Թուրքագետ. Ստամբուլում Բինալի Յըլդըրըմի պարտությունը Ռեջեփ Էրդողանի պարտությունն է ողջ Թուրքիայում

Արմինֆո. ԱԶԿ-ի թեկնածու Բինալի Յըլդըրըմի պարտությունն առաջին հերթին Ռեջեփ Թայիփ Էրդողանի պարտությունն է ողջ Թուրքիայում։ ԱրմԻնֆո-ին այդպիսի կարծիք է հայտնել ՄԱՀՀԻ ասոցացված փորձագետ, թուրքագետ Հայկ Գաբրիելյանը։

Հունիսի 24-ին Ժողովրդահանրապետական կուսակցության թեկնածու Էքրեմ Իմամօղլուն հաղթանակ է տարել Ստամբուլի քաղաքապետի կրկնակի ընտրություններում։ Թուրքիայի նախագահ Ռեջեփ Թայիփ Էրդողանը ընդունել է քվեարկության արդյունքներն ու իր կուսակից Բինալի Յըլդըրըմի պարտությունը ։  Ձայների 99,4 տոկոսի մշակումից հետո Իմամօղլուն ստացել  է ձայների 54 տոկոսը, իսկ նախկին վարչապետը եւ խորհրդարանի նախկին խոսնակ Յըլդըրըմը՝ ընդամենը 45,1 տոկոս:

ԱԶԿ-ն 2002 թվականից ի վեր առաջին անգամ պարտություն է կրել Ստամբուլի քաղաքապետի ընտրություններում ։  Այս տարի Ստամբուլի քաղաքապետի առաջին ընտրությունները տեղի են ունեցել 2019 թվականի մարտին, սակայն դրանց արդյունքները չեղարկվել են իշխանությունների կողմից, ինչը զանգվածային բողոքի ալիք է բարձրացրել ողջ Թուրքիայում:

<Ստամբուլում տեղի ունեցած պարտությունը իշխող կուսակցությունում լուրջ վերադասավորումների անհրաժեշտության լուրջ ահազանգ հանդիսացավ:   Համապատասխանաբար, Էրդողանը պետք է սկսի նախապատրաստվել 2023 թվականի խորհրդարանական և նախագահական հաջորդ ընտրություններին արդեն այսօր։ Իսկ եթե հետևենք այն գործընթացների տրամաբանությանը, որոնց համաձայն ընդդիմությունը կհաղթի բոլոր տեղական ընտրություններում մինչև 2023 թվականը, Էրդողանը կարող է ընդհանրապես կորցնել իշխանությունը մինչև խորհրդարանական և նախագահական ընտրությունները>, - նշել է թուրքագետը ։

Գաբրիելյանի գնահատմամբ ՝ ԱԶԿ-ն պարտություն է կրել Ստամբուլում մի քանի պատճառներով ։  Առաջին հերթին դա հնարավոր դարձավ Էրդողանի սխալների, բացթողումների և արկածախնդրության շնորհիվ՝ ինչպես երկրի ներքին, այնպես էլ արտաքին քաղաքականության մեջ ։  Այս ամենը հանգեցրել է Թուրքիայում լուրջ խնդիրների առաջացմանը, լիրայի արժեզրկմանը, ինֆլյացիային և, որպես հետևանք, ժողովրդական լուրջ դժգոհությանը ։

Այս ֆոնին ընդդիմությունը, ի դեմս ԺՀԿ-ի, փորձագետի գնահատմամբ, կարողացել է ոչ միայն մոբիլիզացնել սեփական հնարավորություններն ու ուժերը, այլեւ իր կողմը գրավել քուրդ ընտրազանգվածին։ <Եվ, իհարկե, Ստամբուլում իշխանափոխության հարցում զգալի դեր է խաղացել Էրդողանի որոշումը ՝ գնալ կրկնակի ընտրությունների։ Հաշվի առնելով, որ այդ որոշումն Էրդողանի ամենևին ոչ բոլոր կուսակիցներն են կիսել՝  կրկնակի ընտրությունները եւ հատկապես դրանց արդյունքները կարող են իր իսկ դեմ շրջվել։  Ընդ որում, ոչ միայն կուսակցությունում, այլեւ, ընդհանուր առմամբ, երկրում։  Դրա արդյունքում  ԱԶԿ– ն կարող է կորցնել  ընտրազանգվածի զգալի մասը հաջորդ բոլոր ընտրություններում>, - ամփոփել է թուրքագետը ։