Ուրբաթ, 13 Սեպտեմբերի 2019 10:59
Դավիթ Ստեփանյան

Փորձագետ. ՆԱՏՕ-ից Թուրքիայի դուրս գալը Պուտինի համար իդեա-ֆիքս է

Փորձագետ. ՆԱՏՕ-ից Թուրքիայի դուրս գալը Պուտինի համար իդեա-ֆիքս է

Արմինֆո. ՆԱՏՕ-ից Թուրքիայի դուրս գալը ՌԴ նախագահ Վլադիմիր Պուտինի համար վերածվել է իդեա-ֆիքսի, որին հասնելու համար նա պատրաստ է թուրք գործընկեր Էրդողանին, նույնիսկ, միջուկային զենք տրամադրել։  ԱրմԻնֆո-ին այդպիսի կարծիք է հայտնել Միջազգային հարաբերությունների  և անվտանգության հարցերի հայկական ինստիտուտի ասոցացված փորձագետ, թուրքագետ Հայկ Գաբրիելյանը։

 

Օրերս Թուրքիայի նախագահ Ռեջեփ Թայիփ Էրդողանը հայտարարեց, թե հրաժարվում է ճանաչել Թուրքիայի նկատմամբ կիրառվող միջուկային զենք ստեղծելու արգելքը։  Մասնավորապես, Թուրքիայի նախագահն անտրամաբանական է համարել, որ իր երկիրը չպետք է միջուկային մարտագլխիկներով հրթիռներ ունենա այն դեպքում, երբ դրանք կան մի շարք երկրների բանակների սպառազինությունում։

 

"Թուրքիան իր միջուկային ախորժակներով հայտնի է բավական վաղուց։  Եվ, իմ կարծիքով, այսօր դեպի նախանշված նպատակը գնում է սեփական ճանապարհով, որի մի մասը Աքքույուի ատոմակայանի կառուցումն է։  Հաշվի առնելով, որ այս նախագիծն իրականացվում է Ռուսաստանի կողմից, լուրջ մտահոգություններ կան Անկարային նաեւ միջուկային տեխնոլոգիաներ տրամադրելու հնարավորության վերաբերյալ",

  • ընդգծել է նա։

 

Ըստ փորձագետի ՝ Ռուսաստանի նախագահը ձգտում է սկիզբ դնել Թուրքիայի հետ ՆԱՏՕ-ի մասնատմանը, ինչի դիմաց միանգամայն կարող է Էրդողանին միջուկային տեխնոլոգիաներ տրամադրել։ Վերջինս,  իր հերթին, ստանալով միջուկային զենք, այլևս ՆԱՏՕ-ի կարիք չի ունենա այն աստիճանի, ինչպես այսօր ունի։  Նրա գնահատականներով՝ Պուտինին կհաջողվի Թուրքիային ՆԱՏՕ-ից  պոկել միայն այն դեպքում, եթե այդ երկիրը միջուկային զենք ստանա։  Ըստ թուրքագետի կանխատեսումների ՝ ցանկացած այլ իրավիճակում Էրդողանը նման քայլի չի գնա։

Գաբրիելյանի գնահատմամբ, նման իրավիճակը միանգամայն կարող է դառնալ Ռուսաստանի եւ Թուրքիայի նախագահների անձնական հարաբերությունների արդյունքը, որոնք որոշիչ նշանակություն ունեն երկու երկրների քաղաքականության մեջ:

 

Ընդ որում, Պուտինի և Ռուսաստանի շահերը, ինչպես նաև Էրդողանի և Թուրքիայի շահերը համընկնում են ոչ միշտ ։  Այս լույսի ներքո, Թուրքիայի նախագահը համոզված է, որ Պուտինը մտադիր է աջակցել սեփական իշխանության պահպանմանը, միեւնույն ժամանակ, չունենալով նման վստահություն ԱՄՆ վարչակազմի մտադրությունների վերաբերյալ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     



Մեկնաբանվողներ
Փնտրել ըստ օրերի