Արմինֆո. Ընդհանուր իրավասության դատարանը վարույթ է ընդունել նախկին ոստիկանապետ Վլադիմիր Գասպարյանի և ոստիկանության այլ աշխատակիցների նկատմամբ հարուցված գործը։ Այդ մասին հաղորդել է Դատական դեպարտամենտի մամուլի ծառայությունից ։
Ավելի վաղ հաղորդվել էր, որ բացահայտվել են պաշտոնեական դիրքը չարաշահելու, պաշտոնեական կեղծիք կատարելու և պետական միջոցներից առանձնապես խոշոր չափերով հափշտակություն կատարելու դեպքեր, ինչի հետևանքով պետությանը պատճառվել է 114 մլն դրամի վնաս: Պարզվել է, որ Վլադիմիր Գասպարյանը, 1997-2011թթ. տարբեր պաշտոններ զբաղեցնելով Ռազմական ոստիկանությունում և ՀՀ ՊՆ - ում, աչք է փակել այն բանի վրա, որ զորամասերից մեկի երեք զինծառայողներ չեն կատարել իրենց ուղղակի ծառայողական պարտականությունները, փոխարենը՝ աշխատել են որպես ՀՀ երրորդ նախագահ Սերժ Սարգսյանի եղբայրներ Լևոն և Ալեքսանդր Սարգսյանների վարորդներ և թիկնապահներ ։ Ծառայողական ուղղակի պարտականությունները չկատարելու դեպքում նրանց աշխատավարձ է տրվել պետբյուջեից, ինչի արդյունքում պետությանը պատճառվել է 54.790.433 դրամ (որից 21.691.481 դրամը բաժին է ընկնում Գասպարյանի պաշտոնավարման շրջանին) գումարի չափով վնաս։
Բացի այդ, 2011-2018 թվականներին, զբաղեցնելով ՀՀ ոստիկանության պետի պաշտոնը, Վլադիմիր Գասպարյանը պաշտոնեական դիրքն օգտագործել է ծառայության շահերին հակառակ և ապօրինաբար սեփականության իրավունքով ՀՀ ոստիկանության հաշվեկշռում գտնվող 15 մլն դրամ և 10 մլն դրամ արժողությամբ գույքը տրամադրել բնակարանային պայմանների բարելավման կարիք չունեցող բարձրաստիճան ծառայողներին: Խոսքը կազմակերպված հանցավորության դեմ պայքարի գլխավոր վարչության պետ, ոստիկանության գեներալ-մայոր Ռ.Զաքարյանի և պետական պահպանության գլխավոր վարչության պետի առաջին տեղակալ Գ. Գասպարյանի մասին է ։ Բացի այդ, Վլադիմիր Գասպարյանը սեփականության իրավունքով 10 մլն դրամ արժողությամբ այլ անշարժ գույք է տրամադրել այն աշխատակցուհուն, որն աշխատանքի է ընդունվել ընդամենը 6 օր առաջ, ծառայության վայր չի ներկայացել եւ չի կատարել ծառայողական պարտականությունները: Նշվում է, որ տվյալ անձը դրա փոխարեն պրոդյուսերական ծառայություններ է մատուցել Վլադիմիր Գասպարյանի դստերը։
Քրեական գործով նախաքննության ընթացքում պարզվել և հիմնավորվել է նաև, որ Վլադիմիր Գասպարյանի դուստրը 2015 թվականին նշանակվել է ՀՀ ոստիկանության զորքերի շտաբի օպերատիվ բաժնի ավագ սպայի պաշտոնում, սակայն ծառայության չի ներկայացել և չի կատարել ծառայողական պարտականությունները: Գասպարյանի դստերը 2015-2018 թվականների ընթացքում վճարվել է 8.838.362 դրամ։ Բացի այդ, կազմակերպվել է ծառայության գծով բարձրացման արագացված գործընթաց, որի արդյունքում ընդամենը երեք օրվա ընթացքում նա արժանացել է փոխգնդապետի կոչման:
Այս և այլ հանցավոր արարքներ կատարելու համար Վլադիմիր Գասպարյանին մեղադրանք է առաջադրվել ՀՀ քրեական օրենսգրքի 179 - րդ հոդվածի 3-րդ մասի 1 - ին կետով (երկու դրվագ) և 308 - րդ հոդվածի 2-րդ մասով (երկու դրվագ), ՀՀ ոստիկանության զորքերի նախկին հրամանատար Լևոն Երանոսյանին ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով, 314-րդ հոդվածի 1-ին մասով և 308-րդ 2-րդ մասով; Ներքին աաաուդդիտի վարչության նախկին պետ Վարդան Թունյանին՝ ՀՀ քրեական օրենսգրքի 38-308-րդ հոդվածի 2-րդ մասով, եւ ՀՀ ՔՕ 179 հոդվածի 2-րդ մասի 1-ին եւ 3-րդ կետերով; Ոստիկանության զորքերի զորամասի հրաամանատար Գուրգեն Գրիգորյանին՝ ՀՀ քրեական օրենսգրքի 38-308-րդ հոդվածի 2-րդ մասով: