Խորհրդարանական. Հայաստանում COVID-19-ի տարածման տեմպերի նկատմամբ վերահսկողությունը լավատեսություն է ներշնչում

Արմինֆո.  Հայաստանում COVID-19-ի տարածման տեմպերի նկատմամբ վերահսկողությունը լավատեսություն է ներշնչում։ ԱրմԻնֆո-ին  այդպիսի կարծիք է հայտնել <Իմ քայլը> դաշինքի պատգամավոր Արուսյակ Ջուլհակյանը ։

<Բարեբախտաբար, կորոնավիրուսով վարակվածների թիվը մեր երկրում աճում է որոշակի քանակությամբ, այլ ոչ թե՝ երկրաչափական պրոգրեսիայով ։ Եվ եթե մենք կարողանանք վերահսկել վարակի տարածման օջախները, կկարողանանք կոտրել  վիրուսի տարածման շղթան: Այդ պայքարում, ինչպես բոլորս տեսնում ենք, կառավարությունը ջանք չի խնայում: Եվ վարակից բուժվածները, որոնց թիվը, բարեբախտաբար, նույնպես աճում է, վկայում են մեր բուժաշխատողների լուրջ, անձնազոհ աշխատանքի մասին>, - ընդգծել է նա ։

Ջուլհակյանի գնահատմամբ՝ պետության կողմից հարկադրանքի միջոցները քաղաքացիների նկատմամբ, ովքեր լուրջ չեն վերաբերում կորոնավիրուսի սպառնալիքին, միանգամայն բնական է: Իսկ քաղաքացիների բոլոր կուտակումները, շրջանցելով պարետատան ցուցումները, պետք է համապատասխան կերպով պատժվեն, այդ թվում ՝ իրավապահ մարմինների միջոցով ։

Ըստ պատգամավորի ՝ Հայաստանի քաղաքացիների կյանքի բնականոն ընթացքն արդեն խախտված է, ինչը պետք է ընդունել որպես օբյեկտիվ իրականություն ։ Նրա գնահատմամբ՝ համաճարակի դեմ պատերազմի պայմաններում ինչ-որ բան կանխատեսելը գրեթե անհնար է։ Այս առումով Ջուլհակյանը դժվարացել է գնահատել ապրիլի 14 – ից՝ երկրում արտակարգ դրության ռեժիմի ավարտից հետո իրավիճակը:  

<Կորոնավիրուսի շուրջ ապագա իրավիճակը կախված է դրա հետագա տարածման ընթացքից ։ Որքան ես հասկանում եմ, մեր խնդիրը պետք է լինի ոչ թե կորոնավիրուսի կանխումը, այլ հիվանդների ճիշտ բաշխումը ժամանակի մեջ ՝ մեր տրամադրության տակ եղած միջոցներով առկա կարիքները բավարարելու նպատակով ։ Պայքարը շարունակվում է>, - ամփոփել է պատգամավորը։