Աշխատանք հերթերում. գործնականում, ոչնչից փող վաստակելու հայկական ունակություն

Արմինֆո. 2019 թվականի նոյեմբերի վերջին՝ դեկտեմբերի սկզբին, մեքենաների մաքսազերծումն ամբողջովին կիրականացվի Գյումրիում հյուսիսային սահմանով՝ Բավրա, Գոգավան և Բագրատաշեն անցակետերով ներմուծվող փոխադրամիջոցների համար:

Այդ մասին նոյեմբերի 18-ին լրագրողների հետ զրույցում ասել է ՊԵԿ նախագահ Դավիթ Անանյանը։ Նա հիշեցրել է, որ հոկտեմբերի 14 - ից Վրաստանից եւ Ճապոնիայից ներկրվող եւ Հայաստան ներմուծված մարդատար փոխադրամիջոցների մաքսային ձեւակերպումն իրականացվում է Հյուսիսային մաքսակետում, իսկ Իրանից ներմուծման դեպքում ՝ Հարավային մաքսակետում, Սիսիան քաղաքում: Հայ-վրացական սահմանով թրեյլերներով Հայաստան ներմուծվող ավտոմեքենաների մաքսային ձևակերպումը 2019 թվականի նոյեմբերի 18-ից իրականացվում է նաև Գյումրի քաղաքում: Մինչեւ նոյեմբերի վերջ հայ մաքսավորները կհայտարարեն այն մասին, որ կոնտեյներներով փոխադրվող 8703 ապրանքային խմբին դասվող ավտոմեքենաների մաքսային ձեւակերպումը կհանձնվի Հյուսիսային մաքսատանը (Գյումրի քաղաքում)՝ այդպիսով ամբողջությամբ տրանսպորտային միջոցների մաքսազերծման գործառույթը տեղափոխելով Գյումրի քաղաք:

Ինչ վերաբերում է քաղաքացիների բողոքներին եւ Գյումրիի մաքսատանը ավտոներմուծողների կուտակումներին, ապա, ՊԵԿ նախագահի խոսքով, դրանք հիմնականում կապված էին այն բանի հետ, որ այստեղ քաղաքացիներին սպասարկում էր "Արարատբանկի" ընդամենը մեկ մասնաճյուղ, որը չէր թերանում էր զուտ աշխատանքի ֆիզիկական ծավալների պատճառով: Բացի այդ, ըստ գլխավոր հարկայինի, "հայրենակիցները այստեղ էլ հնարամտություն էին ցուցաբերում"։  "Նրանք բիզնես վարելու նոր ձեւ են հորինել. գիշերը գալիս էին ավտոմաքսատուն, մեքենաներից պետհամարանիշերը հանում էին, հերթ էին կանգնում եւ արդեն առավոտյան իրենց տեղը վաճառւոմ էին մյուսներին։  Մենք ժամանակին ահազանգել ենք խնդրի մասին, և ոստիկանության գործընկերներն օպերատիվ կարգավորել են հարցը, այսօր, կարծում եմ, մարդիկ նման խնդրի չեն բախվում", - նշել է նա:

Նախատեսվում է, որ Գյումրիում ավտոտեխմաքսային ծառայությունը, որը ծառայություններ կմատուցի "մեկ պատուհանի" սկզբունքով. այստեղ կիրականացվի ոչ միայն մաքսազերծում, այլեւ փոխադրամիջոցների գրանցում եւ համարների տրամադրում, կսպասարկի օրական 1000-1200 ավտոմեքենա: ՊԵԿ-ի ղեկավարը վստահեցրել է, որ Նորագավիթի մաքսատանն ավտոմեքենաների կուտակումների հարցը կլուծվի մինչեւ 2019 թվականի վերջը:

Ավելի վաղ Արմինֆո-ն հաղորդել էր, որ Հայաստանում մեկնարկել է Գյումրի քաղաքում ավտոմեքենաների մաքսազերծման նոր կենտրոնի ստեղծման ծրագիրը: Ծրագրի ընդհանուր արժեքը կազմում է 2,2 մլրդ դրամ։  Ներմուծվող ավտոմեքենաների մաքսազերծման կետը Նորագավիթի մաքսային վարչությունից Գյումրի տեղափոխելու մտադրությունները բխում են ՀՀ վարչապետի հանձնարարականից՝ կապված ԵԱՏՄ անդամ չհանդիսացող երկրներից ավտոտրանսպորտային միջոցների ներմուծման աննախադեպ աճի հետ:  Նոր կետը կոչված է դառնալու արտաքին տնտեսական գործունեության աջակցության ստեղծվող կենտրոնի մի մասը ։  Շինարարությունը նախատեսվում է Պաշտպանության նախարարությանը պատկանող 21,5 հա տարածքում ։  Այդ տարածքից 4,5 հա կհատկացվի մաքսային մարմինների և ոստիկանության սպասարկման կենտրոնի ստեղծման համար։  Պետեկամուտների կոմիտեին ավտոմաքսատան կառուցման առաջին փուլում հատկացվել է 181 մլն դրամ, երկրորդ փուլում՝ 966 մլն դրամ։