Գյումրիում նոր ավտոմոբիլային մաքսատան շինարարությունը կվստահվի "Մերձմոսկովյան" ընկերությանը. թե ով է կանգնած այս ընկերության հետևում ՝ ՊԵԿ-ին հայտնի չէ

Արմինֆո.Գյումրիում նոր ավտոմոբիլային մաքսատան շինարարությամբ կզբաղվի "Մերձմոսկովյան"ընկերությունը: Այդ մասին օգոստոսի 13-ին լրագրողների հետ հանդիպմանն ասել է ՊԵԿ փոխնախագահ Էդվարդ Հովհաննիսյանը։

"Թե ով է կանգնած այդ ընկերության հետևում՝ ես, անկեղծ ասած, տեղեկացված չեմ", - նշել է Հովհաննիսյանը։ Նրա խոսքով, ավանդաբար, նման նախագծերի կապալառուները, հաշվի առնելով դրա հրատապությունը, ընտրվում են առանց մրցույթի ՝ մեկ անձից ծառայությունների գնման ճանապարհով:

Ավելի վաղ Արմինֆո-ն հաղորդ էր, որ Հայաստանում մեկնարկել է Գյումրի քաղաքում ավտոմեքենաների մաքսազերծման նոր կենտրոնի ստեղծման ծրագիրը, որի ընդհանուր արժեքը կազմում է 2,2 մլրդ դրամ։ Նորագավիթի մաքսային վարչությունից ներմուծվող ավտոմեքենաների մաքսազերծման կետը Գյումրի տեղափոխելու մտադրությունները բխում են ՀՀ վարչապետի հանձնարարականից ՝ կապված ԵԱՏՄ անդամ չհանդիսացող երկրներից ավտոտրանսպորտային միջոցների ներմուծման աննախադեպ աճի հետ:  Նոր կետը կոչված է դառնալու արտաքին տնտեսական գործունեությանն աջակցմ կենտրոնի մի մասը։  Շինարարությունը նախատեսվում է Պաշտպանության նախարարությանը պատկանող 21,5 հա տարածքում, որից 4,5 հա կհատկացվի մաքսային մարմինների և ոստիկանության սպասարկման կենտրոնի ստեղծման համար։  Շինարարության համար կառավարությունն արդեն հատկացրել է 966,4 մլն դրամ։  Նիստի ընթացքում ՊԵԿ նախագահ Դավիթ Անանյանը հայտարարել է, որ կետի կառուցման նախագծմամբ կզբաղվի մերձմոսկովյան ընկերությունը, իսկ աշխատանքների կատարման նկատմամբ վերահսկողությունը կիրականացնի "Շին ինդուստրիա" ՓԲԸ-ն: Դավիթ Անանյանը վստահեցրել է, որ մեկ անձից ծառայությունների գնումները ոչ մի կերպ չեն անդրադառնա ծրագրի որակի եւ ժամկետների վրա:

Մինչդեռ լրատվամիջոցներում լուրեր են շրջանառվում այն մասին, որ "Մերձմոսկովյան" ընկերությունը պատկանում է Գյումրու ավագանու պատգամավոր Արտակ Ադամյանի հորը՝ "Բալասանյան" խմբակցությունից (խմբակցությունը գլխավորում է քաղաքապետ Սամվել Բալասանյանը):  ԱրմԻնֆո-ին հաջողվել է իրավաբանական անձանց էլեկտրոնային ռեգիստրի կայքում գտնել տեղեկատվություն "Մերձմոսկովյան" ԲԲԸ-ի առկայության մասին, որտեղ նշված է միայն նրա հիմնադրման տարեթիվը ' 26.04.1995 թ.: