Շրջակա միջավայրի նախարարը չի կարող երաշխավորել Թեղուտի հանքավայրի 100%-անոց անվտանգությունը

Արմինֆո. ՀՀ շրջակա միջավայրի նախարար Էրիկ Գրիգորյանը բավարար տեղեկություններ չունի, որպեսզի վերջնական պատասխան տա այն հարցին, թե արդյոք Թեղուտի հանքավայրը ապահովագրված է այն իրավիճակներից, որոնք այսօր տեղի են ունեցել Զանգեզուրի պղնձամոլիբդենային կոմբինատի հետ: Այս մասին նա ասել է հոկտեմբերի 17-ին կառավարության նիստից հետո լրագրողների հետ զրույցում ։

Ընդ որում նախարարը խոստովանել է, որ ծանոթ է <Թեղուտ> ՓԲԸ-ի պոչամբարի պատվարի խնդիրների վերաբերյալ միջազգային փորձագետների եզրակացություններին: Գրիգորյանի խոսքով ՝ տեղեկատվությունը փոխանցվել է համապատասխան կառույցներին։

Հիշեցնենք, Թեղուտի լեռնահանքային համալիրը դադարեցրել է աշխատանքը 2018 թվականի հունվարին։ Նախ շահագործող ընկերությունը հայտարարելէ, որ պատճառն ընթացիկ վերանորոգման անհրաժեշտությունն է, իսկ երկու ամիս անց հայտարարել է, թե պոչամբարում խնդիր կա և դադարը երկարատև կլինի։ Ավելի ուշ հայտնի է դարձել, որ ՎՏԲ բանկը «Վալլեքսե ընկերության՝ մոտ 400 միլիոն դոլարի չվճարված պարտքի դիմաց առգրավել է հանքն ու լեռնահարստացուցիչ ֆաբրիկան։

Այս տարվա հուլիսին ամերիկյան խորհրդատվական ընկերության ներկայացուցիչ Դավիդ Հալլմանը հայտարարել է, որ Թեղուտի հանքի պոչամբարում փլուզման վտանգ կա, և վտանգ կա դրա շահագործման դեպքում: Ակտիվիստները սկսեցին պահանջել անհապաղ դադարեցնել հանքի շահագործումը:

Մինչդեռ ՎՏԲ բանկի ենթակայությամբ գործող «Թեղուտե ընկերության ներկայիս ղեկավարները հուլիսի կեսին վերագործարկել են լեռնահարստացուցիչ ֆաբրիկան և պնդում են, որ պոչամբարում ոչ մի խնդիր չկա։ Վերագործարկման օրը Թեղուտի հանքավայր էր այցելել Լոռու մարզպետ Անդրեյ Ղուկասյանը։ Ինչպես մարզպետը, այնպես էլ «Թեղուտե ընկերության գործադիր տնօրեն Կարեն Ղազարյանը հայտարարել են, որ կասկածներ ունեն, թե պոչամբարի փլուզման վտանգի մասին <կեղծ լուրերը> միտումնավոր են տարածվում։

Մինչդեռ <Վալլեքս> խմբի հայտարարության մեջ նշվում է, որ 2017 թվականի հոկտեմբեր-նոյեմբեր ամիսներին միջազգային ճանաչում ունեցող երեք կազմակերպություններ ուսումնասիրել են պոչամբարի պատվարն ու եզրակացրել, որ «անհրաժեշտ է անհետաձգելի քայլեր իրականացնել Թեղուտի պոչամբարի պատվարի ամրացման և անվտանգության ապահովման ուղղությամբե, հակառակ դեպքում՝ «կոմբինատի շահագործումը կառաջացնի պատվարի ինքնափլուզման իրական վտանգե։