Երկուշաբթի, 11 Նոյեմբերի 2019 11:48
Ալինա Հովհաննիսյան

Հայաստանի միգրացիոն բացասական սալդոն 2019 թ. հունվար-սեպտեմբերին աճել է 4 տոկոսով

Հայաստանի միգրացիոն բացասական սալդոն 2019 թ. հունվար-սեպտեմբերին աճել է 4 տոկոսով

Արմինֆո. 2019 թվականի հունվար-սեպտեմբեր ամիսներին գրանցվել է բնակչության միգրացիայի 47 575 դեպք, ինչը 10,9 տոկոսով ավելի է տարեկան վաղեմության ցուցանիշից:

 

Ինչպես վկայում են ՀՀ Վիճակագրական կոմիտեի տվյալները, այդ թվից արտասահմանից Հայաստան է տեղափոխվել 18112 մարդ (տարեկան 23,8 տոկոս աճով), իսկ արտասահման է արտագաղթել 22739 մարդ (տարեկան 19,2 տոկոս աճով): Մինչդեռ ներհանրապետական միգրացիան կազմել է 24836 դեպք ՝ տարեկան 4,2 տոկոս աճով։ Արդյունքում, 2019թ. հաշվետու ժամանակահատվածում Հայաստանի միգրացիայի բացասական սալդոն կազմել է 4 627 մարդ ՝ տարեկան 4 տոկոս աճով:

 

Հիմնական երկրները, որտեղ նախընտրում են տեղափոխվել Հայաստանի քաղաքացիները ՝ Ռուսաստանը, ԱՄՆ-ն, Արցախի Հանրապետությունը, Ֆրանսիան, Վրաստանը, Գերմանիան և Ուկրաինան են։

 

Զբոսաշրջության նպատակով հաշվետու ժամանակահատվածում Հայաստան է այցելել 1 459 152 մարդ (տարեկան 14,4 տոկոս աճով), իսկ մեկնել է 1 312 282 մարդ (տարեկան 14,3 տոկոս աճով):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի