Ուրբաթ, 6 Դեկտեմբերի 2019 15:15
Նաիրա Բադալյան

Երևանի քաղաքապետարանը չի հրապարակում Գորան Բրեգովիչի հոնորարի չափը

Երևանի քաղաքապետարանը չի հրապարակում Գորան Բրեգովիչի հոնորարի չափը

Արմինֆո.Երեւանի փոխքաղաքապետ Հայկ Սարգսյանը չգիտի, թե ինչ վարձատրություն կստանա սերբ հայտնի երաժիշտ Գորան Բրեգովիչը Ամանորի գիշերը Հանրապետության հրապարակում ելույթ ունենալու համար:  <Տեղեկացված չեմ, քանի որ կա ընկերություն, որ կազմակերպում է համերգը, և չգիտեմ, թե որքան է հատկացվելու ելույթի և որքան ՝ մնացած ծառայությունների համար>, - հայտարարել է նա դեկտեմբերի 6-ին ՝ պատասխանելով Երևանի ավագանու <Բարգավաճ Հայաստան> խմբակցության անդամի հարցին:

 

Երևանի քաղաքապետ Հայկ Մարությանն իր հերթին հստակ պատասխան ստանալու համար առաջարկել է գրավոր դիմել քաղաքապետարան։ <Պատասխանը կստացվի, եթե դրա համար որեւէ իրավական խոչընդոտ գոյություն չունի>, - պարզաբանել է նա:

 

Ավելի վաղ ԱրմԻնֆո-ն հայտնել էր, որ սկսած դեկտեմբերի 20-ից՝ երկրի գլխավոր տոնածառի լույսերի վառման արարողությունից, 16 օր շարունակ միջոցառումների շարք է նախատեսվում մայրաքաղաքում. մասնավորապես, Հանրապետության հրապարակի շատրվանների տարածքում կառուցվելու է հեքիաթային քաղաք,Երեւանի 2750-ամյակի պուրակում գործելու է Սուրբծննդյան տոնավաճառ (Christmas Market),Հրապարակում տեղադրվելու է վերգետնյա անցում՝ կամրջակներով, որոնք միացնելու են հրապարակի եզրային «ափերը» կենտրոնական օղակի եւ այնտեղ տեղադրված գլխավոր տոնածառի հետ, Հյուսիսային պողոտայում տեղադրվելու է կրեատիվ տոնածառերի ցուցադրություն եւ այլն: Իսկ գլխավոր իրադարձությունը կլինի Նոր տարվա գիշերվա ընթացքում. Հանրապետության հրապարակում ելույթ կունենա աշխարհահռչակ Գորան Բրեգովիչը՝ իր նվագախմբով: Հավելենք, որ կառավարության որոշմամբ <Նոր տարի 2020> միջոցառումների իրականացման համար հատկացվել է 271 մլն 797 հազար դրամ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի