման հիմքը իշխանությունները պետք է ստեղծեին շատ ավելի վաղ։
Ընդ որում, խորհրդարանականը մտահոգություն է հայտնել, որ այդ գործընթացը միս ու արյուն պետք է ստանա հենց Սահմանադրական դատարանի դատավորների առաջադրմամբ ու նոր ՍԴ-ի կազմավորմամբ։ Ահա այստեղ է, որ Բաբաջանյանը տեսնում է զարգացումներ, որոնք ամբողջությամբ հակասում են այն տրամաբանությանն ու ոգուն, որ հռչակվում էր սահմանադրական ճգնաժամի հաղթահարման առաջին փուլում։ Այս համատեքստում նա օրինակ է բերել կառավարության կողմից Էդգար Շաթիրյանի թեկնածության անպատասխանատու առաջադրումը ՍԴ դատավորի պաշտոնում։
Այս փաստը խորհրդարանականը գնահատում է՝ որպես իշխանության ուղերձ հասարակությանը, ըստ որի կառավարությանը խորապես թքած ունի օրենսդիր իշխանության և առավել ևս նրա վստահության վրա: Բաբաջանյանը չի բացառել, որ եթե վաղը Շաթիրյանը հավակնի Սահմանադրական դատարանի նախագահի պաշտոնին, և մնացած 8 դատավորները անվստահություն հայտնեն նրան, նա դարձյալ կարող է գնահատել, որ ինքը կրկին անելիք չունի, ինչպես վարվեց Կոռուպցիայի կանխարգելման հանձնաժողովում։
<Ես խորապես հիասթափված եմ երկրում սահմանադրական ճգնաժամը հաղթահարելու ուղղությամբ իշխանության նման անլուրջ, մակերեսային մոտեցմամբ ։ Ստեղծված իրավիճակի գլխավոր պատասխանատուն գործող իշխանությունն է, կառավարությունը, որը սկզբնապես Սահմանադրական դատարանի դատավորի պաշտոնում առաջադրելով չափազանց խոցելի Վահրամ Ավետիսյանի թեկնածությունը՝ սահմանադիր մյուս մարմինների համար ստեղծեց նախադեպ, նրանց ուղերձ հղեց առ այն, որ կարելի է առաջադրել կամայական թեկնածուների, ինչը մենք տեսանք արդեն Դատարանների ընդհանուր ժողովի ու Հանրապետության նախագահի առաջադրած թեկնածությունների պարագայում։ Առաջադրված երեք թեկնածուներն էլ միարժեքորեն մերժելի են, ու ես՝ որպես ԱԺ պատգամավոր, անելու եմ իմ հնարավորության սահմաններում առավելագույնը նրանց ընտրությունը թույլ չտալու համար>,- ամփոփել է Բաբաջանյանը։
Հայաստանի մարզերի երեխաները տեղի ՏՏ համայնքն ապահովել են կոգնիտիվ հակումների ամենամեծ գրադարանով
Իսկանդարյան. Ցանկացած տարածաշրջան ներսից ավելի մեծ և կարևոր է թվում, քան՝ դրսից
Արևելագետ. Ստամբուլի ընդդիմադիր քաղաքապետի ձերբակալությունը Թուրքիայի նախագահի նախընտրական հնարքն է 
Այսպես կոչված՝ "Զանգեզուրի միջանցքի" հարցը Հայաստանում չի լուծվելու. փորձագետ
Իսկանդարյան. Ռուսաստանի ազդեցությունը հետխորհրդային տարածքում և Հարավային Կովկասում կշարունակի նվազել
IDBank-ի ներկայացուցիչը միացել է Trade Finance Global-ի խմբագրական խորհրդին
ԱԺ պատգամավոր. ամենակարևորը ռուս-ադրբեջանական դիմակայությունը Հայաստանի սահմաններին չհասցնելն է
Կառավարության շենքի մոտ ցուցարարները պահանջում են քրեական պատասխանատվության ենթարկել Փաշինյանին՝ ՀԱԵ հասցեին հայտարարությունների համար
Կաթողիկոս. Թուրքիայի ռազմական աջակցությամբ Ադրբեջանն իրականացրել է ոճրագոծություն՝ բռնազավթել և ամբողջապես հայաթափել է Արցախը
Թվում էր՝ ավելի վատ չի կարող լինել. Փաշինյանն անպարկեշտ վիրավորանք է հրապարակել եպիսկոպոսի հասցեին, իսկ նրա կինը հոգևորականներին անվանել է մանկապիղծներ
Հայաստանը պաշտպանել է ՄԱԿ Գլխավոր ասամբլեայում ընդունված հակառուսական բանաձևը
Վարդան Ղուկասյանն ընտրվել է Գյումրու քաղաքապետ
Սարգսյանը նշել է երեք հիմնական խնդիրները, որոնք անհրաժեշտ է իրագործել Հայաստանում իշխանափոխությունից հետո
Քաղաքական գործիչ. Փաշինյանը միտումնավոր զոհաբերեց Արցախը՝ Հայաստանի ռազմավարական կողմնորոշումը փոխելու համար
Վաթսուն ամերիկացի օրենսդիրներ ԱՄՆ պետքարտուղարին կոչ են արել դադարեցնել ռազմական օգնությունն Ադրբեջանին
Քաղաքագետ. 31 տարի անց Արցախն Ադրբեջանի կազմում է ճանաչել Լևոն Տեր-Պետրոսյանի քաղաքական հոգեզավակը
Փաշինյանը հայտարարել է Ղարաբաղյան շարժման դերի մասին՝ "Հայաստանի պետականության չկայացման գործում"
Փաշինյանը պարզաբանել է, թե խաղաղության համաձայնագրի շրջանակում Բաքվի հետ ինչ հարցեր են քննարկման ենթակա
Դիվանագետների համահայկական խորհուրդը քննադատել է Հայաստանի իշխանություններին՝ "խաղաղության պայմանագրով" Ադրբեջանին միակողմանի զիջումներ անելու համար
