Երեթշաբթի, 21 Ապրիլի 2020 13:06

Արմինֆո. ՀՀ փոխարտգործնախարար Ավետ Ադոնցը արտերկրում գտնվող ՀՀ քաղաքացիներին կոչ է արել ենթարկվել կորոնավիրուսի համավարակի պայմաններում իրենց գտնվելու երկրներում սահմանված կանոններին: Այս մասին Ադոնցը հայտարարել Է ապրիլի 21-ին կայացած մամուլի ասուլիսի ժամանակ ՝ անդրադառնալով տեղեկությանը, թե ՀՀ քաղաքացիները արտաքսվել են Մոսկվայի <Դոմոդեդովո> օդանավակայանից։

 

Փոխնախարարն ընդգծել է, որ Հայաստանի արտաքին քաղաքական գերատեսչությունում տեղյակ են <Դոմոդեդովոյի> իրավիճակի մասին: Նա տեղեկացրել է, որ Ռուսաստանում Հայաստանի դեսպանությունը կազմակերպել է, այսպես կոչված, ժամանակավոր կեցավայր, որտեղ մեր հայրենակիցները կարող են սպասել չվերթին: <Օդանավակայանում գտնվելու կարիք չկա։ Հենց որ կազմակերպվի չվերթը, նրանք կտեղեկացվեն այդ մասին ։ Առաջիկայում նախատեսվում է նոր չվերթների կազմակերպում, այդ թվում ՝ Մոսկվայից>, - ընդգծել է Ադոնցը ։

 

Նա նաեւ հիշեցրել է, որ վերջին երկու շաբաթվա ընթացքում 5 չարտերային չվերթ Է կազմակերպվել Ռուսաստանից (3-ը Մոսկվայից, մեկը Կրասնոդարից եւ եւս մեկը Դոնի Ռոստովից), ինչի շնորհիվ մի քանի հարյուր քաղաքացիներ տուն են վերադարձել:

 

Անդրադառնալով այդ չվերթների ֆինանսավորմանը՝ նա նշել է, որ աղբյուրները տարբեր են՝ և պետական բյուջեն, և արտերկրում բնակվող մեր հայրենակիցների ու  բարերարների, և Հայ Առաքելական եկեղեցու աջակցությունը։ Նրա խոսքով ՝ յուրաքանչյուր կոնկրետ դեպքում տարբեր մոտեցումներ են եղել։

 

Պատասխանելով այն հարցին, թե նախատեսվում է արդյոք տեսանելի ապագայում վերսկսել ավիահաղորդակցությունը երկրների հետ, որոնք դուրս են գալիս ճգնաժամից՝ Ադոնցը ընդգծել է, որ առայժմ ոչ, եւ Հայաստանը շարունակում է աշխատել արտակարգ դրության պայմաններում։

 

Անդրադառնալով վիզաների ժամկետը լրանալու հարցին ՝ Ադոնցն արձանագրել է, որ յուրաքանչյուր երկրում սահմանված են և գործում են իրենց կանոնները, սակայն, որպես կանոն, ժամկետներն ավտոմատ երկարաձգվում են ։

 

Նշենք, որ ՀՀ ավելի քան 200 քաղաքացիներ մի քանի օր շարունակ գտնվել են Մոսկվայի օդանավակայանում՝ հրաժարվելով ՌԴ-ում ՀՀ դեսպանության կողմից հյուրանոց տեղափոխվելու առաջարկից: <Դոմոդեդովո> օդանավակայանի ղեկավարությունը դիմել է Հայաստանի դիվանագիտական ներկայացուցչությանը ՝ խնդրելով իր քաղաքացիներին դուրս բերել օդանավակայանի տարածքից ։ Օդանավակայանի ղեկավարությունը բողոքել է նաեւ ՀՀ քաղաքացիների կողմից մայրաքաղաքի օդանավակայանի տարածքում գործող կարանտինային միջոցառումների բազմակի խախտման համար: