Երեթշաբթի, 15 Հոկտեմբերի 2019 11:04
Ալեքսանդր Ավանեսով

Սահմանադրական դատարանը մերժել է ՍԴ նախագահի լիազորությունները դադարեցնելու մասին Ազգային ժողովի դիմումը

Սահմանադրական դատարանը մերժել է ՍԴ նախագահի լիազորությունները դադարեցնելու մասին Ազգային ժողովի դիմումը

Արմինֆո. Սահմանադրական դատարանը երեկ կայացած նիստում մերժել է ՍԴ նախագահ Հրայր Թովմասյանի լիազորությունները դադարեցնելու մասին  Ազգային ժողովի դիմումը:  Այս մասին հաղորդել է ՍԴ աշխատակազմի ղեկավար Էդգար Ղազարյանը։ Նրա խոսքով՝ Սահմանադրական դատարանի ընթացակարգային որոշումը կհրապարակվի օրենքով սահմանված ժամկետներում։

 

Հիշեցնենք, որ Ազգային ժողովը հոկտեմբերի 4-ի հերթական նիստում ընդունել էր Սահմանադրական դատարան դիմելու "Իմ քայլը" իշխող դաշինքի նախաձեռնությունը ՝ ՍԴ նախագահ Հրայր Թովմասյանի լիազորությունները վաղաժամկետ դադարեցնելու մասին: Նախաձեռնությանը կողմ էր քվեարկել 98 պատգամավոր, դեմ ՝ 1։  Ազգային ժողովի որոշումը խորհրդատվական բնույթ էր կրում, քանի որ վերջնական խոսքը պատկանում է ՍԴ անդամներին։   Հրայր Թովմասյանի լիազորությունների դադարեցման մասին օրինագիծն Ազգային ժողովի նախագահ Արարատ Միրզոյանին է ուղարկվել սեպտեմբերի 19-ին: Մինչդեռ հոկտեմբերի 3-ին հեռուստաընկերություններից մեկին տված հարցազրույցում Հրայր Թովմասյանը հայտարարել էր, որ ՍԴ-ի ղեկավարության փոփոխման փորձը նրա գործունեությունը չեզոքացնելու փորձ է: Թովմասյանի կարծիքով՝ "Իմ քայլը" խմբակցության նախաձեռնած սահմանադրական դատարանի ղեկավարի փոփոխության գործընթացը քաղաքական որոշում է, որն ուղղված է երկրում "վերջին արգելակման համակարգի" վերացմանը։ 

"Իմ հեռանալուց հետո Սահմանադրական դատարանը լիոակատար խամաճիկային մարմին կդառնա Հայաստանի նոր կառավարության ձեռքում, որը կկատարի քաղաքական որոշումները կամ ապրանքային տեսք կտա նրանց", - նշել էր Սահմանադրական դատարանի ղեկավարը: Թովմասյանն իր պաշտոնը լքելու ոչ մի օբյեկտիվ պատճառ չի տեսել։  Նա չի հերքել նախկին նախագահ Ռոբերտ Քոչարյանի մերձավոր շրջապատի հետ ազգակցական կապերի առկայությունը, սակայն նշել է, որ չնայած "ազգակցական" ճնշումներին, "գործել է ի շահ երկրի":

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի