Շաբաթ, 25 Հունվարի 2020 13:20
Մարիաննա Մկրտչյան

Դավիթ Տոնոյան. ՀՀ պաշտպանության նախարարության և Արցախի ՊԲ-ի կողմից ամեն ինչ արվում է բանակում տեղի ունեցող միջադեպերի թիվը նվազեցնելու համար

Դավիթ Տոնոյան. ՀՀ պաշտպանության նախարարության և Արցախի ՊԲ-ի կողմից ամեն ինչ արվում է բանակում տեղի ունեցող միջադեպերի թիվը նվազեցնելու համար

Արմինֆո. Թե ՀՀ պաշտպանության նախարարության, թե Արցախի Պաշտպանության բանակի կողմից ամեն ինչ արվում է բանակում միջադեպերի թիվը նվազեցնելու համար (ոչ կանոնադրական հարաբերությունների հետ կապված - խմբ.): Այս մասին հունվարի 25-ին, ԱրմԻնֆո- ի հարցին ի պատասխան, ասել է ՀՀ պաշտպանության նախարար Դավիթ Տոնոյանը։

 

<Բայց, ցավոք, լինում են որոշ անկանխատեսելի արարքներ>, - նշել է Հայաստանի պաշտպանական գերատեսչության ղեկավարը:

 

Եվ այս համատեքստում նա նկատել է, որ նախօրեին Արցախի Պաշտպանության բանակում տեղի ունեցած միջադեպի կապակցությամբ ի սկզբանե եղել է տեղեկատվության որոշակի դեֆիցիտ, ինչը պայմանավորված է եղել տեղակայմամբ ։

 

<Սակայն, Արցախի Պաշտպանության բանակի ղեկավարությունը օպերատիվ և կարճ ժամկետում պարզաբանումներ է ներկայացրել իրավիճակի վերաբերյալ ։  Բարեբախտաբար, զոհեր չկան։ Իհարկե, զինվորը, ով ինքն իր վրա կրակել է, առողջական խնդիրներ ունի։ Մեր բժիշկները անում են ամեն ինչ, որպեսզի փրկել նրան: Նա շուտով կտեղափոխվի Երեւան>, - նշել է նախարարը ։  Ընդ որում, նա արձանագրել է, որ երկրորդ զինծառայողի մոտ թեթև վնասվածք է ։  Սակայն Տոնոյանը հորդորել է հապճեպ եզրակացություններ չանել և սպասել նախաքննության արդյունքներին:

 

Ինչպես ավելի վաղ հայտնել է ԱրմԻնֆո-ն, հունվարի 24-ին՝ ժամը 06:55-ի սահմանում, ՊԲ հյուսիային ուղղությամբ տեղակայված զորամասերից մեկում, դեռևս չպարզված հանգամանքներում, հրազենային վիրավորում են ստացել ՊԲ զինծառայողներ, 2001թ. ծնված Հենրի-Հայկ Սիմոնի Զաքարեանը և 2000թ. ծնված Արմեն Ջոնիկի Մեսրոպյանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի