Արմինֆո. Հարկ է արձանագրել, որ կորոնավիրուսն, անշուշտ, իր շտկումներն է մտցրել մեր երկրի ժողովրդագրական ցուցանիշների մեջ։ ԱրմԻնֆո-ին այդպիսի կարծիք է հայտնել Հայաստանի աշխատանքի և սոցիալական հարցերի նախարարության ժողովրդագրության բաժնի ղեկավար Արտակ Մարկոսյանը։
<Առաջին կիսամյակի արդյունքներով թվերը մեր ձեռքի տակ դեռ չկան։ Սակայն, նույնիսկ 2020-ի առաջին եռամսյակի արդյունքներով Հայաստան է ժամանել հայկական անձնագրերով 18 հազարով ավելի մարդ, քան այն լքել է ։ 2019 - ին այդ ցուցանիշը չի գերազանցել 2500-ը։ Վերջնականորեն հետագա միտումները կհստակեցվեն առաջին կիսամյակի վիճակագրական տվյալների հրապարակումից հետո ։ Ամեն դեպքում, անհրաժեշտ է հաշվի առնել փակ սահմանների փաստը եւ Ռուսաստանի հետ հաղորդակցության դադարեցումը>, - ընդգծել է նա ։
Միևնույն ժամանակ, ժողովրդագիրը նշել է, որ Ռուսաստանում կան մեծ թվով հայեր, ովքեր ցանկանում են վերադառնալ կամ պարզապես այցելել Հայաստան ։ Մասնավորապես, վերջին տվյալներով, նրանցից 25000 - ն արդեն այդ նպատակով հերթագրվել է ՌԴ-ում Հայաստանի դեսպանատանը։ Այս առումով Մարկոսյանն այս տարվա արդյունքներով կանխատեսում է քաղաքացիների ներհոսք Հայաստան ։ Ավելին, նա շատ հավանական է համարում բնակչության թվի աճը։
Դրա հետ մեկտեղ, նրա գնահատականներով, երկրում մահացության մակարդակն առաջին եռամսյակում, 2019-ի նույն ժամանակահատվածի համեմատ, նույնիսկ նվազել է 18 մարդով: Մարկոսյանն ընդգծել է, որ Հայաստանում վերջին տարիներին նկատվում է մահացության աստիճանական նվազում: Մահերի թվի նվազումը նա բացատրել է այն բանով, որ Հայաստանում միջին տարիքը 72,2 է և հիմա այդ տարիքում են գտնվում նախորդ տարի 1940-ականների կեսերին ծնված սերունդը։ Նրա խոսքով՝ 5 տարի հետո մահերի թիվը կարող է ավելանալ, որովհետև այդ կյանքի միջին տևոողությանը կհասնեն 1950-ականներին ծնվածները։
Իսկ կորոնավիրուսի ազդեցությունը երկրում մահացության ընդհանուր մակարդակի վրա, նրա խոսքով, հնարավոր կլինի գնահատել առաջին կիսամյակի վիճակագրական արդյունքների ամփոփումից հետո միայն, մոտավորապես՝ օգոստոսին: Իսկ առայժմ կորոնավիրուսը դրական է ազդել միայն Հայաստանից մեկնողների թվի նվազման վրա ։ Մարկոսյանն ընդգծել է, որ 2019-ին կատարված ուսումնասիրությունները ցույց են տվել, որ Հայաստանը մշտական լքելու մտադրություն ունեցող քաղաքացիների թիվը զգալիորեն նվազել է: Մինչդեռ, 3-4 տարի առաջ քաղաքցիների կեսից ավելին ցանկանում էր հեռանալ երկրից։
<Հաշվի առնելով այս տարի հետաձգված հարսանիքները ՝ կորոնավիրուսը մեր ժողովրդագրության վրա կազդի նաեւ հաջորդ տարի։ 2018-ի համեմատ 2019-ին ամուսնությունների թիվն ավելացել է 750-ով։ Սակայն, այս տարի ամուսնությունների թիվը կնվազի։ Իհարկե, հետագայում ամեն ինչ իր տեղը կընկնի՝ հաշվի առնելով, որ ծրագրված ամուսնությունները տեղափոխվում են այս տարվա վերջ կամ հաջորդ տարվա սկիզբ։ Այս առումով, 2021-ին մենք կունենանք ծնելիության անկում, ծնունդները կտեղափոխվեն 2022 թվական>, - ամփոփել է Մարկոսյանը։