Երկուշաբթի, 14 Հոկտեմբերի 2019 17:19
Մարիաննա Մկրտչյան

Նաղդալյան. Աշխաբադում տեղի են ունեցել ոչ թե բանակցություններ, այլ միայն՝ շփումներ Հայաստանի եւ Ադրբեջանի նախագահների միջեւ

Նաղդալյան. Աշխաբադում տեղի են ունեցել ոչ թե բանակցություններ, այլ միայն՝ շփումներ Հայաստանի եւ Ադրբեջանի նախագահների միջեւ

Արմինֆո.ՀՀ ԱԳՆ մամուլի խոսնակ Աննա Նաղդալյանը, անդրադառնալով Աշխաբադում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպմանը, ընդգծել է, որ Թուրքմենստանի մայրաքաղաքում բանակցություններ չեն ընթացել:

 

Հոկտեմբերի 14 - ին Երեւանում կայացած ճեպազրույցի ժամանակ Նաղդալյանը, անդրադառնալով Փաշինյան-Ալիեւ հանդիպման օրակարգին, նշել է, որ ամեն ինչ տեղավորվում էր միջազգային քաղաքավարության կանոնների մեջ։ <Աշխաբադում ոչ թե բանակցություններ են տեղի ունեցել, այլ միայն՝ շփումներ։ Երկու երկրների ղեկավարները միմյանց կողքին հայտնվել են այբբենական կարգով նստելու հետևանքով, և ամբողջ ճաշի ընթացքում զրույց է եղել նրանց միջև, այդ թվում՝ ղարաբաղյան հակամարտության կարգավորման շուրջ>,- ասել է նա՝ հավելելով, որ Հայաստանը բոլոր միջազգային հարթակներում մշտապես պահպանել է քաղաքավարության կանոնները, և ամեն ինչ տեղավորվում է այդ տրամաբանության մեջ ։

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի