Ուրբաթ, 24 Հունվարի 2020 12:56
Դավիթ Ստեփանյան

Փորձագետ. 1979 թվականի Իրանն ու 2020 թվի Իրանը երկու միանգամայն տարբեր իրողություններ են

Փորձագետ. 1979 թվականի Իրանն ու 2020 թվի Իրանը երկու միանգամայն տարբեր իրողություններ են

Արմինֆո. Իրանը 1979 թվականին եւ Իրանը 2020 թվին միանգամայն տարբեր իրողություններ են: ԱրմԻնֆո-ին այդպիիս կրածիք է հայտնել "Աշխարհ" ռազմավարական հետազոտությունների կենտրոնի տնօրեն, անվտանգության ոլորտի փորձագետ Հրաչյա Արզումանյանը։

 

"Պետք է նշել, որ Իրանում պարբերական հանրահավաքներն ու բողոքի ցույցերը լուրջ ախտանիշ է, որն, ամեն ինչից զատ, պայմանավորված է սերնդափոխությամբ։  Իսլամական հեղափոխությունից հետո անցած 40 տարիների ընթացքում աճել է փոփոխություն պահանջող երկրորդ սերունդը։  Այդ առումով, խոցված ուկրաինական ինքնաթիռը հերթական ձգան է ծառայել Իրանի հասարակության կողմից վերջին տարիներին կուտակված հակակառավարական տրամադրությունները արտահայտելու համար", - ընդգծել է նա։

 

Այս լույսի ներքո՝ Արզումանյանը հիշեցրել է 2019 թվականին Իրանում քաղաքական համակարգի փոփոխության պահանջով տեղի ունեցած բողոքի բազմաթիվ ցույցերի մասին, որոնց ընթացքում եղել են զոհեր: Գնահատելով այդ համակարգը ՝ փորձագետը, նշելով դրա կայունությունը, ենթադրել է, որ, ամենայն հավանականությամբ, իշխանությունն այս անգամ էլ կկարողանա դիմակայել բողոքի ակցիաներին ու կեղծիքի և կոռումպացված լինելու մեղադրանքներին։  Այնուամենայնիվ, Թեհրանը, նրա գնահատականներով, պետք է հետեւություններ անի եւ ձեռնամուխ լինի քաղաքական բարեփոխումների՝ Իրանը սրընթաց փոփոխվող տարածաշրջանին եւ աշխարհին հարմարեցնելու նպատգակով:

 

"Վերջին տասնամյակների ընթացքում կատարելով տնտեսական, տեխնոլոգիական թռիչք՝ Իրանը մի քանի դար թուլությունից հետո վերադարձել է միջազգային ասպարեզ՝ որպես ինքնուրույն խաղացող։  Առաջին հերթին, Թեհրանը վերականգնել է Մերձավոր արեւելքում ուժի տարածաշրջանային կենտրոնի իր դերը։  Այդուհանդերձ, դա չի վերացնում տարածաշրջանում եւ միջազգային հարաբերություններում Իրանի իշխանությունների նոր իրողություններին հարմարվելու անհրաժեշտությունը: Հակառակ դեպքում՝ նրանք ստիպված կլինեն հեռանալ, ինչպես հեռացավ այդպես էլ իրադրության փոփոխությանը չհարմարված ԽՍՀՄ-ը", - կարծում է փորձագետը։

 

Արզումանյանը բնական է համարում, որ ԱՄՆ-ը ձգտում է օգտագործել ներքին դժգոհությունն Իրանում իշխանությունը տապալելու համար։  Ընդ որում, նա չի կարծում, որ երկրում բողոքի ակցիաները կարող են կազմակերպված լինել Վաշինգտոնից։ 

Վերջինս միայն փորձում է Իրանի իրադրությունն օգտագործել սեփական նպատակների համար։ Ամեն դեպքում, փորձագետը համոզված է երկրի իշխանությունների կողմից դժգոհության խորքային պատճառների լուծման անհրաժեշտության մեջ։  Նրա գնահատմամբ՝ միայն իշխանությունների համարժեք արձագանքը թույլ կտա իրանական պետականությունը հարմարեցնել իրանական հասարակության իրողություններին եւ 21-րդ դարի իրողություններին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի