Հակամարտության թեժ փուլ անցնելը ձեռնտու չէ ոչ Ադրբեջանին, ոչ Հայաստանին. ադրբեջանցի վերլուծաբան

Արմինֆո. Չնայած վերջին մեկուկես տարվա ընթացքում Ադրբեջանի և Հայաստանի արտգործնախարարների ու առաջնորդների հանդիպումների ակտիվացմանը՝ ընդհանուր առմամբ, կողմերն այսօր շարունակում են զբաղվել Ղարաբաղի շուրջ բանակցային գործընթացի իմիտացիայով։ ԱրմԻնֆո-ին այդպիսի կարծիք է հայտնել ադրբեջանցի հայտնի վերլուծաբան Ռաուֆ Միրկադիրովը։

<Բաքվի եւ Երեւանի համար այսօր գլխավորը գոնե մշտական շփումն է, երկխոսությունը ՝ շփման գծում իրավիճակի հերթական սրումը թույլ չտալու նպատակով ։  Գլխավորն այն է, ընդ որում՝ հակամարտության երկու կողմերի համար, թույլ չտալ, որ այս փուլում այն անցնի թեժ փուլ։ Բանն այն է, որ հենց այս փուլում նման հեռանկարը ձեռնտու չէ ոչ Ադրբեջանին, ոչ էլ Հայաստանին։ Եվ այս առումով բացարձակապես կարևոր չէ ՝ դա արվում է մադրիդյան, կազանյան սկզբունքների, թե՝ <Լավրովի պլանի> միջոցով>, - ընդգծել է նա։

Վերլուծաբանը հակված չէ իբր ընթացող սուբստանտիվ բանակցությունների մասին հայտարարությունների լուրջ ընկալմանը, որոնց արդյունքում արդեն իսկ որոշվում են ապագա համաձայնագրի ուրվագծերը։ Միրկադիրովը լուրջ չի ընկալում նաև 

ՌԴ ԱԳ նախարար Սերգեյ Լավրովի վերջերս արված հայտարարությունը փոխզիջման հնարավորությունների առկայության մասին։ Նրա գնահատմամբ ՝ նման ծրագրերն ու հնարավորությունները Ղարաբաղի շուրջ բանակցային ողջ գործընթացի ընթացքում քիչ չեն եղել, բայց դրանք բոլորը ոչնչով են ավարտվել ։

<Թե ինչով է տարբերվում <Լավրովի պլանը> նման այլ ծրագրերից, ցավոք, մեզ հայտնի չէ։ Առաջին հերթին՝ հայտնի չեն մանրամասները, Լեռնային Ղարաբաղի կարգավիճակի որոշման հարցում <կարմիր գծերը>։  Այս գործընթացում պակաս կարեւոր չեն նաեւ Քելբաջարի եւ Լաչինի շրջաններն Ադրբեջանին վերադարձնելու հարցերը։

Այսպիսով՝ Ադրբեջանի համար <տարածքային ամբողջականությունը>, իսկ Հայաստանի համար ՝ <միացումը> կամ Ղարաբաղի անկախությունը շարունակում են խոչընդոտ մնալ փոխզիջման ճանապարհին>, - ընդգծել է նա ։

Անցյալ շաբաթ Ադրբեջանի ԱԳ նախարար Էլմար Մամեդյարովը հայտարարել էր, որ Հայաստանի ԱԳ նախարար Զոհրաբ Մնացականյանի հետ բանակցություններում <քննարկվում են կոնկրետ եւ իրական պահեր>, մասնավորապես տարբեր փաստաթղթեր, որոնցից վերջինը, ընդ որում՝ իբր Երեւանի նախաձեռնությամբ, <Լավրովի պլանն է>:

Մեկնաբանելով Մամեդյարովի հայտարարությունը ՝ ՀՀ ԱԳՆ մամուլի խոսնակ Աննա Նաղդալյանը հայտարարել է, որ այս փուլում որևէ փաստաթղթի շուրջ քննարկումներ չկան: <Բոլոր այն առաջարկները, որոնք չեն ենթադրում արցախցիների ինքնորոշում, Հայաստանի համար անընդունելի են> - հայտարարել է Նաղդալյանը: