Ուրբաթ, 13 Սեպտեմբերի 2019 15:00
Մարիաննա Մկրտչյան

Նաղդալյան. ԵԱՀԿ ԽՎ նախագահն իր հարցազրույցում որևէ բնորոշում չի տվել հայկական կողմի հայտարարություններին

Նաղդալյան. ԵԱՀԿ ԽՎ նախագահն իր հարցազրույցում որևէ բնորոշում չի տվել հայկական կողմի հայտարարություններին

Արմինֆո. ԵԱՀԿ ԽՎ նախագահ Գիորգի Ծերեթելին իր հարցազրույցում որևէ անդրադարձ, առավել ևս՝ բնորոշում չի տվել հայկական կողմի հայտարարություններին: Այդ մասին այսօր մամուլի ասուլիսի ժամանակ հայտարարել է ՀՀ ԱԳՆ մամուլի քարտուղար Աննա Նաղդալյանը:

 

Նրա խոսքով, կայացել է հանդիպում Վրաստանում Հայաստանի դեսպան Ռուբեն Սադոյանի և Գիորգի Ծերեթելիի միջև, որտեղ ի թիվս մի շարք հարցերի՝ բարձրացվել է նաև այս հարցը։ <Հարցին անդրադարձ է եղել նաև ԵԱՀԿ-ում Հայաստանի մշտական ներկայացչության կողմից: Ինչպես մեզ հավաստիացրել են ԵԱՀԿ-ում խորհրդարանական վեհաժողովի ներկայացուցիչները, Գիորգի Ծերեթելին իր հարցազրույցում որևէ անդրադարձ, առավել ևս՝ բնորոշում չի տվել հայկական կողմի հայտարարություններին: Նա աջակցում է ԵԱՀԿ Մինսկի խմբի համանախագահության ձևաչափին, ինչպես նաև կարևորում է խաղաղ գործընթացի առաջմղման համար համապատասխան միջավայրի ձևավորումը: Եվ նաև մեկ հանգամանք էլ նշեմ, որ առավոտյան մեզ տեղեկացրին, որ ադրբեջանական լրատվամիջոցները  հետին թվով արդեն իսկ խմբագրել են այդ հարցազրույցը, որը վերագրվում էր պարոն Ծերեթելիին>,- ասել է Նաղդալյանը:

 

Ինչպես ավելի վաղ հայտնել էր ԱրմԻնֆո-ն՝ վկայակոչելով ադրբեջանական լրատվամիջոցները, ԵԱՀԿ ԽՎ նախագահ Գեորգի Ծերեթելին Լեռնային Ղարաբաղի հակամարտության կողմերին կոչ է արել լուծել տարաձայնությունները եւ ընդհանուր լեզու գտնել: Ծերեթելին վստահեցրել է, որ Հարավային Կովկասում Լեռնային Ղարաբաղի հակամարտությունը գտնվում է ողջ աշխարհի ուշադրության կենտրոնում, այդ թվում՝ ԵԱՀԿ-ի:

 

ԱՊԱ գործակալության համաձայն՝  ԵԱՀԿ ԽՎ նախագահն իբր իր վերաբերմունքն է հայտնել Հայաստանի վարչապետ Նիկոլ Փաշինյանի հայտարարության վերաբերյալ: Նա, մասնավորապես, ասել է. <Կարծում եմ, որ նման

հայտարարությունները, որոնք նպատակ չեն հետապնդում հասնել հակամարտության կարգավորմանը եւ հեռու են երկրների միջեւ բանակցություններում ներդրում կատարելուց, միշտ վնասում են խաղաղ գործընթացին>:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի