Արմինֆո. ՀՀ քննչական կոմիտեն հերքել է Ամուլսարի գործով գլխավոր քննիչ Յուրա Իվանյանի պաշտոնանկության մասին լրատվամիջոցների հաղորդումները:
Այդ մասին ԱրմԻնֆո-ի թղթակցին հաղորդել է ՔԿ մամուլի քարտուղար Նաիրա Հարությունյանը: Ինչ վերաբերում է քննչական կոմիտեի նախագահի տեղակալ Սամվել Ավետիսյանի պաշտոնանկության մասին լրատվամիջոցներում շրջանառվող լուրերին, ապա Հարությունյանը հրաժարվել է մեկնաբանություն տալ. Սակայն, ըստ Արմինֆո-ի ունեցած տեղեկությունների, Ավետիսյանը ևս շարունակում է իր լիազորությունները Քննչական կոմիտեում։
Ավելի վաղ ԶԼՄ-ները տեղեկատվություն էին տարածել "Ամուլսարի" գործով նոր հանգամանքների ի հայտ գալու կապակցությամբ Իվանյանի եւ Ավետիսյանի պաշտոոոոնանկության մասին:
Նշենք, որ ՔԿ-ում սկսվել է ծառայողական քննություն՝ կապված ԶԼՄ-ների հրապարակումների հետ՝ այն մասին, որ "Ամուլսարի" գործով գլխավոր քննիչ Յուրա Իվանյանը բնապահպանության նախկին նախարար Արամայիս Գրիգորյանի ազգականն է: Ա.Գրիգորյանը 2016-ին դրական եզրակացություն է րստորագրել "Ամուլսարի" հանքավայրի շահագործման համար ՇՄԱԳ-ի վերաբերյալ: