Հինգշաբթի, 23 Հունվարի 2020 13:32
Կարինա Մանուկյան

Transparency International. Թավշյա հեղափոխությունից հետո Հայաստանում ձեռքբերումներ են արձանագրվել կոռուպցիայի դեմ պայքարում

Transparency International. Թավշյա հեղափոխությունից հետո Հայաստանում ձեռքբերումներ են արձանագրվել կոռուպցիայի դեմ պայքարում

Արմինֆո. 2018 թվականի հեղափոխությունից և նոր խորհրդարանի ձևավորումից հետո Հայաստանը խոստումնալից ձեռքբերումներ է արձանագրել հակակոռուպցիոն քաղաքականության գործում բարեփոխումների առաջմղման գործում։  Այս մասին ասված է Transparency International-ի ներկայացրած՝ Կոռուպցիայի ընկալման 2019 թ.ինդեքսում։

 

Ինչպես հաղորդել է <Թրանսփարենսի Ինթերնեշնլ> հակակոռուպցիոն կենտրոնի ծրագրերի ղեկավար Վարուժան Հոկտանյանը հունվարի 23-ին կայացած մամուլի ասուլիսում, ըստ զեկույցի՝ Հայաստանը մեկ տարվա ընթացքում 7 կետով բարելավել է իր դիրքերը ՝ հավաքելով 42 միավոր (առավելագույնը 100 միավոր) ՝ 2018-ի 35-ի դիմաց:  Այսպիսով՝ հանրապետությունը նախորդ տարվա 105-րդ տեղից բարձրացել է 77 - րդ հորիզոնական։  Հոկտանյանն ընդգծել է, որ Հայաստանն Արեւելյան Եվրոպայի եւ Կենտրոնական Ասիայի տարածաշրջանում հակակոռուպցիոն պայքարի ցուցանիշներով 17 տարվա ընթացքում առաջին անգամ կարողացել է առաջ անցնել 39 միավոր հավաքած Թուրքիայից: Տարածաշրջանում ամենաբարձր միավորները հավաքել են Վրաստանը (56), Բելառուսը (45) եւ Չեռնոգորիան (45), իսկ ամենացածր միավորները ՝ Ուզբեկստանը (25), Տաջիկստանը (25) եւ Թուրքմենստանը (19):

 

Զեկույցում նշվում է, որ չնայած ցուցանիշների բարելավմանը՝ Հայաստանում կոռուպցիայի վերացմանը շարունակում են խոչընդոտել շահերի բախումն ու հասարակական սեկտորում ոչ թափանցիկ գործողությունները: <Թեեւ քաղաքական ազնվության բարելավումը ժամանակ եւ ռեսուրսներ կպահանջի, իրավապահ մարմինների եւ դատական համակարգի նկատմամբ հանրության վստահության բարձրացումը կարեւոր առաջին քայլն է պատշաճ զսպող մեխանիզմի ապահովման գործում ՝ բարձրացնելով հակակոռուպցիոն ջանքերի արդյունավետությունը>, - ընդգծվում Է փաստաթղթում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի