Արմինֆո. Հայաստանը ողջունում է Ներկայացուցիչների պալատի կողմից թիվ 296 բանաձևի ընդունումը, որում հաստատվում է ԱՄՆ դիրքորոշումը Հայոց ցեղասպանության վերաբերյալ։ Այդ մասին ասվում է Հայաստանի ԱԳՆ հայտարարության մեջ, որի տեքստն ԱրմԻնֆո-ին տրամադրել են ԱԳՆ մամուլի ծառայությունից:
ՙՀայաստանը ողջունում է ԱՄՆ Ներկայացուցիչների պալատի կողմից թիվ 296 բանաձևի ընդունումը, որով հաստատվում է ԱՄՆ դիրքորոշումը Հայոց ցեղասպանության վերաբերյալ։ Այս բանաձևը կարևորագույն նշանակություն ունի, քանի որ հաստատակամ է պաշտոնական ճանաչման և հիշատակման միջոցով ոգեկոչելու Հայոց ցեղասպանությունը, մերժելու ժխտողականությունը և խրախուսելու Օսմանյան կայսրության կողմից 1915-1923թթ․ 1․5 միլիոն հայերի բնաջնջման վերաբերյալ կրթության և իրազեկվածության բարձրացումը՝ որպես 20-րդ դարում իրականացված ցեղասպանության հստակ օրինակ։
Այն ժամանակ Միացյալ Նահանգների ժողովուրդն ու ղեկավարությունը մեծ ջանքեր գործադրեցին հայերի նկատմամբ իրականացված վայրագություններին արձագանքելու գործում՝ փրկելով և օգնության ձեռք մեկնելով Հայոց ցեղասպանությունը վերապրածներին։ Այսօր Միացյալ Նահանգները տուն է ուժեղ ու կենսունակ հայ համայնքի՝ իրենց հայրենիքի հպարտ քաղաքացիների համար, ովքեր նշանակալի ավանդ են բերել ինչպես ԱՄՆ-ի ձեռքբերումներին և բարեկեցությանը, այնպես էլ մեր երկու ժողովուրդների միջև բարեկամությանը։ Այս բանաձևը հարգանքի տուրք է մատուցում Հայոց ցեղասպանության զոհերի հիշատակին, ցուցադրում հարգանք նրանց արժանապատվության նկատմամբ և նշանավորում Ցեղասպանությունը վերապրածների կորովը և կենսունակությունը:
Հայաստանը խորապես շնորհակալ է ԱՄՆ Ներկայացուցիչների պալատի անդամներին՝ թիվ 296 բանաձևին օգտին իրենց վճռական և տպավորիչ քվեի համար, ինչը վկայում է ճշմարտության, արդարության, մարդասիրության, համերաշխության և մարդու իրավունքների համընդհանուր արժեքների նկատմամբ մեծագույն հանձնառության մասին:
Այս բանաձևը կարևոր ներդրում է միջազգային հանրության կողմից գործադրվող ջանքերին՝ ուղղված աշխարհի տարբեր անկյուններում նոր ցեղասպանությունների և զանգվածային վայրագությունների կանխարգելմանը, որոնք մեր օրերում շարունակում են ցնցել մարդկության գիտակցությունը։ Այն հզոր ուղերձ է ցեղասպանության չարիքի ժխտման և արդարացման դեմ պայքարում, քանզի ընդգծում է Հայոց ցեղասպանության դասերի արդիականությունը մարդկության դեմ ներկայումս իրականացվող հանցագործությունների համատեքստում։
Այսօր մենք նաև մեր խորին երախտագիտությունն ենք հայտնում աշխարհի մյուս բոլոր պետություններին՝ Հայոց ցեղասպանության ճանաչման գործում նախկինում գործադրած ջանքերի համար:
Հայաստանը խորապես հանձնառու է՝ շարունակելու սերտ համագործակցությունը իր բոլոր միջազգային գործընկերների հետ՝ հետևողականորեն և վճռականորեն կառուցելու ամուր հիմքեր և կարողություններ ցեղասպանությունների և մարդու իրավունքների զանգվածային խախտումների կանխարգելման ուղղությամբ՚, - ասվում է Հայաստանի ԱԳՆ հայտարարությունում:
Բանաձևի ընդունման առնչությամբ արտահայտվել է նաև Արցախի արտգործնախարար Մասիս Մայիլյանը, ով այս օրերին աշխատանքային այցով գտնվում է ԱՄՆ-ում։ Նա ֆեյսբուքյան իր էջում տեղեկացրել է, որ բանաձևի քվեարկության ժամանակ ներկա է եղել դահլիճում։ "Քվեարկության ավարտից հետո ինձ հնարավորություն ընձեռվեց շնորհակալություն հայտնել բանաձեւի համահեղինակներ Ֆրենկ Փալոնեին եւ Աննա Էշուին։ Հայության համար այս բանաձևի ընդունումը ոչ միայն բարոյական, այլև գործնական նշանակություն ունի։ Այն կնպաստի մեր տարածաշրջանում խաղաղության և կայունության ապահովմանը", - գրել է Մայիլյանը։ Բանաձևի ընդունումը ողջունել է նաև Արցախի խորհրդարանի խոսնակ Աշոտ Ղուլյանը, ով փաստել է, որ դա երկար սպասված իրադարձություն է Ցեղասպանությունը վերապրած մեր հայրենակիցների մի քանի սերունդների համար: "Սա բանաձև է, որի հաջող իրականացման համար ոչ միայն երեկ, այլև տարիներ շարունակ հետևողականորեն աշխատել է ԱՄՆ հայ համայնքը։ Այս երկկուսակցական նախաձեռնությունը հստակ ազդանշան է աշխարհին, որ մարդկության դեմ հանցագործությունների ճանաչումը դուրս է քաղաքական շահարկումների շրջանակներից: Դրանք պետք է դատապարտվեն՝ նոր ցեղասպանությունները կանխելու համար։ Ես երախտագիտություն եմ հայտնում բանաձևի հեղինակ Ադամ Շիֆին ՝ հայ ժողովրդի լավագույն բարեկամին և նրա համահեղինակներին, բոլոր 405 կոնգրեսականներին, ովքեր կողմ են քվեարկել արդարությանը, և ստի ու ժխտողականության առաջ դուռը փակելուն, և Հայոց ցեղասպանությունը բարձրաձայնելու համար ։ Ես նաեւ շնորհակալ եմ Ամերիկայի Հայ դատի հանձնախմբի եւ Ամերիկայի հայկական համագումարի ղեկավարներին, հայ համայնքին, որ նրանք հավաքվել են միասին եւ առաջադրել են համահայկական օրակարգը: Մենք դեռ շատ բան ունենք անելու միասին", - ասվում է Արցախի խորհրդարանի ղեկավարի հայտարարության մեջ։
Փորձագետ. Հայկական հասարակությունը ընկնում է տոտալիտար անվտանգության թակարդը
Փորձագետ․ Փաշինյանի այցը Ռուսաստան նախադրյալներ է ստեղծում երկխոսության վերականգնման համար, բայց հարաբերությունների ջերմացումն, ավելի շուտ, խորհրդանշական բնույթ է կրում
Քաղաքագետ․ Կասկածելի ընտրություններից հետո Հայաստանի իշխանություններն սկսել են ամրացնել պնդօղակները
Փորձագետ. սպանված Խամենեյի հուղարկավորությունը դարձավ Իրանի կողմից իր կապերի դիվանագիտական ինվենտարիզացիա
Զախարովա․ ԵՄ հետ մերձեցման Հայաստանի գիծը ռիսկեր է պարունակում ԵԱՏՄ անդամ երկրների տնտեսական անվտանգության համար
Ժամանակն է, որպեսզի հարավկովկասյան երկրները Հարավային Կովկասի մասին մտածեն որպես մեկ ընդհանուր տարածաշրջանի. Փաշինյան
Մոսկվան Հայաստանի հետ կապված իրավիճակում տեսնում է այն ինտեգրացիոն միավորումներին հարվածելու փորձեր, որոնց մասնակցում է ՌԴ-ն․ Ռուսաստանի նախագահի օգնական
Զախարովա․ Հայաստանը Ռուսաստանի հետ հարաբերություններն ընկալում է որպես գործիք՝ դեպի ԵՄ վերակողմնորոշումը ֆինանսապես ապահովելու համար
Հայաստանի արդարադատության նախարարն ու ԵՄ դեսպանը քննարկել են Երևանի համար վիզաների ռեժիմի ազատականացման օրակարգային հարցեր
Ադրբեջանագետ. Հայաստանի դեմ Ադրբեջանի զավթողական ծրագրերը հնարավոր են դարձել բացառապես Արցախի հարցով Փաշինյանի որոշումների արդյունքում
Զախարովա. Ռուսաստանը բողոքի նոտա է հղել Հայաստանին՝ Գյումրիի «Մայր Հայաստան» հուշահամալիրում տեղի ունեցած վանդալիզմի դեպքի կապակցությամբ
Սամվել Կարապետյանն առաջարկում է ընտրություններից հետո ստեղծել ընդդիմադիր կոալիցիա
Արցախի մշակութային ժառանգության պաշտպանը Մոսկվային կոչ է արել արձագանքել օկուպացված ԼՂՀ-ում Ադրբեջանի կողմից Հայրենական մեծ պատերազմի հուշարձանների ոչնչացմանը
Գլխավոր դատախազությունը դիմել է ԿԸՀ ՝ Ռոբերտ Քոչարյանի նկատմամբ քրեական հետապնդմանը համաձայնության համար
Նիդերլանդների վարչապետն իր աջակցությունն է հայտնել Հայաստանում ժողովրդավարական բարեփոխումների և տնտեսական դիվերսիֆիկացման օրակարգին
"Ժառանգություն". ժամանակն է, որ Հայաստանի ընդդիմությունը ժողովրդին ներկայացնի իրավատեր այլընտրանք՝ լայն-քաղաքական ու վերկուսակցական, հավաքական նորովի առաջնորդությամբ
