Խորհրդարանը հաստատել է 2018 թվականի  պետբյուջեի կատարման վերաբերյալ կառավարւոթյան հաշվետվությունը

Արմինֆո. Ազգային ժողովը հունիսի 20-ի նիստում 94 ՙկողմ՚ և  17 ՙդեմ՚ ձայներով հաստատել է 2018 թվականի պետական բյուջեի կատարման մասին կառավարության հաշվետվությունը:

Ավելի վաղ, ներկայացնելով հաշվետվությունը, ՀՀ ֆինանսների նախարար Ատոմ Ջանջուղազյանը նշել էր, որ Հայաստանի տնտեսության համար օբյեկտիվ բացասական գործոնները, ինչպես նաև հնարավոր սպառնալիքների թեմայով բազմաթիվ շահարկումները ոչ մի կերպ չեն ազդել Հայաստանի պետական գանձարանի թվային ցուցանիշների վրա: Այսպես, գլխավոր ֆինանսիստի խոսքով, չնայած այն հանգամանքին, որ "2018 թվականի պետական բյուջեի մասին" օրենքով ՀՆԱ-ի աճը նախատեսվում էր 4,5 տոկոսի մակարդակում, փաստացի աճը կազմել է 5,2 տոկոս: 2018 թվականին պետական գանձարանի եկամուտները կազմել են 1 տրիլիոն 342 մլրդ դրամ՝ 2018 թվականի բյուջեով նախատեսված 1,308. 2  մլրդ դրամի փոխարեն (2017թ.հաստատված 1,210 0 մլրդ դրամ և 2016-ի փաստացի 1,135.9 մլրդ դրամ): Ծախսային մասը պակաս է եղել ամրագրված 1, 465,2 մլրդ դրամից ՝ 1 մլրդ 447 մլրդ դրամ (1,360.1 մլրդ դրամ 2017 եւ 1,420.6 միլիարդ 2016 - ին): Դեֆիցիտ/ՀՆԱ ցուցանիշի կանխատեսվող մակարդակը  պետք է կազմեր 156,9 մլրդ դրամ, փաստացի կազմել է 105,4 մլրդ դրամ։   2018-ի հարկեր/ՀՆԱ-ն հասել է 21% - ի կամ 1 տրլն 258 մլրդ դրամի՝ 2017թվի 20.8%- ի փոխարեն։  Մինչդեռ ֆինանսների նախարարությունը 2018 թվականին հարկային եկամուտների գծով ակնկալում էր մինչեւ 1, 248: 5 մլրդ դրամի աճ:  Հայաստանը շարունակում է մնալ ավելի քիչ պարտքային բեռ ունեցող երկրների շարքում։