Երկուշաբթի, 16 Սեպտեմբերի 2019 17:23
Ալեքսանդր Ավանեսով

Ն.Փաշինյան. Երեւանի եւ Թեհրանի միջեւ հարաբերությունների զարգացումն ուղղակիորեն կապված է Իրանի շուրջ ստեղծված աշխարհաքաղաքական կոնյունկտուրայի հետ

Ն.Փաշինյան. Երեւանի եւ Թեհրանի միջեւ հարաբերությունների զարգացումն ուղղակիորեն կապված է Իրանի շուրջ ստեղծված աշխարհաքաղաքական կոնյունկտուրայի հետ

Արմինֆո.  Հոկտեմբերի 1-ին սպասվում է Իրանի Իսլամական Հանրապետության նախագահ Հասան Ռոուհանիի այցը Հայաստան:  Այդ մասին սեպտեմբերի 16-ին Վանաձորում մամուլի ասուլիսի ժամանակ հայտարարել է վարչապետ Նիկոլ Փաշինյանը, պատասխանելով այն հարցին, թե Թեհրանում երկու պետությունների ղեկավարների միջեւ ձեռք բերված կոնկրետ որ պայմանավորվածություններ են սկսել կյանքի կոչվել։

 

Վարչապետի խոսքով՝ Երևանի և Թեհրանի միջև հարաբերությունների զարգացումն ուղղակիորեն կապված է Իրանի շուրջ ստեղծված աշխարհաքաղաքական կոնյուկտուրայի հետ, առակ իրավիճակում համատեղ ծրագրերի իրականացումն ուղղակիորեն կապված է Իրանի նկատմամբ սահմանված պատժամիջոցների հետ, ինչն արգելակում է համատեղ նախագծերի իրականացումը: "Կարեւոր է զարգացնել հարաբերություններն Իրանի հետ եւ չփչացնել դրանք այլ երկրների հետ", - եզրափակել է կառավարության ղեկավարը:

 

Հիշեցնենք, որ Հասան Ռոհանին ժամանում է Երևան՝ մասնակցելու ԵԱՏՄ պետությունների ղեկավարների գագաթնաժողովին։  Այցի շրջանակներում նախատեսվում է Իրանի եւ ԵԱՏՄ միջեւ ազատ առեւտրի գոտու ձեւավորման տանող ժամանակավոր համաձայնագրի ստորագրում:  Ազատ առեւտրի գոտու մասին Ժամանակավոր համաձայնագիրը հունիսի 10-ին վավերացրել Է Իրանի խորհրդարանը:

 

ԵԱՏՄ երկրները և Իրանը 2018 թվականի մայիսի 17-ին Աստանայի տնտեսական համաժողովի ընթացքում ազատ առևտրի գոտու ստեղծման մասին ժամանակավոր համաձայնագիր են ստորագրել: Այն նախատեսված է երեք տարվա համար եւ նախատեսում է ազատ առեւտրի գոտու ստեղծում ԵԱՏՄ-ի եւ Իրանի միջեւ՝ ապրանքների սահմանափակ անվանացանկով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի