Արմինֆո. Սիրիայում և Սիրիայի շուրջ իրավիճակի վերաբերյալ Երևանի ցանկացած որոշում պետք է կայացվի հաշվի առնելով փակ տեղեկատվությունը, որին մենք չենք տիրապետում։ ԱրմԻնֆո-ին այդպիսի կարծիք է հայտնել քաղաքագետ, "Իմ քայլը" դաշինքի խորհրդարանական խմբակցության պատգամավոր Միքայել Զոլյանը։
"Իմ կարծիքով՝ իրավիճակը բավականին լուրջ է՝ հաշվի առնելով սեփական ներքին խնդիրները արտաքին թշնամիների հաշվին լուծելու Էրդողանի հակվածությունը, որոնց դերում ավանդաբար հանդես են գալիս քրդերը։ Այս անգամ նա գործի է անցել շատ հիմնավոր մասշտաբներով, և սովորաբար քրդերին աջակցող ԱՄՆ-ն իրավիճակին չի միջամտում։ Սա հերթական անգամ կարող է Հայաստանի համար ծառայել որպես հիշեցում՝ բացառապես սեփական, այլ ոչ թե արտաքին ուժերին ապավինելու անհրաժեշտության մասին", - ընդգծել է նա։
Իրավիճակի սրման հիմնական պատճառը խորհրդարանականը համարում է Իրանի և Իսրայելի, մի կողմից, եւ, մյուս կողմից, Իսրայելի և Սաուդյան Արաբիայի միջեւ հակասությունների սրումը: Նրա կարծիքով, դա ուղեկցվում է մուլտիպլիկատիվ էֆեկտով և արտացոլվում է անկայունության տարբեր օջախների վրա։ Նրա գնահատմամբ ՝ Էրդողանը զուգահեռաբար փորձում է Իրաքի շուրջ որոշակի համաձայնությունների հասնել ԱՄՆ-ի և Ռուսաստանի հետ։
Դրա հետ մեկտեղ, ըստ Զոլյանի, Թուրքիայի սիրիական քարտ-բլանշը ժամանակավոր, մարտավարական քայլ է, բայց ամենևին՝ ոչ ռազմավարական, քանի որ ոչ ԱՄՆ-ն, ոչ էլ, առավել ևս, Ռուսաստանը մտադիր չեն թույլ տալ Թուրքիայի չափից ավելի հզորացում: Այս լույսի ներքո, նրա կանխատեսումներով, Թուրքիային թույլատրված է ընդամենը սահմանափակ առաջխաղացում, որից հետո Անկարան ստիպված կլինի դադարեցնել ռազմական գործողությունները։
Հայաստանում հարաբերական կայունությունը՝ հանրապետության սահմաններից դեպի հարավ և հարավ-արևելք անկայունության օջախների ֆոնին, Զոլյանը համարում է ներքին միասնության և հայոց պետականության աստիճանական ամրապնդման արդյունք: Այս լույսի ներքո, կարճաժամկետ հեռանկարում նա բացառում է Ադրբեջանի կողմից Արցախի շուրջ իրավիճակի սրման հնարավորությունը։ Նրա գնահատմամբ, ամեն դեպքում, Բաքվի նման պահվածքը իռացիոնալ կթվա։ Հատկապես, հաշվի առնելով, որ դաշնակից Թուրքիան պատերազմ է վարում Սիրիայում և Արցախ ադրբեջանական ներխուժման փորձի դեպքում նրա լիարժեք աջակցություն ակնկալել չի կարելի։
"Բաքվի համար զսպող գործոն կդառնա նաև Թուրքիայի պարտությունը Սիրիայում։ Սակայն Թուրքիայի համար սիրիական արշավի հաջող ավարտը, միևնույն ժամանակ, կարող է նաև Ադրբեջանում առաջացնել չարդարացված էյֆորիա։ Չարդարացված, հաշվի առնելով, մի կողմից, քրդական կազմավորումների եւ ՆԱՏՕ-ի անդամ Թուրքիայի ԶՈՒ-ի միջեւ, մյուս կողմից, Հայաստանի եւ Ադրբեջանի կանոնավոր բանակների միջև միանգամայն տարբեր հաշվեկշիռները։ Ընդ որում, ես բացառում եմ Արցախի եւ Հայաստանի նկատմամբ Թուրքիայի անմիջական ռազմական ներգործության հնարավորությունը։ Այդ ներգործությունը կարող է կրել բացառապես անուղղակի բնույթ", - ամփոփել է խորհրդարանականը։