Արմինֆո. Հայաստանում այդպես էլ չհասկացան և, նույնիսկ, չփորձեցին հասկանալ, թե ինչ է տեղի ունեցել Սանկտ Պետերբուրգում։ Համենայնդեպս, հունիսի 6-8-ը Միջազգային տնտեսական համաժողովին հայ հանրության արձագանքը սահմանափակվեց համացանցում ՌԴ ԱԳՆ մամուլի քարտուղար Մարիա Զախարովայի զետեղած վարչապետ Նիկոլ Փաշինյանի հայտարարության քննարկմամբ ԱրմԻնֆո-ին այդպիսի կարծիք է հայտնել Ռազմավարական և ազգային հետազոտությունների հայկական կենտրոնի տնօրեն Մանվել Սարգսյանը։
Նա հիշեցրել է, որ համաժողովի նախաշեմին ՌԴ նախագահի մամուլի քարտուղարը հատուկ ընդգծել էր, որ բացի Չինաստանի ղեկավարից, Պետերբուրգում սպասում են նաեւ Հայաստանի վարչապետին: Եվ ինչպես ցույց տվեցին Փաշինյանի նկատմամբ բարեհաճության ցուցադրական դրսևորումները, բոլոր կողմերից դիմացկունության ստուգման նպատակով նրան տրվող հարցերը, Սանկտ Պետերբուրգում Հայաստանին ակնհայտորեն զուր չէին սպասում։ Այստեղ նույնիսկ անզեն աչքի համար տեսանելի է համընդգրկուն գործընկերության ձևավորման համար Չինաստանի և Ռուսաստանի հայտում հատուկ տեղ զբաղեցնելու վերաբերյալ Հայաստանի արված առաջարկը", - ընդգծել է նա։
"Որպես արդյունք՝ գործնականում աննկատ մնաց միջազգային քաղաքականության մեջ ձևավորվող շատ կարևոր քաղաքական գիծը, որում Հայաստանին զգալի դեր է հատկացվում։ Մինչդեռ, խոսք է գնում, ոչ ավել, ոչ պակաս, համաշխարհային մասշտաբի տնտեսական ռազմավարության ամրապնդման ուղղությամբ համապարփակ գործընկերություն ձեւավորելու Մոսկվայի եւ Պեկինի աննախադեպ հայտի մասին", - ընդգծել է նա։
Վերլուծաբանի գնահատմամբ՝ ՉԺՀ նախագահ Սի Ծինպինի համար ՌԴ ղեկավարության կազմակերպած շքեղ ընդունելությունը, Պետերբուրգում հնչած հայտարարությունները կասկած չեն թողնում երկու երկրների հեռուն գնացող ծրագրերի վերաբերյալ: Իսկ ԱՄՆ-ի և Չինաստանի միջև աստիճանաբար խորացող կոշտ առևտրային պատերազմի ֆոնին Մոսկվայի և Պեկինի նման մտադրությունները կարող են ճակատագրական դառնալ ողջ աշխարհի համար։
Հայերին ողջ այս իրավիճակում, Սարգսյանի կարծիքով, պետք է, մասնավորապես, հետաքրքրեին երկու գերտերությունների կողմից Հայաստանի նկատմամբ ցուցաբերվող բարեհաճության կարեւորագույն նշանները՝ ինչպես Պետերբուրգի համաժողովի նախաշեմին, այնպես էլ դրա ընթացքում: Սի Ծինփինի հայտարարությունը, որը Հայաստանը բնութագրեց որպես "քաղաքակրթական" քաղաքականության մեջ Չինաստանի կարեւորագույն գործընկեր, Չինաստանի ԱԳ նախարարի այցը Հայաստան, երկու երկրների միջեւ մուտքի արտոնագրային ռեժիմի վերացումը, նրա գնահատմամբ, Հայաստանի նկատմամբ Չինաստանի ղեկավարության մեծ հետաքրքրության վկայությունն է:
Այս լույսի ներքո՝ վերլուծաբանը նշել է, որ իր ելույթներում վարչապետ Փաշինյանը, նույնիսկ, չի էլ թաքցնում, որ Հայաստանն իսկապես առաջարկելու բան ունի ձևավորվող միջազգային դասավորություններում։ Սարգսյանը հատկանշական է համարում, որ այդ քննարկումներում բացակայում են հետխորհրդային այլ դերակատարները, որոնց, սովորաբար, կարևորություն է տրվում։ Այս լույսի ներքո՝ նա ենթադրում է, որ նոր հեռանկարներում նրանց հետ շատ քիչ հույսեր են կապվում։