Երկուշաբթի, 14 Հոկտեմբերի 2019 12:22
Ալեքսանդր Ավանեսով

Վրաստանի վարչապետը հոկտեմբերի 15-ին պաշտոնական այցով կժամանի Հայաստան

Վրաստանի վարչապետը հոկտեմբերի 15-ին պաշտոնական այցով կժամանի Հայաստան

Արմինֆո. Վարչապետ Նիկոլ Փաշինյանի հրավերով հոկտեմբերի 15-ին պաշտոնական այցով Հայաստան կժամանի Վրաստանի վարչապետ Գիորգի Գախարիան: Այդ մասին հաղորդել է ՀՀ վարչապետի աշխատակազմի մամւոլի ծառայությունը։

 

Ըստ աղբյուրի, դիմավորման պաշտոնական արարողությունից հետո Հայաստանի և Վրաստանի վարչապետները առանձնազրույց կունենան, որից հետո տեղի կունենա երկու երկրների պատվիրակությունների ընդլայնված կազմով հանդիպումը:  

 

Երկու երկրների վարչապետները հանդես կգան բանակցությունների արդյունքների վերաբերյալ հայտարարություններով՝ ԶԼՄ-ների ներկայացուցիչների համար:

 

Այցի ընթացքում Գիորգի Գախարիան հանդիպումներ կունենա ՀՀ նախագահ Արմեն Սարգսյանի, Գարեգին Բ ամենայն հայոց կաթողիկոսի հետ: Վրաստանի վարչապետը կայցելի նաև Ծիծեռնակաբերդի հուշահամալիր, որտեղ հարգանքի տուրք կմատուցի Հայոց ցեղասպանության զոհերի հիշատակին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի