Չորեքշաբթի, 22 Հունվարի 2020 11:49
Ալեքսանդր Ավանեսով

Վարչապետ. Ամանորյա միջոցառումների անցկացման համար 271 մլն դրամի ներդրում կատարելով՝ հաջողվել է ապահովել 9,307 մլրդ դրամի հավելյալ դրամաշրջանառություն

Վարչապետ. Ամանորյա միջոցառումների անցկացման համար 271 մլն դրամի ներդրում կատարելով՝ հաջողվել է ապահովել 9,307 մլրդ դրամի հավելյալ դրամաշրջանառություն

Արմինֆո. Հանրապետության հրապարակում ամանորյա միջոցառումների անցկացման համար 271 մլն դրամ ներդնելով՝ հաջողվել է ապահովել 9,307 մլրդ դրամի հավելյալ դրամաշրջանառություն։  Այս մասին Faceebok-ի իր էջում "Զրույց քաղաքացու հետ" ուղիղ եթերում  հայտարարել է վարչապետ Նիկոլ Փաշինյանը:

 

Նրա խոսքով՝ շատերը թերահավատորեն են վերաբերվել 2019 թվականի դեկտեմբերի 28-ից մինչեւ 2020 թվականի հունվարի 6-ն ընկած ժամանակահատվածում ամանորյա միջոցառումների անցկացման համար 271 մլն դրամ ուղղորդելու գաղափարին ՝ աննպատակահարմար գտնելով կառավարության այդ քայլը:  Սակայն, նախորդ տարվա համեմատ 9,307 մլրդ դրամի հավելյալ դրամաշրջանառությունը հակառակն է վկայում։ Ավելին, ըստ ամենահամեստ գնահատականների, նշված 9,307 մլրդ դրամից ավելի քան 325 մլն դրամը պետական բյուջե մուտքագրվելու է հարկերի տեսքով։ Այդպիսով, շարունակել է կառավարության ղեկավարը, ներդնելով 271 մլն դրամ, պետությունը ոչ միայն կվերադարձնի այդ միջոցները, այլեւ լրացուցիչ եկամուտ կստանա։ Նա նաև արձանագրել է, որ 9,307 մլրդ դրամի հավելյալ դրամաշրջանառությունից ավելի քան 4 մլրդ դրամ  բաժին ընկել երկրի մարզերին։  Իսկ դա, ինչպես նկատել է Նիկոլը

Փաշինյանը, վկայում է այն մասին, որ զբոսաշրջիկները եւ հայկական սփյուռքի ներկայացուցիչները ժամանակ են անցկացրել ոչ միայն Հայաստանի մայրաքաղաքում, այլեւ մարզերում։  Վարչապետը նաև համոզմունք է հայտնել, որ պետական ներդրումներից կարողացել են օգտվել փոքր կրպակները, տաքսու վարորդները, փոքր եւ միջին բիզնեսի ներկայացուցիչները։  Նման միջոցառումների անցկացումը, ինչպես նշել է վարչապետը, հնարավորություն է տալիս երկրի քաղաքացիներին աշխատանքի տեղավորվել և լուծել իրենց խնդիրները։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի