Արմինֆո.Երևանում կկառուցվի բազմաֆունկցիոնալ համալիր, ինչի առնչությամբ օգոստոսի 19-ին համագործակցության մտադրությունների մասին հուշագիր կստորագրվի «Լաուրա ինվեսթմընթ» ՍՊԸ (Հայաստան) և «Բայնոնա ինժեներական խորհրդատվություն» ՍՊԸ (Արաբական Միացյալ էմիրություններ) միջև: Հուշագրի ստորագրման արարողությունը կմասնակցեն ԱԻ նախարար Ֆելիքս Ցոլակյանը, էկոնոմիկայի նախարար Տիգրան Խաչատրյանը, տարածքային կառավարման և ենթակառուցվածքների նախարար Սուրեն Պապիկյանը, Երևանի գլխավոր ճարտարապետ Արթուր Մեսչյանը և այլ պաշտոնական անձինք:
«Լաուրա ինվեսթմընթ» ընկերության մամլո հաղորդագրության համաձայն, ընկերությունը հանդիսանում է Երևան քաղաքում 270 մետր բարձրությամբ, 71 հարկից բաղկացած «Անմոռուկ» բազմաֆունկցիոնալ համալիրի կառուցման նախաձեռնողը, որի աշխատանքային թիմը Էլոյան Արքիտեքտս ընկերության հետ միասին 2017թ. նոյեմբեր ամսից ընդգրկված է նախաներդրումային փուլի և ճարտարապետական կոնցեպցիայի (հայեցակարգի) մշակման աշխատանքներում:
ՙԷլոյան Արքիտեքտս ընկերությունը մեկնարկվել է 2012թ, հիմնադիրների գումարային փորձը ճարտարապետության և քաղաքաշինության մեջ գերազանցում է կես դարը։ Ընկերության նախագծված կառույցները իրականացվել են Հայաստանում, Գերմանիայում, Միացյալ Նահանգներում և Ռուսաստանի Դաշնությունում։
Ճարտարապետական թիմի փորձառությունը խոշոր քաղաքաշինական հանգույցներն են , ինչպես նաև տրանսպորտային ճարտարապետությունը։ Ընկերությունը մասնակցել կամ հեղինակել է այնպիսի կառույցներ ինչպիսիք են` Պորտլանդ Միլուոկե կամուրջը Օրեգոնում, Սան Ֆրանցիսկո Բէյ Բրիջ կամուրջը Սան Ֆրանցիսկո և Օկլանդ քաղաքների միջև, Ալտա Քեը երկնաքերը Չիկագոյում և բազմաթիվ այլ բնակելի և խառը կառուցապատման խոշորածավալ շինություններ և համալիրներ։
Ներդրումային ծրագրի իրականացման ժամկետը 5-6 տարի: Ներկա փուլում, հիմք ընդունելով էսքիզային նախագիծը, ամբողջ նախագծի իրականացման համար կպահանջվի մոտ 250 մլն ԱՄՆ դոլարին համարժեք դրամ: Ծրագրի իրականացման ընթացքում կստեղծվի 2500 շինարարության մեջ ընդգրվող աշխատատեղ, իսկ շինարարության ավարտից հետո, հետագա սպասակաման համար՝ 1300 աշխատատեղ:
«Լաուրա ինվեսթմընթ» Ընկերության և «Բայնոնա ինժեներական խորհրդատվություն» Ընկերության միջև համագործակցության շրջանակներում տեղի կունենա խորհրդակցություն և կոմերցիոն բանակցություններ, «Անմոռուկ» երկնաքերի շինարարության կառավարման գործառույթի իրականացման թեմայի շուրջ, որը տեղի կունենա 19.08.2019 թ-ին ք. Երևան «Արմենիա Մարիոթ» հյուրանոցի Արարատ շքասրահում:
«Բայնոնա ինժեներական խորհրդատվություն» ՍՊԸ-ն հիմնադրվել է 1994 թ-ին, իսկ «Բայնոնա միջազգային ինժեներական ծառայությունների և նախագծերի կառավարում» ՍՊԸ-ն 2018թ-ին՝ Հայաստանում։ Ընկերությունը դասակարգվում է «Հատուկ» խորհրդատուների դասին նախագծման և շինարարության ոլորտում։
Ընկերության արժեքները, պատմությունը և փորձը մեծ ճանաչում է բերել կառուցապատման տարբեր ոլորտներում։ Բայնոնայի նպատակն է սահմանել այնպիսի նախագծման ստանդարտներ, որոնցից կարելի է ոգեշնչվել ապագայի հորիզոններին նայելիս։ Ճիշտ մոտեցումը ընկերությանը բարձրացրեց 1994 թ. շատ համեստ սկիզբներից մինչև այն դիրքը, որը իրենքայսօր ունեն․ հսկայական պորտֆոլիո ունեցող ընկերություն, որը ունի մեծ փորձառություն արդյունաբերության մի շարք ոլորտներում, և առավելապես՝ որպես ընկերություն, որը իր հետքն է թողել տարածաշրջանում՚, - ասվում է հաղորդագրությունում:
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ