Երկուշաբթի, 21 Հոկտեմբերի 2019 15:09
Դավիթ Ստեփանյան

Կանխատեսում. Գլոբալ քաղաքականության փոփոխությունները կարող են անդրադառնալ Հայաստանի եւ Արցախի անվտանգության վրա

Կանխատեսում. Գլոբալ քաղաքականության փոփոխությունները կարող են անդրադառնալ Հայաստանի եւ Արցախի անվտանգության վրա

Արմինֆո. Ընթացիկ միջազգային իրավիճակում արցախյան հակամարտության կարգավորման մասին լուրջ խոսելու հնարավորություն անգամ չկա։ ԱրմԻնֆո-ին այդպիսի կարծիք է հայտնել Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը։

 

<Թուրքական բանակի գործողությունները Սիրիայի հյուսիսում արմատապես փոխել են գլոբալ շահերի դասավորվածությունը։ ՆԱՏՕ-ի ներսում ճգնաժամ է առաջացել. կազմակերպության առանցքային անդամները հակվում են Թուրքիայի դեմ պատժամիջոցներ կիրառելու գաղափարին:  Նախաձեռնելով նման պատժամիջոցներ ՝ ԱՄՆ նախագահը հայտարարել է, որ իրեն բացարձակապես միեւնույն է, թե ով է ձեռնամուխ լինելու հերթական սիրիական ճգնաժամը կարգավորելուն ։  ԱՄՆ-ն չի պատրաստվում թուրքերի դեմ պատերազմել քրդերի պատճառով՝ հատկապես հաշվի առնելով այդ պատերազմում սիրիական բանակի ներգրավումը>, - նշել է նա ։

 

Այսպիսով՝ Դոնալդ Թրամփը, վերլուծաբանի գնահատմամբ, անուղղակիորեն այդ գործընթացում ներգրավում է Ռուսաստանին եւ Չինաստանին: Իսկ Ռուսաստանի նախագահ Պուտինն անմիջապես գործի է անցել ՝ թուրք գործընկերոջը հրավիրելով Մոսկվա։ Ըստ Սարգսյանի ՝ տեղի ունեցածը դաշնակիցների և հակառակորդների միջև նախկինում գոյություն ունեցող հարաբերությունների <լղոզման> գործընթացի անշրջելիության հերթական վկայությունն է ։  Որպես հետևանք ՝ անշրջելի են նաև փոփոխությունները ՝ ինչպես տարածաշրջանային, այնպես էլ գլոբալ մակարդակով։

 

<Գլխավոր հարցն այս ամենի մեջ այն է, թե ինչ կլինի, երբ սիրիական և թուրքական բանակը հայտնվի միմյանց առջև։ Հատկապես հաշվի առնելով, որ Թրամփը ոչ մի վատ բան չի տեսնում Սիրիային Ռուսաստանի օգնության մեջ։ Այս բոլոր փոփոխությունները կարող են անդրադառնալ նաև Հայաստանի և Արցախի անվտանգության վրա ։   Եվ անհանգստության պատճառներն այստեղ բավական շատ են՝ հաշվի առնելով հոկտեմբերի 15-ին Բաքվում Էրդողանի և Ալիևի արած հայտարարությունները>, - ընդգծել է նա ։

 

Հոկտեմբերի 14-ին Թուրքիայի նախագահ Ռեջեփ Թայիփ Էրդողանը Բաքվում Թուրքալեզու պետությունների համագործակցության խորհրդի 7-րդ նիստի  ընթացքում հայտարարել է <Ադրբեջանի տարածքների՝  Լեռնային Ղարաբաղի եւ հարակից շրջանների հայկական օկուպացիայի տակ գտնվելու անընդունելիության մասին>:Նա նաեւ պատրաստակամություն է հայտնել <աջակցել Ադրբեջանի տարածքային ամբողջականության վերականգնմանը>:

 

Հոկտեմբերի 14-ի նույն գագաթնաժողովում Հայաստանի տարածքի նկատմամբ հավակնություններ հնչեցրեց Ադրբեջանի նախագահ Իլհամ Ալիևը։ <Նախչիվանը բաժանված է Ադրբեջանի մայրցամաքային մասից։ Նրանց միջև Զանգեզուրն է՝ հնագույն ադրբեջանական հող։ Դրա հանձնումը Հայաստանին թյուրքական աշխարհի աշխարհագրական խզում է ստեղծել>,- հայտարարել է Ալիևը:

 

Վերլուծաբանի խոսքով, դրանից անմջապես հետո ադրբեջանական մամուլը սկսեց շրջանառել այն գաղափարը, որ Ադրբեջանը պետք է Ղարաբաղում օգտագործի Թուրքիայի կողմից ստեղծված` <հակաահաբեկչական մաքրման> նախադեպը>: Ընդ որում, հատուկ ուշադրություն է դարձվել Ադրբեջանի նման գործողություններին ԱՄՆ և Ռուսաստանի աջակցության հնարավորության գնահատմանը:

 

Վերջին հանգամանքը չափազանց հետաքրքիր է՝ հատկապես հաշվի առնելով, որ Ադրբեջանի պաշտպանության նախարարի հայտարարության համաձայն որի՝ <միջազգային իրադրությունը թույլ չի տալիս պատերազմ սկսել Լեռնային Ղարաբաղի դեմ>: Սարգսյանի խոսքով՝ Բաքվում շատ լավ հասկանում են, որ կարող են փորձել իրենց նպատակների իրականացմանը հասնել բացառապես գերտերությունների <կանաչ լույսի> ներքո, որոնք, ընդ որում, նաև կկապեն Հայաստանի ձեռքերը, ինչպես դա տեղի ունեցավ 2016թ.ապրիլին ։

 

<Այնուամենայնիվ, այս պահին Ադրբեջանին նման քարտ-բլանշ տալու ցանկություն որևէ մեկի մոտ չի նկատվում։ Դրա վկայությունն է հոկտեմբերի 14 - ին ՆԱՏՕ-ի Խորհրդարանական վեհաժողովի նիստում դաշինքի գլխավոր քարտուղար Յենս Ստոլտենբերգի արած հայտարարությունն այն մասին, ղարաբաղյան հակամարտությունը ռազմական լուծում չունի >, - ամփոփել է վերլուծաբանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Կառավարությունը հաստատեց սոցիալական աջակցության հերթական ծրագիրըԿառավարությունը հաստատեց սոցիալական աջակցության հերթական ծրագիրը
Ապրիլի 10-ից քաղաքացիները կարող են դիմել կորոնավիրուսի տնտեսական հետևանքների չեզոքացման միջոցառումներով նախատեսված սոցիալական աջակցությունները ստանալու համարԱպրիլի 10-ից քաղաքացիները կարող են դիմել կորոնավիրուսի տնտեսական հետևանքների չեզոքացման միջոցառումներով նախատեսված սոցիալական աջակցությունները ստանալու համար
Թորոսյան. Կորոնավիրուսի դեմ պայքարի համար նոր ստեղծվող առողջապահական ենթահամակարգը կարիք ունի բուժաշխատողներիԹորոսյան. Կորոնավիրուսի դեմ պայքարի համար նոր ստեղծվող առողջապահական ենթահամակարգը կարիք ունի բուժաշխատողների
Պետությունը միանվագ սոցհատկացումներ կտրամադրի անչափահաս երեխաներ ունեցող ընտանիքներին՝ աշխատանքը կորցնելու դեպքումՊետությունը միանվագ սոցհատկացումներ կտրամադրի անչափահաս երեխաներ ունեցող ընտանիքներին՝ աշխատանքը կորցնելու դեպքում
Փաշինյան. Հին աշխարհն այլեւս գոյություն չունի, մենք մտնում ենք նոր աշխարհՓաշինյան. Հին աշխարհն այլեւս գոյություն չունի, մենք մտնում ենք նոր աշխարհ
Կորոնավիրուսային հիվանդությամբ պայմանավորված` առողջապահության նախարարությունը հավաքագրում է կամավորներիԿորոնավիրուսային հիվանդությամբ պայմանավորված` առողջապահության նախարարությունը հավաքագրում է կամավորների
Վերին Լարսի ավտոճանապարհը շարունակում է փակ մնալՎերին Լարսի ավտոճանապարհը շարունակում է փակ մնալ
Ավիգդոր Էսկին. Հոսեյն Ամիր Աբդոլլահիյանի հայտարարությունը միջամտություն է ինքնիշխան Հայաստանի գործերինԱվիգդոր Էսկին. Հոսեյն Ամիր Աբդոլլահիյանի հայտարարությունը միջամտություն է ինքնիշխան Հայաստանի գործերին
Փոխվարչապետը կոչ է արել Հայաստանի քաղաքացիներին հնարավորինս զերծ մնալ տարբեր գերատեսչություններ այցելելուցՓոխվարչապետը կոչ է արել Հայաստանի քաղաքացիներին հնարավորինս զերծ մնալ տարբեր գերատեսչություններ այցելելուց
Nail Sunny-ին գեղեցկությամբ կնվաճի Երևանը. Մովսիսյան քույրերն առաջին սրահը կբացեն հայրենիքումNail Sunny-ին գեղեցկությամբ կնվաճի Երևանը. Մովսիսյան քույրերն առաջին սրահը կբացեն հայրենիքում
Հայաստանի օդային երթևեկության կարգավարները ինքնամեկուսացել են կորոնավիրուսի պատճառովՀայաստանի օդային երթևեկության կարգավարները ինքնամեկուսացել են կորոնավիրուսի պատճառով
Հաստատվել է կորոնավիրուսի 3 նոր դեպքՀաստատվել է կորոնավիրուսի 3 նոր դեպք
Տիգրան Ավինյան. Առաջարկություն եմ ներկայացրել Արմեն Սարգսյանին՝ ՀՀ քաղաքացիություն շնորհել 1698 անձիՏիգրան Ավինյան. Առաջարկություն եմ ներկայացրել Արմեն Սարգսյանին՝ ՀՀ քաղաքացիություն շնորհել 1698 անձի
Հակառակորդի կողմից արձակված կրակոցի հետևանքով մահացու հրազենային վնասվածք է ստացել պայմանագրային զինծառայողՀակառակորդի կողմից արձակված կրակոցի հետևանքով մահացու հրազենային վնասվածք է ստացել պայմանագրային զինծառայող
ՀՀ ԱԳՆ-ն կրկին դիմել է իր քաղաքացիներին՝ կորոնավիրուսի հետ կապված համաճարակաբանական իրավիճակի հետ կապվածՀՀ ԱԳՆ-ն կրկին դիմել է իր քաղաքացիներին՝ կորոնավիրուսի հետ կապված համաճարակաբանական իրավիճակի հետ կապված
Փնտրել ըստ օրերի