Արմինֆո.Աշխարհահռչակ Մովսիսյան քույրերը՝ Էլեոնորան և Արինան, ովքեր համաշխարհային նեյլ-արտ ինդուստրիայի <առաջամարտիկներն> են, պատրաստվում են բացել իրենց հերթական սրահը, այս անգամ իրենց պատմական հայրենիքում ՝ Հայաստանի մայրաքաղաք Երևանում: Երևանյան սրահը կլինի առաջինը Հայաստանում, բայց տասնվեցերորդ սրահն ամբողջ ցանցում: Սրահների աշխարհագրությունը ներկայումս ընդգրկում է 12 սրահ Մոսկվայում, 1-ը Լոս Անջելեսում, 1-ը Սանկտ Պետերբուրգում, 1-ը Կազանում:
Այսօր Արինան և Էլեոնորան հաջողությամբ զարգացնում են իրենց բիզնեսը Ռուսաստանում, ԱՄՆ-ում եւ ամբողջ աշխարհում և թրենդ սահմանում մատնահարդարման ինդուստրիայում ամբողջ աշխարհում: Ինստրագրամում -ին ավելի քան 2 մլն հետևորդ ունի, որոնց թվում կարելի է գտնել այնպիսի աստղային անուններ, ինչպիսիք են՝ Քեթի Փերին, Եվա Լոնգորիան, Shannon and Channade Clermont, Kelsey բլոգերները, Քիմ Քարդաշյանի գլխավոր nail-վարպետ Tom Bachik-ը, Huda Kattan-ը և շատ ուրիշներ: Իսկ նրանց հաճախորդներն են Kattan քույրերը, Ժան Կլոդ Վանդամը, Թամարա Բրեքսթոնը, Քիմ Քարդաշյանի և J. Lo-ի ոճաբան Chris Appleton-ը, Քիմ Քարդաշյանի դիմահարդար Hrush Achemyan-ը, բյութի ինֆլուենսեր Nikita Dragun-ը և այլոք:
Եթե ԱՄՆ-ում քույրերը որոշել են սրահ բացվել ՝ հաշվի առնելով Instagram-ում բաժանորդների աշխարհագրական ցանցը, որտեղ ամերիկացի ֆոլովերների մասնաբաժինն արդեն գերազանցել է նրանց թիվը Ռուսաստանում, ապա նեյլ-արտը հայրենիք բերել Էլեոնորային և Արինային դրդել են վերջին փոփոխությունները Հայաստանում, որոնց քույրերը մշտապես հետևել են: Հավատալով Հայաստանի բարեհաջող տնտեսական ապագային ՝ Մովսիսյանների ընտանիքը ներդրումներ է կատարել երկրի տնտեսության մեջ, և արդեն մի քանի ամիս անց Երևանի կենտրոնում կբացվի ոչ թե Ֆրանշիզա, այլ բացառիկ գեղեցկության սրահը, որտեղ քաղաքի բնակիչները կկարողանան ստանալ պրեմիում դասի ծառայություններ՝ ընդունելի գումարի դիմաց: Հարկ է նշել, որ երևանյան սրահում կաշխատեն մոսկովյան սրահների որակյալ վարպետները: Հատկանշական է, որ այդ աշխատակիցները նույնպես հայեր են, և նրանց վերադարձը հայրենիք որոշ չափով համապատասխանում է նաև հայրենադարձության մասին կառավարության կոչին։
Էլեոնորա Մովսիսյանը, ով ցանցի համասեփականատերն է, նեյլ-արտի բազմաթիվ մրցույթների դափնեկիր, նեյլ-դիզայնի առաջատար վարպետ Nail Sunny-ում, անձամբ Երևան կժամանի՝ նոր աշխատակիցներին ցանցի չափանիշներին համապատասխան աշխատանքի առանձնահատկություններն ու տեխնիկան ուսուցանելու: Ցանցի սրահներում կիրառվող մատնահարդարման բոլոր տեսակները մշակվել և առաջին անգամ կատարվել են Էլեոնորայի կողմից, և միայն դրանից հետո մասշտաբավորվել ամբողջ ցանցում ։
Սկզբում, բացելով ցանցի առաջին սրահը, որը զբաղեցնում էր 10 քառակուսի մետր, և Sunny Gym սպորտային ակումբի նկուղում եղել է կանանց հանդերձարանի մի մասը, քույրերը նույնիսկ չեն երազել երկրորդի բացման մասին: <Նկուղային> սրահը բացվել է հիմնականում ընկերների համար, և աղջիկներն ակնկալում էին սրահում վաստակել ամենօրյա <գրպանի ծախսերի> համար։ Սակայն, արդեն երկու շաբաթ անց նրանք ունեցել են մեկ ամիս առաջ սպառված գրանցում, իսկ հինգ ամիս անց աղջիկները բացել են լիարժեք գործող սրահ Մեծ Յակիմանկայում՝ Կրեմլից երեք րոպե հեռավորության վրա։
- ին հաջողվել է դառնալ Ռուսաստանի համար մեկ նեյլ-արտ սրահների ցանցը, իսկ այցելուների թիվը 4 տարվա ընթացքում օրական կտրվածքով 80-ից հասել է 800-ի: -ից հետո Մոսկվայում և ամբողջ աշխարհում բացված սրահները փորձում են պատճենել Մովսիսյան քույրերի ոճը. նրանց մոտեցումները բիզնեսի վարման, գնագոյացման, աշխատանքի պայմանների, հաճախորդների հետ շփման և նույնիսկ Instagram-ում էջերի վարման նկատմամբ: <Մենք կարող էինք հեշտությամբ հայտնվել Գինեսի ռեկորդների գրքում <կրկնօրինակած սրահների> թվով. սրահներ, որտեղ ամեն ինչ՝ սկսած մուտքի գորգից, վերջացրած մատնահարդարման դիզայնով, ճշգրիտ ընդօրինակված է մեզանից>, - վստահ է Էլեոնորա Մովսիսյանը: Այնուամենայնիվ, քույրերը հպարտ են, որ խթանում են ուրիշներին հաջողակ բիզնես ստեղծել։
Սեփական նեյլ-արտ սրահի ստեղծման գաղափարը քույրի մոտ հղացել է գրեթե միաժամանակ։ Այդ ժամանակ Էլեոնորան երիտասարդ մայր էր և երեխային էր խնամում տանը։ Արինան ադմինիստրատոր էր աշխատում գեղեցկության սրահում։ Էլեոնորան, ով լավագույն դեպքում շաբաթական երեք ժամ ազատ ժամանակ ուներ, խնամված լինելու համար հնարավորինս քիչ ժամանակ ծախսելու, բայց միևնույն ժամանակ գեղեցիկ տեսք ունենալու միջոցներ էր փնտրում։ Այսպես՝ մեկ անգամ Օրեխովո-Բորիսովոյում էկոնոմ գեղեցկության սրահ, ուր հաճախում էր Էլեոնորան, բերվեցին գել լաքեր. լաքեր, որոնք մեկ ժամում հատուկ տեխնոլոգիայով քսում էին եղունգներին, բայց պահպանվում էին մոտ մեկ ամիս: Էլեոնորան անմիջապես հասկացավ՝ ապագան այդ լաքերինն է։ Ավելի գործնական և հարմար բան մեծ քաղաքի կանանց համար դժվար էր մտածել։ Այդ ժամանակ Էլեոնորայի մտքով անցավ մատնահարդարման սրահ բացել, և այդ գաղափարի մասին նա կիսվեց քրոջ հետ ։ Պարզվում է, որ Արինան նույնպես մտածում էր իր գեղեցկության սրահի բացման մասին, առավել ևս, որ այդ գործի նրբությունները նա յուրացրել էր տարբեր սրահներում աշխատելու տարիներին։ Քույրերը որոշում են փորձել իրակագործել այդ գաղափարը, և Արինան սկսում է սրահի համար տարածք փնտրել։ Տարածքի փնտրտուքը տևում է կես տարի: Լիարժեք սրահների համար վարձավճարները կազմում էին միջինը 150 000 ռուբլի, ինչն այդ ժամանակ բավական մեծ գումար էր քուրերի համար։
Երջանիկ պատահականությամբ, ծանոթների միջոցով Արինային հաջողվում է սենյակ գտնել Sunny Gym ֆիտնես ակումբի նկուղում, որը, իհարկե, դժվար էր համարել գեղեցկության սրահի համար բավարար, սակայն աղջիկները որոշում են բաց չթողնել հնարավորությունը: Արինան լուսանկարում է իրենց ապագա սրահի համար տարածքը, նկարն ուղարկում էլեոնորային՝ հարցնելով. <Հաջորդ շաբաթ բացվում ենք։ Դու ինձ հե՞տ ես>։ Էլեոնորան պատասխանում է. <Ես գործի մեջ եմ>։ Այդ ժամանակից ի վեր այդ փոքրիկ տարածքը նրանց համար մի ամբողջ աշխարհ դարձավ։ Աղջիկներից յուրաքանչյուրը գործի մեջ ներդնում է 1500 դոլար։ Իր փողերը Էլեոնորան ծախսում է Blue Sky եւ ամերիկյան CND ապրանքանիշի գել-լաքերի տեսականու, իսկ Արինան այն ժամանակ ամբողջ Մոսկվայում տարածված Christina Fidgerald ապրանքանիշի սովորական լաքերի գնման վրա: Avito կայքի միջոցով աղջիկները գտնում են մատնահարդարման մի վարպետի, եւ IKEA-ից կահույք ձեռք բերելով՝ աղջիկները իսկապես մեկ շաբաթ անց բացում են գեղեցկության սրահը: Առաջին իսկ օրը սրահում ամբողջական գրանցում կար. Արինան իր բոլոր ընկերուհիներին հրավիրել էր։ Երեք օր անց սրահ աշխատանքի է հրավիրվում երկրորդ վարպետին, և աստիճանաբար՝ 2013թ. մարտի 25-ից մինչև 2020 թ. մարտի 25-ը, սրահի աշխատակիցների թիվը գերազանցում է 700 –ը։
Այսօր քույրերը թեթևությամբ են հիշում, որ մի ժամանակ չլսեցին շրջապատի մարդկանց, որոնք կարծում էին, որ իրենք կձախողեն, և շարունակեցին հավատալ իրենց ՝ ջանք ու ժամանակ ներդնելով սիրելի գործի մեջ ։ Հետաքրքրական է, որ պարտականությունները քույրերը հավասար են կիսել միմյանց միջև. ստեղծագործական մասի, մատնահարդարման դիզայնում նորամուծությունների, մատնահարդարման առաջատար մասնագետի իրավունքով Instagram-ում էջ վարելու համար պատասխանատու է Էլեոնորան։ Բացի այդ, նրա իրավասությունների մեջ է մտնում ընկերության աշխատանքի կանոներում տարբեր նորամուծությունները։ Էլեոնորան աշխարհում առաջիններից մեկն է, ով նորաձևություն է մտցրել վիրուսային ինստագրամ-հոլովակները, որտեղ մի քանի վայրկյանում եղունգներին ինչ-որ անհավանական դիզայն է վերարտադրվում, և այդ ամենն ուղեկցվում է հայտնի երաժշտությամբ: Այդ հոլովակների տեսանկարահանողն Արինայի և Էլեոնորայի եղբայրն է ՝ Էդուարդը, ով այժմ ԱՄՆ-ում սրահի կառավարիչն է:
Իսկ Արինան պատասխանատու է կարգապահության համար, ինչը ցանկացած բիզնեսի գործունեության կարեւորագույն պայմաններից մեկն է:
Ունենալով անվիճելի հաջողություն բյութի ինդուստրիայում՝ -ի հիմնադիրները չեն պատրաստվում բավարարվել ձեռք բերվածով։ Տեղակայման հաջորդ վայրը Հայաստանից հետո կլինեն Դուբայը և Լոնդոնը։ Ավելին, Լոնդոնում քույրերը սկսում են կոսմետիկայի, ինչպես նաեւ մատնահարդարման և պեդիկյուրի համար նախատեսված միջոցների արտադրություն, որոնք մտադիր են օգտագործել սրահների իրենց ցանցում:
Նման արտադրություն Արինան և Էլեոնորան նախատեսում են բացել նաև Հայաստանում ։ Հնարավոր է, շուտով այդ գաղափարն իրականացվի, քանի որ աղջիկները բավական հավակնոտ ծրագրեր ունեն։
Մովսիսյան քույրերի գեղեցկության կայսրության մասին գրում են ոչ միայն ռուսական լրատվամիջոցները, այլև միջազգային, այդ թվում ՝ BBC-ն, Cosmopolitan US-ը, The Sun-ը, Metro-ն, Buzzfeed-ը, The Hollywood Unlocked-ը, Daily Mail UK-ը, InStyle US-ը, Seventeen-ը, Fox News-ը, Voice.Fi-ն, Elle-ն, Glamour-ը, E-Channel-ը. Instagram-ում բաժանորդների ավելի քան 20 տոկոսը բաժին է ընկնում ԱՄՆ-ին, 16 տոկոսը ՝ Ռուսաստանին, 5 տոկոսը ՝ Բրազիլիային, 3-ական տոկոսը ՝ Ուկրաինային, Մեքսիկային, Իրանին եւ Մեծ Բրիտանիային եւ այլն:
<Հաջողության բանալին, բացի մատուցվող ծառայությունների բարձր մակարդակից, ստեղծագործական մոտեցումն է, ինքնատիպությունը, մարդկանց ցնցելու և դիզայնի համար մշտապես նոր ու հետաքրքիր գաղափարներ առաջարկելու կարողությունը>, - համոզված է Էլեոնորա Մովսիսյանը:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ
Քաղաքական գործիչ․ Հայաստանում Մոլդովական սցենարի կիրառումը կհանգեցնի հեղափոխության
Կարծիք. Ամերիկյան օրակարգը Հարավային Կովկասում ունի երկու առաջնահերթություն՝ TRIPP նախագիծը և Իրանի վրա ճնշումը
Հայ քաղաքագետը նշել է ԱՄՆ պետքարտուղարի՝ վաղը Երեւան կատարելիք այցի երկու հավանական նպատակները
Քաղաքագետ. ներքին էսկալացիան շատ արագ կհանգեցնի արտաքին էսկալացիայի
Կարծիք․ Ինչպես Հայաստանի ներսում, այնպես էլ նրա սահմաններին իրավիճակը մեծապես կախված կլինի Իրանի շուրջ գործընթացների զարգացումից
ՀԱՊԿ գլխավոր քարտուղար․ Շատ դժվար է լինել ԵՄ անդամ և միաժամանակ անդամակցել ԵԱՏՄ-ին
Զախարովան Հայաստանին համեմատել է մի ուղևորի հետ, ով ցանկանում է «Ա» կետից հասնել «Գ» կետ
ԵՄ-ն աջակցություն է պատրաստում Հայաստանի համար՝ Ռուսաստանի կողմից սահմանված տնտեսական սահմանափակումների պայմաններում. ԶԼՄ-ներ
Մենք պարտավոր ենք գործադրել բոլոր հնարավոր ջանքերը, որպեսզի արցախահայության նկատմամբ արդարությունը հաղթանակի
Ընդդիմադիրը հաղորդել է, թե Վայոց ձորի որ նորակառույց դպրոցներն են հանձնվելու ադրբեջանցիներին
Փորձագետ․ Հայաստանն ու Ադրբեջանը մասնակցում են Իրանի շրջապատման ԱՄՆ-ի աշխարհաքաղաքական խաղին
Breavis ընկերությունը “Եվրոնյուզ»-ին մերկացրել է Հայաստանի ընտրությունների վերաբերյալ կեղծ տեղեկատվություն տարածելու մեջ
Քոչարյան․ ԵՄ և ԵԱՏՄ միջև ընտրությունը՝ դա ընտրություն է անիրականանալի երազանքի և որոշակիության միջև
Հայաստանի իշխանությունը, որպես ռուսական ուղղության այլընտրանք, ուղղակի կամ անուղղակի ակնարկում է Թուրքիայի և Ադրբեջանի ուղղությունները․ պատգամավոր
