Վարչապետ. Անհրաժեշտ է իրականացնել քաղաքացիների հակահամաճարակային վարքագծի ռեստարտ

Արմինֆո. Անհրաժեշտ է իրականացնել քաղաքացիների հակահամաճարակային վարքագծի ռեստարտ Հայաստանում, այլապես կորոնավիրուսի հետ կապված իրավիճակը դուրս կգա վերահսկողությունից ։ Այդ մասին հունիսի 29-ին ճեպազրույցում հայտարարել է վարչապետ Նիկոլ Փաշինյանը։

Ընդ որում, վարչապետը դժգոհություն է հայտնել այն հանգամանքից, որ քաղաքացիները չեն պահպանում հակահամաճարակային միջոցները, ինչի մասին վկայում են քաղաքացիների լուսանկարները սոցիալական ցանցերում ՝ քաղաքից դուրս ուղեւորություններից, ամառանոցներից, զանգվածային զբոսանքներից:

Վարչապետի խոսքով ՝ բոլոր պետական կառույցներն ու ստորաբաժանումները պետք է այսուհետ ևս խստորեն պահպանեն համաճարակի դեմ պայքարի բոլոր երեք պարզ նախազգուշական միջոցները, այն է ՝ ապահովել սոցիալական հեռավորության պահպանումը, սպասարկել քաղաքացիներին դիմակի պարտադիր առկայության դեպքում և իրականացնել պարբերական ախտահանում: Փաշինյանը նաեւ կարծում է, որ այդ կառույցների եւ ստորաբաժանումների ղեկավարները պետք է անձնական պատասխանատվություն ստանձնեն այդ միջոցների պահպանումն ապահովելու համար:

Դրա հետ մեկտեղ, շարունակել է գործադիր մարմնի ղեկավարը, լիցենզավորված կամ չլիցենզավորված կազմակերպությունների ղեկավարները պետք է խստորեն հետեւեն, որպեսզի նախազգուշական միջոցները պահպանվեն ոչ միայն շենքի ներսում, այլեւ դրան հարող տարածքում: Որպես օրինակ՝ նա նշել է իրավիճակը բանկերի մոտ, նկատելով, որ չնայած բանկերի առջեւ նշագծման առկայությանը, քաղաքացիները, պարզապես, չեն պահպանում այն: Վարչապետը կարծում է, որ ԿԲ-ն, իր հերթին, նույնպես պետք է զբաղվի այդ հարցով, որպեսզի միջոցները պահպանվեն ոչ միայն բանկերում, այլ նաև հարակից տարածքներում, որպեսզի ապահովվի պատշաճ վեերահսսկողություն։

Բացի այդ, կառավարության ղեկավարը նաեւ կարծում է, որ ոստիկանության աշխատակիցներն՝ իրենք, պետք է զանգվածաբար պահպանեն անվտանգության միջոցները եւ, միաժամանակ, անտարբեր չանցնեն այդ կանոնները խախտող քաղաքացիների կողքով: "Այս ամենն անհրաժեշտ է համավարակի դեմ պայքարում մեր հավաքական ջանքերը ցուցադրելու համար։ Միասին մենք կարող ենք հաղթահարել այդ չարիքը, որն արդեն 433 մարդու կյանք է խլել։ Մենք կարիք ունենք մեր քաղաքացիների կարգապահության եւ կառավարության ու պարետատան սահմանած միջոցների խիստ պահպանման", - ասել է կառավարության ղեկավարը։

Միեւնույն ժամանակ Փաշինյանը պարզաբանել է, թե ինչու կառավարությունը չի դիմում համընդհանուր լոքդաունի, նշելով, որ այն ավելի կործանարար եւ քայքայիչ կլինի Հայաստանի տնտեսության համար, եթե չապահովվի նրա զանգվածային պահպանումը: Նրա խոսքով ՝ եթե քաղաքացիները պահպանեն երեք պարզ կանոն, որոնց մասին ամեն օր կրկնվում է, լոքդաունի կարիքը չի լինի, եւ կհաջողվի ստեղծված իրավիճակից դուրս գալ տնտեսության համար նվազագույն կորուստներով: Ընդ որում, վարչապետը հավելել է, որ համընդհանուր լոքդաունի ծրագիր, այնուամենայնիվ, մշակվում է, եւ եթե նման անհրաժեշտություն լինի, իրենք պատրաստ են այն կիրառել:

"Այսօրվա դրությամբ մեզ մոտ 123 հիվանդ գտնվում է ծայրահեղ ծանր վիճակում, եւս 529 - ը ՝ ծանր վիճակում։ 1739-ի մոտ ախտորոշվել է թոքաբորբ։ Այս վիճակագրության հեղինակները մենք ենք՝ ձեզ հետ միաասին, եւ մեր ձեռքում է այս պատկերը փոխելը: Ես վստահ եմ, որ միասին մենք կկարողանանք հաղթահարել այս համավարակը", - ամփոփել է Փաշինյանը։